शक्ति काम 27:4 - जिरेल

⁴ थेमे थेरूकीङ ङ्योकोन ख्‍याम्‍बाप। तर पानीजहाज खेरा चाल्‍से छ्य्‌वापेकी आउदी खाईन ल्‍हाबा चले खाबेकी ङ्योकोन साइप्रस लुङबे पूर्वे छ्य्‌वापा खाईन ड्वा फाप्‍सुङ।

शक्ति काम 27:4 Iomraidhean Croise

मत्ती 14:24

चेलातेबाचेन डुङ्गाला जेकीन समुन्‍द्रे छेउदुकी आदोराङ थारीला ख्‍योल्‍गीन सिन्‍दा ओतान। तर डुङ्गा खेरा फाप्‍से छ्य्‌वापेई आउदी कस्‍स्‍ये खाईन ल्‍हाबा खाईन समुन्‍द्रदु छाल लाबेकी डुङ्गा चले खिताला थेबाला आउदी दुक्‍पा ओङा ओतान।

मर्कूस 6:48

तर डुङ्गा खेरा फाप्‍से छ्य्‌वापेई आउदी कस्‍स्‍ये खाईन ल्‍हाबा खाईन समुन्‍द्रदु छाल लाबेकी डुङ्गा चले खिताला थेबाला आउदी दुक्‍पा ओङा ओतान। थेबाला थोक दुक्‍पा ओङाते थेकी थोङसुङ। थेमे ङोमु पाखाला थे छ्युई लाकताङ लाक ख्‍याम्‍ला चेलातेबा ओत्‍सापा ओङगीन ओतान। थे थेबाला क्‍योक्‍ला ड्वा खाबा ओतान।

लूका 8:22

थेमे ङीमाई येशू थे खोरोङ चेलातेबाताङ डुङ्गाज्‍यीकला जेसुङ। थेमे थेकी थेबाला “लो था ङुरूङ समुन्‍द्रे फारकेनपा डुइ,” सिन साकीन थेपा ड्वाप्‍ला स्‍यूसुङ।

शक्ति काम 13:4

थोक खाईन परमेश्‍वर आत्‍मेकी बारनाबासताङ शावलला थेरूकी ताङनामेकी थेबा सिल्‍युसिया सारनामा गाल्‍सुङ। थेमे थेरूकी पानीजहाजला जेकीन समुन्‍द्रे किल्‍दु ओताते साइप्रस लुङबापा गाल्‍सुङ।

शक्ति काम 15:39

दि बातलाराङ थेबा ङिबोते आदोराङ ठाकठाक ठोकठोक स्‍योरसुङ। थेमे थेबा ङिबो ङ्योम्‍बु मोन्‍डोओ सिन ठाल्‍सुङ। बारनाबास मर्कूसला टीकीन पानीजहाजला जेकीन साइप्रसपा गाल्‍सुङ।

शक्ति काम 21:16

सिजरियादु ओताते येशू चेलातेबाङ कोई कोई थेजीन ङ्योकोनताङ ङ्योम्‍बुराङ गाला ओतान। थेबेकी ङ्योकोनला मनासोन सिराते मि खाम्‍बादु खेरगीन ज्‍याक्‍सुङ। मनासोनचेन साइप्रस लुङबे मि ओतान। गोमा गोमाराङ येशूला विश्‍वास खिताला स्‍यूक्‍कान्‍ते मि नाङ थेङ दोक्‍पोई ओतान।

शक्ति काम 21:3

थोक खाला डोजीन ङ्योकोनगी थारीलेई साइप्रस लुङबा थोङसुङ। थेमे थे लुङबे दक्षिण छ्य्‌वामेई खाईन ङ्योकोन सिरिये लुङबापा गालाप। थेरू टायरदु लेप्‍कीन सामानतेबा थेन्‍दाला थे पानीजहाज रोके खासुङ।

शक्ति काम 27:7

थे जहाजला जेनामेकी पानीजहाज खेरा फाप्‍से छ्य्‌वापेई आउदी खोक्‍पो खाईन ल्‍हाबा चले खाबेकी ङ्योकोन काल्‍बेई दिन तिरीकामा क्‍नीडस सिरसे खादु ख्‍योल्‍सुङ। थे ल्‍हाबेकी खित्‍सादु थेरूई ङ्योकोन ड्वा फाप्‍च्‍ये लामलेई ड्वा माथुप्‍कीन समुन्‍द्रे किल्‍दु ओताते क्रेट लुङबे छ्य्‌वापा गालाप। दोक खाईन ङ्योकोन थे लुङबे सालमोने सिरसादुई क्‍योगीन दक्षिण छ्य्‌वामेई खाईन गालाप।

शक्ति काम 4:36

येशूला विश्‍वास खित्‍कान्‍तेबे नाङ यूसुफ सिराज्‍यीक मि ओतान। थेचेन साइप्रस लुङबादु केबाते लेवी थरगी मि ओतान। येशू ख्रीष्‍टकी खटे खाबाते मिओनगी थेला बारनाबास सिन मिन ज्‍याक्‍पा ओतान। बारनाबास साबाते मिओनला आँट तेरकान्‍ते साबाते ईन।