शक्ति काम 3:13 - जिरेल

¹³ बात चुक ईन्‍दे सासीन थरिङ दि अचम्‍बते काम खित च्‍युत्‍कीन ङुरूङ ज्‍युज्‍यु पुर्खा अब्राहाम, इसहाकताङ याकूबकी माने खाबाते परमेश्‍वरगी थे खोरोङ काम खित्‍कान्‍ते येशूताङ चुक छ्येज्‍यीक शक्ति ओते सिन छ्या स्‍ये च्‍युत्‍कीन बिन्‍दाते ईन। येशूला सेता फाप्‍क्‍यो सिन ख्‍योकोनगीचेन ज्‍येन जातकी मिओन लाःक्‍तु सोम्‍पे खासुङ। थेमे रोमी गेल्‍बो हाकिम पिलातसकी थेते छ्याःङ गल्‍ती मिन्‍दुक सिन तोङा छोल्‍जीनोङ ख्‍योकोनगी थेला मातोङ, थेलाचेन सेताराङ फाप्‍क्‍यो सिन साकीन

शक्ति काम 3:13 Iomraidhean Croise

मत्ती 11:27

याङराङ थेकी “आबेकी ओताते जति गाङे ङे जिम्‍माला बिन्‍दा ओत। थेमे ङाला गाङे बात छ्या स्‍ये च्‍युता ओत। ङा चुक्‍ते ईन्‍दे सिन आबेकीकामा छ्या स्‍येक्‍यो। थोकराङ खाला आबा चुक्‍ते ईन्‍दे सिनोङ ङेकामा छ्या स्‍येक्‍यो। ङेकामा मेन, ङे छ्या स्‍ये ज्‍युता चालाते मिओनगीङ आबाला लेमु खाला छ्या स्‍येक्‍यो।

मत्ती 20:19

लोक्‍ला ज्‍येन ज्‍येन जातकी मि लाःक्‍तु सोम्‍पे खिओ। थेमे थेबेकीचेन ङाला हेपे खाला ईन्‍दा मेन्‍दा सिओ, कोर्रा लै खिओ थेमे स्‍यिङगी थामला टाँए खाला सेत्‍क्‍योदोङ। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन सिदुक।

मत्ती 22:32

चुक सासीन थेरूचेन परमेश्‍वरगी ‘ङा अब्राहाम, इसहाक थेमे याकूब परमेश्‍वर ईन,’ सिन साबा ओत। मि स्‍यिनामेई थोकराङ तोरला डोच्‍या ईन्‍दा ईन्‍सीन ङुरूङ ज्‍युज्‍यु पुर्खा स्‍यिनामेकीङ ङा थेबे परमेश्‍वर ईन सिन परमेश्‍वरगी सिरच्‍याराङ मेतान,” सिन सिदुक।

मत्ती 27:2

थेमे थेला ठाकीन रोमी गेल्‍बो हाकिम पिलातस ओत्‍सादु खेरगीन थे लाःक्‍तु सोम्‍पे खासुङ।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

मर्कूस 15:11

तर छ्ये छ्ये पूजारीकी मि गाङेला लुकीन “येशूला मेन, बारब्‍बाला थोङ सि,” सिन बात लाप्‍कीन बिन्‍सुङ।

लूका 22:57

थेकी थोक सिरजीन पत्रुसकी “खो सुई बात खिन ओते? ङेनी थे मिला ङोराङ मेस्‍येओ,” सिन सिदुक।

लूका 23:4

थेमे छ्ये छ्ये पूजारीताङ थेरू जम्‍मा ओङाते ज्‍येन ज्‍येन मिला पिलातसकी “दिला च्‍यि सजाय तेरच्‍ये? ङेनी दिकी छ्याःङ गल्‍ती खाबा माथोङसुङ,” सिन सिदुक।

लूका 6:37

थेमे ख्‍योकोनगी ज्‍येनला फलाना दोक्‍ते, थे थोक्‍ते सिन मासेर। थोक खासीन परमेश्‍वरगी ख्‍योकोन दोषी ईन सिन सिओ। थेमे ख्‍योकोनगी फलानेकी थोक खाबेकी थेकी सजाय ङेताराङ फाप्‍क्‍यो सिन मासेर। दोक खासीन परमेश्‍वरगीङ ख्‍योकोनला खेराङ कामगी सजाय तेरग्‍यो। बरू ख्‍योकोनला सुइँदेकी खइँदा मेलेबा खासीन थेबाला माफ बिन। दोक खासीन परमेश्‍वरगी ख्‍योकोन पापोङ माफ तेरग्‍यो।

