शक्ति काम 3:21 - जिरेल

²¹ थे थरिङोला स्‍वर्गने देता ओत। परमेश्‍वर बात खित्‍कान्‍तेबेकी परमेश्‍वरगी तिरी जेसुकै लेमु जोइओ सिन परमेश्‍वरगी सिर च्‍युताते बाततेबा गाङे साबा च्‍योकराङ मायाङथुप थे थेनेराङ देत्‍क्‍यो।

शक्ति काम 3:21 Iomraidhean Croise

लूका 1:70

शत्रु लाःक्‍तुकी थेमे ङुरूङला मिगी थोङसार्मु खित्‍कान्‍तेबा गाङे लाःक्‍तुकी डेल्‍ग्‍यो सिन परमेश्‍वरगी थे खोरोङ बात खित्‍कान्‍ते मिओनला गोमाकाराङ सिर च्‍युता ओतान।

शक्ति काम 1:11

“ए गालीलपे मिवे, ख्‍योकोन च्‍यिला दोक खाला नामने ताला देत्‍कीते? येशूला परमेश्‍वरगी स्‍वर्गने खेरसुङ। आनाङ ख्‍योकोनगी थेला चुक खाईन थेने ड्वा थोङा ओताने, था तिरी ङीमाई लोक्‍ला थे होथोकराङ खाला देमा ग्‍युरला ओङगो,” सिन सिदुक।

शक्ति काम 10:43

थेमे परमेश्‍वर बात खित्‍कान्‍ते मि गाङेकी गोमाकाराङ येशू ख्रीष्‍ट विषयला बात खाईन थेला विश्‍वास खित्‍कान गाङेला परमेश्‍वरगी थेबेकी खाबाते पाप गाङे माफ तेरग्‍यो। दोक खाला पाप माफ तेरच्‍येते थेकी येशू ख्रीष्‍टकी खाबाते कामगी खित्‍सादु खिओ सिरच्‍येते बात खाबा ओतान,” सिन सिदुक।

शक्ति काम 3:19

थाचेन ङा ख्‍योकोनला च्‍यि सिते सासीन ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थोक खासीन प्रभु परमेश्‍वरगी ख्‍योकोन पाप माफ तेरग्‍यो। थेमे थेकी ख्‍योकोनला आशी बिन्‍ला ढुक्‍क खाला देत ज्‍युत्‍क्‍यो।

शक्ति काम 3:20

दोस्‍यिककामा मेन, ख्‍योकोन नाङ तोङगो सिन छाने खाबाते ख्रीष्‍टला थेकी लोक्‍ला देमा तोङगो। थेचेन येशूराङ ईन।

रोमी 8:21

चुक सासीन थे छोमु परमेश्‍वरगी थे खोरोङ फुज्‍युङ फुमुला पीरताङ दुक्‍पा थेमे स्‍यिच्‍येते कालदुकी टाल्‍ला थे खोरोङगी ज्‍वा चाला च्‍योकराङ लेमु जोइओ। दोक खाला थे खोरोङगी जोबाते जति गाङेला थेकी सजायदुकी डेल्‍ग्‍यो। थेमे थेरू स्‍यिच्‍येते, नाश डोच्‍येते सिराते छ्याःङ मेङगो।

हिब्रू 1:1

परमेश्‍वरगी थाङबो थाङबोबा ङुरूङ ज्‍युज्‍यु पुर्खाताङ पालोताङ पालो थरी थरी खाईन परमेश्‍वर बात खित्‍कान्‍तेबे छ्य्‌वापेई बात खाबा ओतान।

२ पत्रुस 1:21

थे बातओननी थे खोरोङ आत्‍मे छ्य्‌वापेई परमेश्‍वरगीराङ थेबाला सिर च्‍युताते ईन, मिओनगी खोपरोङ सेमला नोकीन खाबाते बात मेन।

२ पत्रुस 3:2

परमेश्‍वर बात खित्‍कान्‍ते मिओनगी गोमाका साबाते बाततेबा थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी खि साबाते थेकी खटे खाबाते मिओनगी खेराङला लाप्‍कीन बिन्‍दाते बातओन ख्‍योकोनगी नोमुङ टोक माज्‍येत।

छ्या स्‍ये च्‍युताते बात 18:20

“था स्‍वर्गने ओत्‍कान्‍तेबा गाङेराङ, परमेश्‍वर सन्‍तानओन, येशू ख्रीष्‍टकी खटे खाबाते मिओन थेमे परमेश्‍वर बात खित्‍कान्‍तेबा ख्‍योकोन गाङेराङ थे सार थोक खाईन छिगीन गाला थोङजीन गा खि। च्‍यिला सासीन थेकी ख्‍योकोनला मेलेबा खाबेकीराङ परमेश्‍वरगी थेला थोक छ्येज्‍यीक सजाय बिन्‍सुङ।”

छ्या स्‍ये च्‍युताते बात 22:6

थेमे याङराङ थे दूतकी ङाला “थाल्‍लासाक खुई थोङातेताङ थोबाते दि गाङे बात साबाते भन्‍दा नोमुङ खुदुक मोन्‍डोच्‍येते साबा च्‍योकराङ ओङच्‍येते बात ईन। था होत्ता ओङगीन ओताते दि बातओन थे खोरोङ काम खित्‍कान्‍ते मिओनला छ्या स्‍ये ज्‍युताला प्रभु परमेश्‍वरगी थे खोरोङ दूत ताङा ओतान। परमेश्‍वर बात खित्‍कान्‍ते मिओनला थोक खिताला थे खोरोङ आत्‍मा तेरकान्‍ते प्रभु परमेश्‍वरराङ ईन,” सिन सिदुक।