शक्ति काम 3:16 - जिरेल

¹⁶ थेमे होदि कुज्‍येला येशूकी थे खोरोङ शक्तिकी ख्‍याम्‍बा थुप्‍च्‍या जोबाते ईन। थेकी दोक खिओ सिन ङ्योकोनगी थेला विश्‍वास खाबेकी दि मि ख्‍याम्‍बा थुप्‍च्‍या गालाते ईन। दि दोक गालाते येशूकी दि खोरोङला ठाक्‍पा खिता थुप्‍क्‍यो सिन दिकी थेला विश्‍वास खाबेकीराङ ईन। दि मि गोमा ख्‍याम्‍बा मुथुप्‍च्‍या ओतान सिन ख्‍योकोन गाङेला लेमु खाला छ्याराङ ओत।

शक्ति काम 3:16 Iomraidhean Croise

मत्ती 14:29

थेकी “स्‍योकना ओना,” सासुङ। थेमे पत्रुस डुङ्गादुकी फाप्‍कीन छ्युई लाकताङ लाक ख्‍याम्‍गीन थे ओत्‍सापाला ड्वाप्‍ला स्‍यूसुङ।

मत्ती 9:22

थे खोरोङला दोनामेई थेकी ख्‍युर ग्‍युरगीन ल्‍हाकनापा तासुङ। थेमे थे फेम्‍मे मिला “फुमो, खो ज्‍यीबा माकेत। खुई ङाला विश्‍वास खाबेकी खित्‍सादु खो ठाक्‍पाते ईन,” सिन सिदुक। थे बेलामेकी थे फेम्‍मे मिते थे बेथा दाक ठाक्‍सुङ।

यूहन्‍ना 14:12

दि बात ङेन। ङाला विश्‍वास खित्‍कान्‍ते मिकीचेन ङे खाबा च्‍योक्‍ते कामराङ खिओ। थेकी दिबा भन्‍दाङ छ्ये छ्ये काम खिओ। दोक खिता थुप्‍च्‍येते च्‍यिला ईन्‍दे सासीन था ङा आबा ओत्‍साने ग्‍युरला डुइओ।

यूहन्‍ना 7:23

मोशेकी टिबाते परमेश्‍वर नियम ङेन्‍दाला सन्‍चारी छोमुङ ख्‍योकोन थे चिनु जोइदुक सासीन सन्‍चारी छोमु ङे मिज्‍यीकला पूरो खाईन ठाक्‍पा खाबा थोङजीनचेन ख्‍योकोन च्‍यिला ङात्ताङ स्‍येदाङ खिते?

शक्ति काम 14:9

थेरू पावलगी गा लाङच्‍येते बात लोप्‍जीन थे कुज्‍येकीङ थे बात ङेन्‍सुङ। थे खोरोङगी खिन ओताते बात लेमु खाईन ङेन्‍गीन देता ओता थोङगीन थे कुज्‍येकी प्रभु येशूकी थे खोरोङला ठाक्‍पा खिता थुप्‍क्‍यो सिन विचार खाला दुक सिन पावलगी छ्या स्‍येसुङ।

शक्ति काम 16:18

थे बातकामा खिन थे काल्‍बेई दिनसाक ङ्योकोन तिङ ङ्योइनराङ देत्‍सुङ। जहिलेङ थे थोककामा खिन ख्‍याम्‍जीन ङीमाई पावलगी स्‍येदाङ लाकीन ख्‍युर ग्‍युरगीन थे फेम्‍मे फिजाला खोबाते ल्‍हन्‍डीकला “ङा येशू ख्रीष्‍ट मिन लाला खोल्‍ला दि फिजादुकी थेन्‍ला ग्‍युक सिओ,” सिन सिदुक। थोक सिरासात्तु थे ल्‍हन्‍डीक दाक थे फेम्‍मे फिजाला ताङगीन गाल्‍सुङ।

