शक्ति काम 3:25 - जिरेल

²⁵ ख्‍योकोनचेन होथे परमेश्‍वर बात खित्‍कान्‍तेबे सन्‍तानराङ ईन्‍देकी थेबेकी खाबाते बातओन ख्‍योकोनला छ्या स्‍ये ज्‍युतालाराङ खाबा ओतान। थेमे परमेश्‍वरगी ख्‍योकोन ज्‍युज्‍यु पुर्खाताङ खाबाते जमान थेबे लाईदुकामा खाबा मेतान। थे जमानचेन थेकी ख्‍योकोनताङोङ खाबाते ईन। चुक सासीन परमेश्‍वरगी अब्राहामला ‘खुई सन्‍तान छ्य्‌वापेकीराङ ङा लुङबा लुङबे मि गाङेला आशी तेरग्‍यो,’ सिन साबा ओतान।

शक्ति काम 3:25 Iomraidhean Croise

लूका 1:72

दोक खिओ सिन थेकी ङुरूङ ज्‍युज्‍यु पुर्खाताङ खाबाते जमान टोक मेज्‍येता खाईन साबा च्‍योकराङ खिताला स्‍यूसुङ।

शक्ति काम 13:26

आज्‍यो न्‍वावे, ख्‍योकोन दुरू अब्राहाम सन्‍तान थेमे परमेश्‍वरला माने खित्‍कान्‍ते ज्‍येन ज्‍येन जातकी मिङ ओत। येशू बात थोरूम चुक सासीन परमेश्‍वरगी ङुरूङला पापकी सजायदुकी डेलाला थेला ताङाते ईन।

शक्ति काम 2:39

ङुरूङ प्रभु परमेश्‍वरगी मिओनला तेरग्‍यो सिन साबाते परमेश्‍वर आत्‍मा थेकी ख्‍योकोनला, ख्‍योकोन सन्‍तानला थेमे ज्‍येन ज्‍येन लुङबाला देत्‍कान्‍तेबा गाङेला तेरग्‍यो। प्रभु परमेश्‍वरगी सु सुला थे खोरोङ दोन्‍दु स्‍योक सिन कातोङगीका थेबा गाङेला थे खोरोङ आत्‍मा तेरग्‍यो,” सिन सिदुक।

रोमी 15:8

ख्रीष्‍टकी चुक खासुङा सिन विचार खि। थेचेन परमेश्‍वरगी यहूदीओन ज्‍युज्‍यु पुर्खाताङ गोमा खाबाते जमान पूरो खाला थेबाला लेमु खिताला थेबे नाङ केबा ओतान। दोक खाईन थेकी परमेश्‍वर थे खोरोङगी खिओ साबा च्‍योकराङ खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

रोमी 4:13

थेमे याङराङ परमेश्‍वरगी दि सा लुङबा अब्राहामताङ थे सन्‍तानओनते ओङगो सिन थेत्ताङ जमान खाबा ओतान। अब्राहामगी थे खोरोङ नियम ङेन्‍सुङ सिन परमेश्‍वरगी थेत्ताङ जमान खाबा मेतान। थेकी थे खोरोङताङ जमान खाबा च्‍योकराङ खिओ सिन अब्राहामगी थेला विश्‍वास खाबेकी परमेश्‍वरगी थेला दोषी मेन सानामेकी दि जमान खाबा ओतान।

गलाती 3:16

परमेश्‍वरगी जमान खाबाते बादोङ होदोजोराङ ईन। परमेश्‍वरगी थेत्ताङ थे सन्‍तानला आशी तेरग्‍यो सिन अब्राहामताङ जमान खाबाते बात परमेश्‍वर बातला तासुङ सासीन थेरू थेकी अब्राहाम सन्‍तान काल्‍बेईकी बात खाबाच्‍योक खाईन खोत्ताङ खुई सन्‍तानओनला सिन साबा मिन्‍दुक। बरू मिज्‍यीगी बात खिन खुई सन्‍तानला सिन टिला दुक। अब्राहाम सन्‍तान सिन मेराज्‍यीगी बातकामा खाबाते थे सन्‍तानचेन ख्रीष्‍टराङ ईन।

गलाती 3:29

दोस्‍यिककामा मेन, ख्‍योकोन ख्रीष्‍टताङ जीउज्‍यीकराङ ओङा ओतेकी ख्‍योकोनोङ अब्राहाम सन्‍तानराङ ओङगीन परमेश्‍वरगी थेत्ताङ थे सन्‍तानला तेरग्‍यो साबाते आशी ख्‍योकोनगीङ ङेत्‍क्‍यो।

गलाती 3:8

ज्‍येन ज्‍येन जातकी मिलाङ तिरी थेबेकी थे खोरोङला विश्‍वास खितेकी खित्‍सादु परमेश्‍वरगी थेबाला दोषी मेन सिओ सिन गोमाकाराङ परमेश्‍वर बातला टिबा ओतान। दोक ओङगो सिरच्‍येते गा लाङच्‍येते बात खाईन परमेश्‍वरगी अब्राहामला “खुई छ्य्‌वापेकीराङ लुङबा लुङबे मिकी आशी ङेत्‍क्‍यो,” सिन साबा ओतान।

छ्या स्‍ये च्‍युताते बात 14:6

थेरूई याङराङ ङे नामगी चेनापा फुरगीन ओताते परमेश्‍वर दूतज्‍यीकला थोङसुङ। थेचेन दि सा लुङबा खाङ ओताते लुङबा लुङबेते, थर थरगीते, खुदुक खुदुक भाषेते थेमे जात जातकी मिला गा लाङच्‍येते बात सिराला ओङगीन ओतान। दि गा लाङच्‍येते बातचेन नोमुङ खुदुक मोन्‍डोओ, सधैँभरि थोकराङ देत्‍क्‍यो।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,

छ्या स्‍ये च्‍युताते बात 7:9

थेमे दि तिरी ताजीन ङे थे सिंहासनताङ थे लुई रीउ दोन्‍दु ङोला ङ्वा मुथुप्‍च्‍या मुन्‍तीसरी मि थोङसुङ। थेबेकी खोलाक कार्मुतेन्‍दे खोन्‍दा ओतान। थेमे लाःक्‍तु खजूर दोङबो हाँगा खुरा ओतान। दिबाचेन लुङबा लुङबेते, थर थरगीते, जात जातकीते थेमे खुदुक खुदुक भाषे मि ओतान।