यूहन्‍ना 12:16

मिओनगी थोक खाबातेताङ परमेश्‍वर बातला थोक सिन टिबाते बातओन येशू चेलाओनगी गोमा छ्याःङ खोबा मेतान। परमेश्‍वरगी थेला स्‍यिसादुकी सोम्‍बो लोगीन स्‍वर्गने खेरनामेकीका मिओनगी थेते थोक खाईन जय जय खाबाते थेमे परमेश्‍वर बातला थोक सिन टिबाते बात थेबेकी लेमु खाईन छ्या स्‍येसुङ।

यूहन्‍ना 18:40

थेकी थोक सिरासात्तु यहूदीओनगी “मेन मेन, दिला मेन, बरू बारब्‍बाला थोङ,” सिन नामज्‍योक बुराङ साच्‍या खाईन छेरा खासुङ। थेबेकी थोङ साबाते बारब्‍बाचेन डाँका ओतान।

यूहन्‍ना 19:11

थोक सिरजीन येशूकी “स्‍वर्गने ओताते परमेश्‍वरगी ङाला दोक खि सिन खोल्‍ला अधिकार बिन्‍देकी खित्‍सादुकामा खुई ङे न्‍याय खिता ङेताते ईन। ङाला खुई लाःक्‍तु सोम्‍पे खित्‍कान्‍ते मिकी झन आउदी पाप खाबाते ईन,” सिन सिदुक।

यूहन्‍ना 19:12

थेकी येशूला दोस्‍यिकलाराङ ताङला तोङा चाला ओतान। तर यहूदीओनगी छेरा खिनकामा “खुई दि मिला ताङगीन ताङसीन खो रोमी गेल्‍बोताङ डिक्‍कान्‍ते मि मेन। जसकी ङा गेल्‍बो ईन खिदुक, थेकी रोमी गेल्‍बो विरोध खाबाते ईन,” सिन सासुङ।

यूहन्‍ना 19:15

थेकी थोक सानामेई “दिला ङ्योकोन मिगी दोन्‍दु माज्‍यो, दिला खेरला स्‍यिङगी थामला टाँए खाला सेत,” सिन थेबा झन नामज्‍योक बुराङ साच्‍या खाईन छेरा खिताला स्‍यूसुङ। थेमे थेकी “च्‍यि ङे ख्‍योकोन गेल्‍बोला स्‍यिङगी थामला टाँए खाला सेत्‍च्‍या?” सिन सिदुक। थोक सिरजीन छ्ये छ्ये पूजारीकी “ङ्योकोनतेनी रोमी गेल्‍बो बाई ज्‍येन गेल्‍बो ओतराङ मेत,” सिन सासुङ।

यूहन्‍ना 7:39

दि बात थेकी थे खोरोङला विश्‍वास खित्‍कान्‍ते मिओनगी तिरी परमेश्‍वर आत्‍मा ङेत्‍क्‍यो सिन सिराला साबा ओतान। परमेश्‍वरगी येशूला स्‍यिसादुकी सोम्‍बो लोक्‍ला स्‍वर्गने खेरच्‍येते काम थोरूमसाक खाबा मेतेकी परमेश्‍वरगी थेजीनसाक सुङलाङ परमेश्‍वर आत्‍मा बिन्‍दा मेतान।

शक्ति काम 22:14

थेमे थेकी ङाला ‘ङुरूङ ज्‍युज्‍यु पुर्खेकी माने खाबाते परमेश्‍वरगी थे खोरोङगी च्‍यि च्‍यि खिन ओते सिन खुई छ्या स्‍येस्‍यीत थेमे थे खोरोङगी खि साबा साबा च्‍योककामा खित्‍कान्‍तेला ठेत्‍स्‍यीत थेमे खुई थेकी खोत्ताङ बात खाबाते थोबा ङेत्‍स्‍यीत सिन खोल्‍ला छाने खाबा ओत।

शक्ति काम 24:14

दि बातज्‍यीकचेन ङा लेमु खाला सिरा थुप्‍क्‍यो। च्‍यि सासीन ङाचेन दिबेकी ईनराङ मेन्‍दे बात ईन सिन साबाते येशू बात ङेन्‍गीन थे छ्य्‌वापा लै खाईन ङेराङ ज्‍युज्‍यु पुर्खेकी माने खाबाते परमेश्‍वरला माने खिओ। परमेश्‍वर नियमला टिबाते थेमे परमेश्‍वर बात खित्‍कान्‍तेबेकी टिबाते बातओनोङ ङा गाङे ङेन्‍ग्‍यो।