शक्ति काम 3:6

थेमे पत्रुसकी थेला “खोल्‍ला तेराला ङात्ताङ सेर नोर छ्याःङ मेत। ईन्‍सीनोङ ङे खिता थुप्‍च्‍येतेचेन ङा खोल्‍ला खिओ। नासरतपे येशू ख्रीष्‍ट मिन लाला ङा खोल्‍ला लाला ख्‍योम सिन सिओ,” सिन साकीन

शक्ति काम 3:8

थे खोक लाकीन ख्‍याम्‍बालाङ स्‍यूसुङ। थेमे गा खिनकामा फिरगीन परमेश्‍वर चुक छ्ये ईन्‍दाका सिनकामा थेङ थेबा ङिबोताङराङ मन्‍दिर नाङने स्‍यूसुङ।

शक्ति काम 4:10

लो थोक ईन्‍सीन ङ्योकोनगी नासरतपे येशू ख्रीष्‍ट मिन लाकीन दि मि ख्‍याम्‍बा थुप्‍स्‍यीत सानामेई थेकीराङ दिला ख्‍याम्‍बा थुप्‍च्‍या जोबाते ईन। दि बात था ख्‍योकोनगीकामा मेन, इस्राएली गाङेकी छ्या स्‍येबा खि। थोक खित्‍कान्‍ते येशू ख्रीष्‍टला ख्‍योकोनगीचेन स्‍यिङगी थामला टाँए खाईन सेत च्‍युत्‍सुङ। ख्‍योकोनगी थोक खासीनोङ परमेश्‍वरगी थेला स्‍यिसादुकी सोम्‍बो लोक च्‍युता ओत।

शक्ति काम 4:30

थेमे प्रभु परमेश्‍वर, ङ्योकोनगी सेमला पाप सिराते छ्याःङ मेताते खालि खुई कामकामा खित्‍कान्‍ते येशू मिन लाला नाबाते मिओन ठाक्‍पा खिता छोल्‍जीन खुई थेबाला ठाक छ्युत, छ्ये छ्येताङ अचम्‍बतेन्‍दे काम खित छ्युत,” सिन प्रार्थना खासुङ।

शक्ति काम 4:7

थोक खाईन थेबाबरी जम्‍मा ओङसादु पत्रुसताङ यूहन्‍नालाङ क्‍याल्‍सुङ। थेमे थेबेकी थेबा ङिबोला “लो ङ्योकोनला सिते, ख्‍योकोन ङिबोकी दि कुज्‍येला सुई शक्तिकी खित्‍सादु ख्‍याम्‍बा थुप्‍च्‍या जोबे? सुई मिन लाकीन दोक खाबे?” सिन ठिसुङ।

रोमी 3:22

थाचेन जोराङ ईन्‍सीनोङ येशू ख्रीष्‍टला विश्‍वास खित्‍कान्‍ते मि गाङेला परमेश्‍वरगी दोषी मेन सिओ। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत परमेश्‍वर दोन्‍दु गाङे थोजोराङ ईन।

१ कोरिन्‍थी 13:2

ङेचेन परमेश्‍वरगी सिर च्‍युताते बात खित्‍च्‍येते शक्ति ङेता ओत्‍सीनोङ, परमेश्‍वरगी गोमा सुङलाङ छ्या स्‍ये च्‍युता मेताते बाततेबा गाङे छ्या स्‍येकान्‍ते ईन्‍सीनोङ थेमे परमेश्‍वरगी चुक खाला काम खिते सिरच्‍येते बात गाङे छ्या स्‍येबा ओत्‍सीनोङ ङे ज्‍येनला ङिङज्‍ये माक्‍यासीन दि बाततेबा छ्या स्‍येला छ्याःङ काम लै मिक्‍किओ, ङा छ्याःङ मेन। थेमे परमेश्‍वरगी जेङ खिता थुप्‍क्‍यो सिन थेला विश्‍वास खाला बोमज्‍यीकला सरे खाला ग्‍युक साला थे बोमला समेत सरे खित ज्‍युता थुप्‍सीनोङ ङा छ्याःङ मेन।