शक्ति काम 27:2 - जिरेल

² थेरू ङ्योकोन गाङेराङ एड्रामिटियम सिरसादुकी वाबाते पानीजहाजला जेबाप। थे जहाजचेन एशिये अञ्‍चल छेउकी नाङला फाप्‍च्‍येते ठाउँ ठाउँ ड्वाप्‍ला ठीक खाबा ओतान। ङ्योकोनताङ म्‍यासिडोनिये लुङबे थिस्‍सलोनिकापे अरिस्‍तार्खस सिरातेङ ओतान।

शक्ति काम 27:2 Iomraidhean Croise

लूका 8:22

थेमे ङीमाई येशू थे खोरोङ चेलातेबाताङ डुङ्गाज्‍यीकला जेसुङ। थेमे थेकी थेबाला “लो था ङुरूङ समुन्‍द्रे फारकेनपा डुइ,” सिन साकीन थेपा ड्वाप्‍ला स्‍यूसुङ।

शक्ति काम 16:17

पावलबा ङ्योकोनला ठेत्‍जीन ङ्योकोन तिङ ङ्योगीन थे फेम्‍मे फिजेकी छेरा खिन “दिबा गाङे भन्‍दा छ्येते परमेश्‍वर काम खित्‍कान्‍ते मिओन ईन। मि चुक खाला पापकी सजायदुकी थारगीते सिरच्‍येते बात दिबेकी लोप्‍क्‍यो,” सिन सासुङ।

शक्ति काम 17:1

पावलबा ख्‍याम्‍गीन ख्‍याम्‍गीन अम्‍फिपोलिसताङ अपोल्‍लोनिये लामला खाईन थिस्‍सलोनिकादु लेप्‍सुङ। थेरूङ यहूदीओनते मिटिङ खित्‍च्‍येते खाम्‍बाज्‍यीक ओतान।

शक्ति काम 19:19

थेमे थेबे नाङ खोपरोङताङ ओताते मन्‍तर तन्‍तर टिबाते किताबतेबा ओताते मिओनगीचेन थेबा खुलाकीन थेरू गाङे ङोन्‍दु स्‍येकीन क्‍युरसुङ। थे किताब मोल खित्‍जीन चाँदी डबल हजार खाल ङिताङ च्‍युताम्‍बा ओतान।

शक्ति काम 19:29

थेबेकी थोक खाला छेरा खित्‍जीन थे सारराङ थर्के खासुङ। थेमे च्‍यि ओङका सिन सार खाङ हल्‍ला खल्‍ला मच्‍चे खासुङ। थेमे थेरू मिओनगी पावलताङ र्‍वा खाईन ख्‍याम्‍बाते मेन्‍दा ङि मिला जुम्‍गीन ठुत्‍कीनकामा खेरगीन मि गाङेराङ जम्‍मा ओङला तेमु ताच्‍येते ठाउँदु क्‍याल्‍सुङ। थेबा ङिबोचेन म्‍यासिडोनिये लुङबे गायसताङ अरिस्‍तार्खस सिरातेबा ओतान।

शक्ति काम 2:9

च्‍यिला सासीन ङुरूङ कोई पार्थीया, मेदीयाताङ एलाम लुङबापेकी वाबाते ईन। कोई कोई मेसोपोटामिये लुङबेते ईन। कोई यहूदिया, कापाडोसिया, पोन्‍टसताङ एशिये नाङपेते ईन।

शक्ति काम 21:5

ईन्‍सीनोङ थेरूकी ख्‍याम्‍बे बेला लेप्‍नामेकी ङ्योकोन सारदुई थेन्‍गीन पानीजहाजला जेक्‍पाला समुन्‍द्रे खानामा गालाप। थेरूई डोजीन थेबा गाङेराङ खोपरोङ फेम्‍मे फिजातेबालाङ टीकीन थेस्‍साक ङ्योकोनला केल लिच्‍युङ। ङ्योकोन गाङेकी थेबाताङराङ थेरू खोबुकला देत्‍कीन परमेश्‍वरला प्रार्थना खाबाप।

शक्ति काम 28:10

थेमे थे मिओनगी गाकी ङ्योकोनला आउदी लेमु खासुङ। तिरी थेरूई ख्‍याम्‍बे बेलालाङ थेबेकी ङ्योकोनला लामला गोच्‍येतेबा जेसुकै बिन्‍गीन ताङसुङ।

शक्ति काम 28:12

माल्‍टादुकी ख्‍याम्‍नामेई ङ्योकोन सिराक्‍युस सिरसादु लेप्‍कीन ङीमा सुम देताप।

शक्ति काम 28:16

थेमे रोमदु लेप्‍नामेकी रोमी गेल्‍बोकी पावलला जेलदु माज्‍याक्‍सुङ। थेला जहाँ देत्‍सीनोङ देत्‍स्‍यीत सिन ताप्‍ला खालि मिल्‍टेरीज्‍यीककामा खटे खासुङ।

शक्ति काम 28:2

थे बेलाला छ्यार्बा देइन ओतान। थेमे आउदी खेबा ओतान। थेरू मिओनगी मे फुकीन ङ्योकोनला मे दाप्‍ला काताङगीन आउदी लेमु खासुङ।

कलस्‍सी 4:10

दुरू ङात्ताङराङ जेलदु ओताते अरिस्‍तार्खसते ख्‍योकोनला नमस्‍ते ओत्‍लो। थेमे बारनाबास न्‍वा फाप्‍च्‍येते मर्कूसतेङ नमस्‍ते ओत्‍लो। मर्कूसला च्‍यि सिसे थेमे थेला चुक खिता फाप्‍कीते सिन ङे ख्‍योकोनला गोमाकाराङ साकीन सिन्‍दा ओत। था थे ख्‍योकोन ओत्‍सापा वासीन थेला लेमु खि।

फिलेमोन 1:24

थोकराङ खाला दुरू ङात्ताङ डिक्‍ला गा लाङच्‍येते बात लोप्‍कान्‍ते मर्कूस, अरिस्‍तार्खस, डेमास थेमे लूकेतेङ ख्‍योकोनला नमस्‍ते ओत्‍लो।