शक्ति काम 3:19 - जिरेल

¹⁹ थाचेन ङा ख्‍योकोनला च्‍यि सिते सासीन ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थोक खासीन प्रभु परमेश्‍वरगी ख्‍योकोन पाप माफ तेरग्‍यो। थेमे थेकी ख्‍योकोनला आशी बिन्‍ला ढुक्‍क खाला देत ज्‍युत्‍क्‍यो।

शक्ति काम 3:19 Iomraidhean Croise

मत्ती 13:15

च्‍यिला सासीन थेबा छ्याःङ खोबा मुथुप्‍च्‍या गाल्‍ला दुक। थेबे नामज्‍योक थुक्‍पु गाल्‍ला दुक। थोकराङ खाईन थेबेकी छ्याःङ मोथोङस्‍यीत सिन खोपरोङ मिक चुम्‍ला दुक। थोक मेन्‍दा ईन्‍सीन थेबे मिगी थोङच्‍या ओतान, नामज्‍योककी थोच्‍या ओतान थेमे बात लेमु खाला खोला ङे छ्य्‌वापा लै खित्‍च्‍या ओतान। थेमे थोक खानामेई ङा थेबाला थेबे पापदुकी टाल्‍ला लेमु खित्‍च्‍या ओतान,’ सिन सिर च्‍युता ओतान।

मत्ती 18:3

“लो दि फिजाला तो। स्‍वर्गे राज्‍यदु छ्ये टेक्‍टे सिराते बात ख्‍योकोनगी विचार खाबाच्‍योक मेङगो। फिजाओनचेन ङा ङाराङ ईन सिराच्‍योक मिक्‍किओ। ख्‍योकोनोङ छ्ये खिता ताङला फिजाओन च्‍योकराङ ओङा फाप्‍क्‍यो। थोक मायाङथुप ख्‍योकोन नोमुङ स्‍वर्गे राज्‍यदु स्‍यूक्‍पा मेङेदो।

लूका 1:16

थेकीचेन ख्‍योकोन इस्राएलीओन काल्‍बेई सेम प्रभु परमेश्‍वर छ्य्‌वापा ग्‍युर ज्‍युत्‍क्‍यो।

लूका 22:57

थेकी थोक सिरजीन पत्रुसकी “खो सुई बात खिन ओते? ङेनी थे मिला ङोराङ मेस्‍येओ,” सिन सिदुक।

शक्ति काम 1:6

थोक खाला ठेते बेलालाराङ ङीमाई थेबेकी थेला “प्रभु, था खुई ङुरूङ इस्राएलीओनते गोमा तोराते राज्‍य दाक्‍पोन लाःक्‍तु लाला राज्‍य खिओ मेन?” सिन ठिसुङ।

शक्ति काम 11:18

थेकी दि गाङे बात सानामेकी गोमा थेला ङारकान्‍ते मि गाङेराङ खाराक्‍पा देत्‍सुङ। थेमे थेबेकी परमेश्‍वरते जय जय खिनकामा “दि चुक अचम्‍बे बात ईन्‍दाका। थानी परमेश्‍वरगी ङुरूङगी च्‍योकराङ खाला ज्‍येन ज्‍येन जातकी मिकीङ नोमुङ मिसिन्‍च्‍येते जुनी ङेत्‍स्‍यीत सिन थेबाला खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍ये मौका तेराला स्‍यूदुक,” सिन बात खासुङ।

शक्ति काम 11:21

थोक खाला बात लोपाला प्रभु येशूकी थेबाला आउदी खाईन आशी बिन्‍सुङ। थेमे थेरू मि काल्‍बेईकी प्रभु येशूला विश्‍वास खाईन थे छ्य्‌वापा लै खासुङ।