शक्ति काम 3:12

थोक खाईन खोपरोङ फेरो खाङ जम्‍मा ओङाते मिओनला बात खिन पत्रुसकी “ए इस्राएलीवे, दि कुज्‍ये ख्‍याम्‍बा थुप्‍च्‍या गाला थोङजीन ख्‍योकोन च्‍यिला दोक खाला छक्‍क परे खिते? ख्‍योकोन च्‍यिला ख्‍याराच्‍योक खाला ङ्योकोनला तालाराङ देत्‍कीते? च्‍यि ख्‍योकोनगी दि मिला ङ्योकोनगी ङेराङ शक्तिकी ख्‍याम्‍बा थुप्‍च्‍या जोबाते ईन्‍दासीन साबाप? ना ङेत परमेश्‍वरला आउदी खाला माने खित्‍कान्‍ते मि ईन्‍देकी थोक खिता थुपासीन साबे?

शक्ति काम 3:26

साबा च्‍योकराङ खाईन ख्‍योकोन गाङेला मेलेबाते कामदुकी टाल्‍ला आशी बिन्‍ला लेमु खिताला परमेश्‍वरगी थे खोरोङ काम खित्‍कान्‍ते येशूला गोमा ख्‍योकोन नाङ ताङाते ईन,” सिन सिदुक।

शक्ति काम 4:27

परमेश्‍वर, गाङे बात गोमाका गेल्‍बो दाऊदकी साबा च्‍योकराङ ओङाते खोल्‍ला छ्याराङ ओत। च्‍यि सासीन सेमला पाप सिराते छ्याःङ मेताते खालि खुई कामकामा खित्‍कान्‍ते येशूला मेलेबा खिताला हेरोद गेल्‍बो, रोमी गेल्‍बो हाकिम पन्‍तियस पिलातस, ज्‍येन ज्‍येन जातकी मि थेमे इस्राएली गाङेराङ डिगीन दि सारदु जम्‍मा ओङसुङ। थोक खाईन थेबेकी खुई खटे खाईन ताङाते येशूला मेलेबा खासुङ।

शक्ति काम 4:30

थेमे प्रभु परमेश्‍वर, ङ्योकोनगी सेमला पाप सिराते छ्याःङ मेताते खालि खुई कामकामा खित्‍कान्‍ते येशू मिन लाला नाबाते मिओन ठाक्‍पा खिता छोल्‍जीन खुई थेबाला ठाक छ्युत, छ्ये छ्येताङ अचम्‍बतेन्‍दे काम खित छ्युत,” सिन प्रार्थना खासुङ।

शक्ति काम 7:32

थे थेपा डुइन डुइनला थेकी ‘ए मोशा, ङा खुई ज्‍युज्‍यु पुर्खा अब्राहाम, इसहाक थेमे याकूबकी माने खाबाते परमेश्‍वर ईन,’ सिन प्रभु परमेश्‍वरगी बात खाबा थोसुङ। प्रभु परमेश्‍वरगी बात खाबा थोकीन ज्‍यीबेकी दारगीन मोशेकी थेपा ताराङ मातासुङ।

रोमी 9:5

दोस्‍यिककामा मेन, थेबाचेन अब्राहाम, इसहाक थेमे याकूब सन्‍तानराङ ईन। थेमे परमेश्‍वरगी तोङगो साबाते ख्रीष्‍टोङ मि जुनी लाला दुरू ओङजीन थेबे जातकी नाङराङ केबा ओतान। थेचेन सा नाम खाङ गाङेपा गाङेला राज्‍य खित्‍कान्‍ते परमेश्‍वर ईन। थेते सधैँभरि जय जय ओङस्‍यीत। आमेन।

हिब्रू 2:9

तर ङुरूङगी येशू बात विचार खिइ। परमेश्‍वरगी मिला दया खाईन मि गाङे लाईदु स्‍याप्‍ला थेकी येशूला टिक्‍पी दिनगी लाईदु थे खोरोङ दूतओनला छेदोङ मान बिन्‍दा मेतान। मि गाङे लाईदु दुक्‍पा भोगे खाईन स्‍याप्‍की खित्‍सादु थाचेन परमेश्‍वरगी थेला छ्येज्‍यीक शक्तिताङ मान बिन्‍दा ओत।

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।