शक्ति काम 26:7 - जिरेल

⁷ परमेश्‍वरगी दि जमान पूरो खाबाते थोङा ङेत्‍स्‍यीत सिन आश खाईन ङ्योकोन थर च्‍युन्‍ङी यहूदी गाङेराङ ङीन नुप थेला माने खिन गुकीन देता ओत। यहूदी गाङेकी आश खाईन गुकीन देताते दि बातला ङे पक्‍काराङ ईन सिरजीनचेन होथेबेकीराङ ङाला दोक खाईन दोष लै खाबाते ईन सरकार।

शक्ति काम 26:7 Iomraidhean Croise

मत्ती 19:28

थोक सिरजीन थेकी चेलातेबा गाङेला “ईन ईन, ख्‍योकोनगी च्‍यि खाबा ओते सिन ङाला गाङे छ्या ओत। ङा ख्‍योकोनला चुक सिते सासीन दि जुग सिन्‍गीन स्‍वर्गे राज्‍य पूरो खाईन वानामेई परमेश्‍वर ओत्‍सादुई वाबाते मि ङा गेल्‍बो देत्‍च्‍येते सिंहासनदु देत्‍ला राज्‍य खित्‍जीन ख्‍योकोनगीङ सिंहासन च्‍युन्‍ङी लाक्‍तु देत्‍ला ङात्ताङराङ राज्‍य खिता ङेत्‍क्‍यो। थेमे ख्‍योकोनगी इस्राएलीओन थर च्‍युन्‍ङीला राज्‍य खाला न्‍याय खिओ।

लूका 2:25

यरूशलेमदु शिमियोन सिराज्‍यीक मि ओतान। थे परमेश्‍वरगी खि साबा साबा च्‍योकराङ खाला थेला आउदी खाला माने खित्‍कान्‍ते मि ओतान। इस्राएलीओनला पापताङ दुक्‍पादुकी डेल्‍कान्‍ते नाम ओङगीताका सिन थे गुकीन देता ओतान। थेकी परमेश्‍वर आत्‍मा ङेता ओतान।

लूका 22:30

थोगी ङा गेल्‍बो ओङगीन राज्‍य खिताला स्‍यूनामेई ख्‍योकोनचेन ङे राज्‍यदु देत्‍ला भोज सा ङेत्‍क्‍यो। थेमे गेल्‍बो देत्‍च्‍येते सिंहासन लाक्‍तु देत्‍ला ख्‍योकोनगी इस्राएलीओन थर च्‍युन्‍ङीला राज्‍य खाला न्‍याय खिओ,” सिन सिदुक।

शक्ति काम 20:31

थोगी खेराङला सुङगीङ छक्‍के खिता मुथुप्‍स्‍यीत सिन च्‍याङबो खाला देत। ङे लो सुमसाक ख्‍योकोन गाङेला येशूला विश्‍वास खिनराङ देत सिन ङीन नुप ख्‍योकोन पीर खुरगीन दुक्‍पा खाईन खाईन खाबाते काम नोमुङ टोक माज्‍येत।

शक्ति काम 24:15

दोस्‍यिककामा मेन, लेमु खित्‍कान ईन्‍स्‍यीत, मेलेबा खित्‍कान ईन्‍स्‍यीत तिरी परमेश्‍वरगी स्‍याप्‍ते मि गाङेला सोम्‍बो लोइओ सिरच्‍येते बात पक्‍काराङ ईन सिन ङाङ दिबा च्‍योकराङ खाला पत्ते खिओ।

शक्ति काम 26:2

थेकी “सरकार, ङाला यहूदीओनगी लै खाबाते दोष ईनराङ मेन सिन गेल्‍बो खुई दोन्‍दु सिरा ङेत्‍जीन ङाला आउदी गा लाबा ओत।

शक्ति काम 26:3

च्‍यिला सासीन यहूदीओन रीतिथिति चुक ओते थेमे खोपरोङ धर्मे बात खित्‍जीन खाङ बातला थेबा मिडिक्‍ते सिन गेल्‍बो खोल्‍ला लेमु खाला छ्याराङ ओत। था दुक्‍पा माने मिक्‍किता खाला ङे बात ङेन्‍ला नाङ सिन ङा बिन्‍ती खिओ।

शक्ति काम 28:20

दि बातओन खिताप सिनराङ ङे ख्‍योकोनला काताङाते ईन। था तिरी परमेश्‍वरगी स्‍याप्‍ते मिओनला सोम्‍बो लोइओ सिन साबाते ङुरूङ इस्राएली गाङेकी आश खाईन गुकीन देताते बात पक्‍काराङ ईन सिन लोप्‍कीन ख्‍याम्‍बेकीराङ ङे दि नेल खोन्‍दा फापाते ईन,” सिन बात खासुङ।

फिलिप्‍पी 3:11

था परमेश्‍वरगी स्‍याप्‍ते मिओनला सोम्‍बो लोक्‍जीन ङालाङ सोम्‍बो लोइओ सिनोङ ङेते विश्‍वास ओत।

१ थिस्‍सलोनिकी 3:10

ख्‍योकोनला याङराङ ठेता ङेत्‍स्‍यीत थेमे प्रभु येशूला विश्‍वास खित्‍जीन ख्‍योकोनगी थोरूमोङ छ्या स्‍येबा फाप्‍च्‍येते बाततेबा लाप्‍ला तेरा ङेत्‍स्‍यीत सिन ङ्योकोन ङीन नुप परमेश्‍वरताङ आउदी खाला प्रार्थना खिन ओत।

१ तिमोथी 5:5

ख्‍योबो स्‍यिइन ताकान सुङ मेत्‍कीन पक्‍काराङ दुक्‍पा ङेताते फेम्‍मे मिचेन परमेश्‍वरगी थे मोरोङला तेइओ सिन ङीन नुप थेत्ताङ प्रार्थना खिन देत्‍क्‍यो।

याकूब 1:1

दि चिट्ठी टिक्‍कान्‍ते ङा याकूब ईन। ङा परमेश्‍वरताङ प्रभु येशू ख्रीष्‍ट काम खित्‍कान्‍ते मि ईन। ङा दि चिट्ठी लुङबा लुङबाला देता ओताते थर च्‍युन्‍ङी इस्राएलीओनला टिगीन ओत। ख्‍योकोनला ङेते नमस्‍ते ओत।