शक्ति काम 15:3

सल्‍लाह खानामेकी थेबेकी पावलताङ बारनाबास थेमे खोपरोङ नाङदुई कोई कोईला यरूशलेमपा ताङसुङ। थेपा डोजीन थेबेकी फोनिसियाताङ सामरिये नाङला ओताते आज्‍यो न्‍वाओनला ज्‍येन ज्‍येन जातकी मिङ चुक खाईन प्रभु येशू छ्य्‌वापा लै खासुङा सिरच्‍येते गाङे बात लाःप्‍कीन गाल्‍सुङ। थे बात थोजीन थेबाङ आउदी खाईन गा खासुङ।

शक्ति काम 17:26

थेकीराङ गोमा मिज्‍यीक जोकीन थे छ्य्‌वापेईराङ जात जातकी मि ओङ च्‍युत्‍कीन थेबाला सा लुङबा खाङ देत च्‍युताते ईन। खाङ जातकी मिला खापा ज्‍य्‌वाच्‍ये, थोईसाक सोन ज्‍युत्‍च्‍ये सिन गाङे थेकी गोमाका ठीक खाबा ओतान।

शक्ति काम 2:38

ठिजीन पत्रुसकी “था ख्‍योकोन गाङेकी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे येशू ख्रीष्‍ट मिनगी छ्य्‌वापेई बप्‍तिस्‍मा लोङ। थेमे परमेश्‍वरगी ख्‍योकोन पापतेबा माफ तेरग्‍यो। थेमे ख्‍योकोनगी परमेश्‍वर आत्‍मा ङेत्‍क्‍यो।

शक्ति काम 28:27

च्‍यिला सासीन थेबा छ्याःङ खोबा मुथुप्‍च्‍या गाल्‍ला दुक। थेबे नामज्‍योक थुक्‍पु गाल्‍ला दुक। थोकराङ खाईन थेबेकी छ्याःङ मोथोङस्‍यीत सिन खोपरोङ मिक चुम्‍ला दुक। थोक मेन्‍दा ईन्‍सीन थेबे मिगी थोङच्‍या ओतान, नामज्‍योककी थोच्‍या ओतान थेमे बात लेमु खाला खोला ङे छ्य्‌वापा लै खित्‍च्‍या ओतान। दोक ओङनामेई ङा थेबाला थेबे पापदुकी टाल्‍ला लेमु खित्‍च्‍या ओतान,’ सिन सिर च्‍युता ओतान।

शक्ति काम 3:20

दोस्‍यिककामा मेन, ख्‍योकोन नाङ तोङगो सिन छाने खाबाते ख्रीष्‍टला थेकी लोक्‍ला देमा तोङगो। थेचेन येशूराङ ईन।

शक्ति काम 3:21

थे थरिङोला स्‍वर्गने देता ओत। परमेश्‍वर बात खित्‍कान्‍तेबेकी परमेश्‍वरगी तिरी जेसुकै लेमु जोइओ सिन परमेश्‍वरगी सिर च्‍युताते बाततेबा गाङे साबा च्‍योकराङ मायाङथुप थे थेनेराङ देत्‍क्‍यो।

रोमी 11:25

थेमे याङराङ आज्‍यो न्‍वावे, परमेश्‍वरगी इस्राएलीओनला चुक चुक खिते सिरच्‍येते बात ख्‍योकोनगी छ्या स्‍येस्‍यीत सिन ङा दि बातज्‍यीक सिरामीन। दि बात ख्‍योकोनगी खेराङ बुद्धि खिये खाला छ्या स्‍येबा मुथुबो। थेकी गोमा सुङलाङ छ्या स्‍ये च्‍युता मेताते बात च्‍यि ईन्‍दे सासीन काल्‍बा च्‍योक इस्राएलीकी परमेश्‍वरगी साबाते पटक्‍क ङेन्‍च्‍ये सेम माक्‍यासीनोङ थेबा तिरीसाक दोकराङ खिन मेदेदो। परमेश्‍वरगी ज्‍येन ज्‍येन जातकी मि नाङदुकी थे खोरोङला विश्‍वास खिओ साबाते मि जति थे खोरोङ छ्य्‌वापा लै खाईन मासिनथुपकामा थेबा दोक खिन देत्‍क्‍यो।

