शक्ति काम 3:12 - जिरेल

¹² थोक खाईन खोपरोङ फेरो खाङ जम्‍मा ओङाते मिओनला बात खिन पत्रुसकी “ए इस्राएलीवे, दि कुज्‍ये ख्‍याम्‍बा थुप्‍च्‍या गाला थोङजीन ख्‍योकोन च्‍यिला दोक खाला छक्‍क परे खिते? ख्‍योकोन च्‍यिला ख्‍याराच्‍योक खाला ङ्योकोनला तालाराङ देत्‍कीते? च्‍यि ख्‍योकोनगी दि मिला ङ्योकोनगी ङेराङ शक्तिकी ख्‍याम्‍बा थुप्‍च्‍या जोबाते ईन्‍दासीन साबाप? ना ङेत परमेश्‍वरला आउदी खाला माने खित्‍कान्‍ते मि ईन्‍देकी थोक खिता थुपासीन साबे?

शक्ति काम 3:12 Iomraidhean Croise

यूहन्‍ना 7:18

दाक्‍पोनगी जोबाते बात लोप्‍कान्‍ते मिकीचेन ज्‍येनगी थे खोरोङला मान खित्‍स्‍यीत सिन लोप्‍क्‍यो। तर थे खोरोङला तोङकान्‍तेला मिओनगी मान खित्‍स्‍यीत सिन काम खित्‍कान्‍ते मिकीचेन ईन्‍दाते बातकामा खिओ, मेन्‍दाते बात सिराते थेकी दोक्‍पोईओङ मिक्‍किओ।

शक्ति काम 13:26

आज्‍यो न्‍वावे, ख्‍योकोन दुरू अब्राहाम सन्‍तान थेमे परमेश्‍वरला माने खित्‍कान्‍ते ज्‍येन ज्‍येन जातकी मिङ ओत। येशू बात थोरूम चुक सासीन परमेश्‍वरगी ङुरूङला पापकी सजायदुकी डेलाला थेला ताङाते ईन।

शक्ति काम 2:22

इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्‍दुराङ छ्ये छ्येताङ अचम्‍बतेन्‍दे काम खाईन तेन्‍दा ओतान। थेचेन थे खोरोङगी छाने खाईन ताङाते मि दुका सिन ख्‍योकोनगी छ्या स्‍येस्‍यीत सिनराङ परमेश्‍वरगी थेला छ्येज्‍यीक शक्ति बिन्‍गीन थोक अचम्‍बते काम खित च्‍युता ओतान। येशूकी च्‍यि च्‍यि खाबा ओताने, चुक चुक खाबा ओताने सिन ख्‍योकोनगीङ खेराङ मिगीराङ थोङा ओतान।

शक्ति काम 3:11

थेमे थे ठाक्‍पाते मिङ मन्‍दिर नाङ पत्रुसताङ यूहन्‍ने द्वामा द्वामा ख्‍याम्‍गीन सोलोमन सिराते पिंढीदु ख्‍योल्‍सुङ। थेबा थेपा ख्‍योल्‍नामेई थे मि चुक खाईन ख्‍याम्‍बा थुप्‍च्‍या गाल्‍ताका सिन छक्‍क परे खिन मि गाङेराङ छ्य्‌वाकीन वाकीन थेरूराङ जम्‍मा ओङसुङ।

शक्ति काम 3:13

बात चुक ईन्‍दे सासीन थरिङ दि अचम्‍बते काम खित च्‍युत्‍कीन ङुरूङ ज्‍युज्‍यु पुर्खा अब्राहाम, इसहाकताङ याकूबकी माने खाबाते परमेश्‍वरगी थे खोरोङ काम खित्‍कान्‍ते येशूताङ चुक छ्येज्‍यीक शक्ति ओते सिन छ्या स्‍ये च्‍युत्‍कीन बिन्‍दाते ईन। येशूला सेता फाप्‍क्‍यो सिन ख्‍योकोनगीचेन ज्‍येन जातकी मिओन लाःक्‍तु सोम्‍पे खासुङ। थेमे रोमी गेल्‍बो हाकिम पिलातसकी थेते छ्याःङ गल्‍ती मिन्‍दुक सिन तोङा छोल्‍जीनोङ ख्‍योकोनगी थेला मातोङ, थेलाचेन सेताराङ फाप्‍क्‍यो सिन साकीन

रोमी 11:1

बात दोक दोक ईन्‍सीनोङ परमेश्‍वरगी इस्राएलीओनला नोमुङ थे खोरोङ मि ईन सिरा ताङा मेत। थेकी दोक खितराङ मिक्‍किओ। ङालाराङ ताला विचार खिना। ङाङनी बेन्‍यामीन थरगी इस्राएलीराङ ईन। थेमे ङे ज्‍युज्‍यु अब्राहाम ईन।

रोमी 9:4

थेबानी परमेश्‍वरगी थे खोरोङ मि सिन साबाते इस्राएलीओनराङ ईन। थेबाचेन परमेश्‍वरगी थे खोरोङ धर्म-पुत्र जोबाते मि ईन। थेबेकी परमेश्‍वरला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थे खोरोङगी च्‍यि च्‍यि खिते सिन परमेश्‍वरगी थेबाताङ पालोताङ पालो जमान खाबा ओतान। थेमे थेबेकी चुक चुक खिता फाप्‍कीते सिन नियमओनोङ बिन्‍दा ओतान। थे खोरोङला चुक खाला माने खिता फाप्‍कीते सिन लाप्‍कीन बिन्‍गीन थेकी थेबाला आशी बिन्‍ला लेमु खिओ सिनोङ याङ याङराङ साबा ओतान।

२ कोरिन्‍थी 3:5

थोगी ङ्योकोनगी खित्‍च्‍येते कामताङ बात ङेराङ स्‍येतताङ बुद्धिकी खाबाते मेन। ङ्योकोनला स्‍येतताङ बुद्धि तेरकान्‍तेनी परमेश्‍वरराङ ईन।

छ्या स्‍ये च्‍युताते बात 7:13

थेरूई थे मेरा खालज्‍यीकताङ स्‍यीबो छ्ये छ्येतेबे नाङ दोक्‍पोईकी ङाला “दि कार्मुते खोलाक खोन्‍कान्‍ते मिओन सु ईन्‍दे? थेमे दिबा खापेकी वाबाते ईन्‍दे?” सिन ठिसुङ।