शक्ति काम 27:5 - जिरेल

⁵ थोक खिन खिन ङ्योकोन सिलिसियाताङ पामफिलिये अञ्‍चल छेउताङ छेउ खाईन लाइसिये अञ्‍चलते माइरा सिरसादु लेपाप।

शक्ति काम 27:5 Iomraidhean Croise

शक्ति काम 13:13

थेरूई तिरी पावलताङ थे र्‍वाओन पाफोसदुकी पानीजहाजला जेकीन पामफिलिये अञ्‍चलदु फाप्‍च्‍येते पर्गा सिरसादु लेप्‍सुङ। थेरू लेप्‍नामेकी यूहन्‍नाचेन पावलबा बारनाबासबाताङ ठाल्‍गीन यरूशलेमपा ग्‍युरसुङ।

शक्ति काम 15:23

थेमे थेबेकी दोक सिन चिट्ठीज्‍यीक टिकीन थेबे लाःक्‍तु बिन्‍गीन ताङसुङ। थे चिट्ठीला च्‍यि सिन टिबा ओताने सासीन “दि चिट्ठीचेन एन्‍टिओखियादु थेमे सिरियाताङ सिलिसियादु ओताते ख्‍योकोन ज्‍येन ज्‍येन जातकी आज्‍यो न्‍वाबा गाङे लाईदु टिबाते ईन। ख्‍योकोन गाङेला येशू ख्रीष्‍टकी खटे खाबाते मिओन थेमे दुरू ओताते येशू ख्रीष्‍ट मिओनला ताकान्‍ते मि ङ्योकोन गाङेते नमस्‍ते ओत।

शक्ति काम 15:38

तर पावलगीचेन थेला ङ्योम्‍बु खेरा लेमु मेङगो। येशू बात लोपे बेलाला थे काम मासिन्‍दालाराङ गोमा थे पामफिलियादुकी ङुरूङताङ ठाल्‍गीन गाला ओतान सिन थेला ङ्योम्‍बु खेरा माचाल्‍सुङ।

शक्ति काम 15:41

दोक खाईन पावलचेन सिरियाताङ सिलिसिये नाङपा गाल्‍सुङ। थेमे थेङला सार सारला जम्‍मा ओङकान्‍ते येशू ख्रीष्‍ट मिओनला जस्‍तोराङ ओङसीनोङ ख्‍योकोनगी येशूला विश्‍वास खिन देता मातोङ सिन आँट तेरगीन ख्‍याम्‍सुङ।

शक्ति काम 2:10

थेमे लाला फ्रिगिया, पामफिलियाताङ मिश्रे मिओन ईन। थोकराङ खाला कोई लिबिये लुङबेते साइरेनी सारगी छेउकी नाङपेते ईन। कोई रोम सारदुई वाबाते ईन। ङुरूङ कोई यहूदीओन थेमे कोई यहूदी धर्म माने खिताला स्‍यूबाते ज्‍येन ज्‍येन जातकी मि ईन।

शक्ति काम 21:39

थेकी थोक सिरजीन पावलगी “ङा थे मि मेन हजूर। ङानी यहूदीका ईन। ङा सिलिसिये अञ्‍चलते टार्सस सारगी मि ईन। थे छ्येते सार ईन सिन गाङेपे मिला छ्या ओत। हजूर खुई ङाला दि मिओनताङ बातज्‍यीक बात ङि खिता नाङ,” सिन सासुङ।

शक्ति काम 22:3

थेकी थेबाला “ङाङ यहूदीराङ ईन। ङा सिलिसिये अञ्‍चलते टार्सस सारदु केबाते ईन्‍सीनोङ दुरू यरूशलेमदुराङ हुर्के खाबाते ईन। गमलिएलचेन ङे गुरू ओतान। ङुरूङ ज्‍युज्‍यु पुर्खाला बिन्‍दाते परमेश्‍वर नियम चुक खाला ङेन्‍दा फाप्‍कीते सिन थेकी ङाला गाङे आउदी लेमु खाईन लाप्‍कीन बिन्‍दा ओतान। थेमे थे नियम बातओन ङे गाङे लेमु खाईन ङेन्‍दाप। परमेश्‍वरला माने खिते लाईदु थरिङ ख्‍योकोनगी ङाला दुक्‍पा बिन्‍दा च्‍योकराङ ङेङ ज्‍येनला दुक्‍पा बिन्‍दा ओतान।

शक्ति काम 6:9

तर कोई कोई यहूदीला थेकी खाबाते कामताङ बात लेमु मालाकीन थेबा थेत्ताङ माडिक्‍सुङ। थेबेते मिटिङ खित्‍च्‍येते खाम्‍बाङ खोपरोङते खुदुकराङ ओतान। थेबाला योक्‍पो योङमु खित्‍सादुई ताङाते मि ईन सिन सिरच्‍येते खिन ओतान। साइरेनीताङ अलेक्‍जेन्‍ड्रिया सार थेमे सिलिसियाताङ एशिये अञ्‍चल नाङपेकी वाकीन देताते ज्‍येन ज्‍येन यहूदीङ दिबाताङ डिक्‍पा ओतान। होदिबा गाङेराङ डिगीन स्‍तिफनसकी खाबाते बात ङेन्‍दा ओङच्‍येते मेन सिन थेत्ताङ टेकाटेउरी खासुङ।

गलाती 1:21

पत्रुसबाला ठेत्‍नामेईचेन ङा सिरियाताङ सिलिसिये अञ्‍चल नाङपा गालाप।