२ थिस्‍सलोनिकी 1:10

थेला विश्‍वास खित्‍कान्‍ते थे खोरोङ मिओनगीचेन गाङेकी प्रभु येशू ग्‍युरला ओङे छोमु थेकी खोपरोङला थोई लेमु खासुङा सिन थेते जय जय खिओ। ङ्योकोनगी लापाते गा लाङच्‍येते बात ङेन्‍देकी खित्‍सादु थे छोमु प्रभु येशूला थोक खित्‍कान्‍ते मिओन नाङ ख्‍योकोनोङ ओङगो।

२ थिस्‍सलोनिकी 1:7

थरिङोला दुक्‍पा भोगे खिन ओताते ख्‍योकोनलाचेन ङ्योकोनताङराङ था तिरी थेकी गाङे पीरताङ दुक्‍पादुकी टाल्‍ला लेमु खिओ। था चुक ओङगीते सासीन प्रभु येशू छ्येज्‍यीक शक्ति ओताते थे खोरोङ दूतओनताङ ज्‍यीबा लाङच्‍या मे ज्‍वाले नाङ देत्‍ला गाङेकी थोङच्‍या खाला स्‍वर्गनेकी ग्‍युरला वाला

२ तिमोथी 2:25

थेकीचेन थे खोरोङगी लोप्‍च्‍येते बातताङ मिडिक्‍च्‍येते बात खित्‍कान्‍ते मिओनताङ खा छ्येत लेमुकीराङ थेबेकी चुक्‍ते बात लोपा फाप्‍च्‍येते ईन्‍दे सिन लाप्‍ला तेरा फाप्‍क्‍यो। परमेश्‍वरगी थेबाला खोपरोङगी चुक मेलेबा खाबा ओता ईन्‍दाका सिन छ्या स्‍येच्‍येते मौका तेरगीतासीन सिन थेमे थेबेकी सत्‍यते बात च्‍यि ईन्‍दाका सिन लेमु खाला छ्या स्‍येकीतासीन सिन थेबाला होदोक खाला लाप्‍ला तेरा फाप्‍क्‍यो।

हिब्रू 4:1

परमेश्‍वरगी मिओनला थे खोरोङगी देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो सिन जमान खाबाते बात थोरूमोङ खुदुक गाला मेत। थेकी साबा च्‍योकराङ खाला देता ङेत्‍सादुई खेराङ सुङ माठाल्‍स्‍यीत सिन ङुरूङ च्‍याङबो खाला देता फाप्‍क्‍यो।

१ पत्रुस 2:25

गोमा ख्‍योकोन गोठाला मेत्‍कीन छरपुट्ट गालाते लुक च्‍योकराङ ओतान। थाचेन ख्‍योकोन प्रभु येशू छ्य्‌वापा लै खाबा ओत। थेचेन लेमुते लुई गोठाला ईन। थेकी ख्‍योकोनला मेलेबा खित्‍च्‍ये छ्य्‌वापेई जोए खाला लेमु खाला तेइओ।

२ पत्रुस 3:8

ङिङज्‍येते आज्‍यो न्‍वावे, दि बादोङ ख्‍योकोनगी टोक माज्‍येत। च्‍यि सासीन प्रभु परमेश्‍वर लाईदुनी ङीमाई सिराताङ लो हजारज्‍यीक सिरा दोक्‍पोईराङ ईन, छ्याःङ खुदुक मेन।

छ्या स्‍ये च्‍युताते बात 21:4

था थेकी थेबा गाङे मिकच्‍युक पिला तेरग्‍यो। स्‍यिच्‍येते सिरातेचेन था थेबे नाङ नोमुङ मेङगो। थोकराङ खाला पीर खित्‍च्‍येते, ङ्वा फाप्‍च्‍येते, नाचाताङ दोक्‍ते ज्‍येनतोक दुक्‍पा सिराते था थेबाला छ्याःङ मेङगो। दोक्‍ते गोमे बात था गाङे सिन्‍गीन सिन्‍दा ओत,” सिन सिरा ङे थोसुङ।