शक्ति काम 26:3 - जिरेल

³ च्‍यिला सासीन यहूदीओन रीतिथिति चुक ओते थेमे खोपरोङ धर्मे बात खित्‍जीन खाङ बातला थेबा मिडिक्‍ते सिन गेल्‍बो खोल्‍ला लेमु खाला छ्याराङ ओत। था दुक्‍पा माने मिक्‍किता खाला ङे बात ङेन्‍ला नाङ सिन ङा बिन्‍ती खिओ।

शक्ति काम 26:3 Iomraidhean Croise

शक्ति काम 21:21

खुई लुङबा लुङबाला ज्‍येन ज्‍येन जातकी मि नाङ देत्‍कान्‍ते यहूदीओनला मोशेकी टिबाते परमेश्‍वर नियम ङेन्‍दा ताङला ख्‍योओ फिजाओनला ज्‍वा फाप्‍च्‍येते खतकी चिनु ज्‍वा माफाबोत्‍लो थेमे ङुरूङ यहूदीओनगी माने खित्‍च्‍येते रीतिथितिङ छ्याःङ माने खिता माफाबोत्‍लो सिन लोप्‍कीदुक्‍लो सिन थोकीन थेबा खोत्ताङ स्‍येदाङ खाला दुक।

शक्ति काम 24:10

तर्तुल्‍लसकी बात खाईन सिन्‍नामेई हाकिमगी पावलला बात खि सिन थेतेङ बयान लासुङ। थेमे पावलगी “हजूर, खुई दि लुङबादु राज्‍य खिताला स्‍यूबाते आदोराङ गालेकी दि लुङबे मि बाततेबा लेमु खाला छ्याराङ ओत। थोगी हजूर खुई दोन्‍दु ङा छ्याःङ ज्‍यीबा मिक्‍किता खाला बात खिता थुप्‍क्‍यो।

शक्ति काम 24:4

था ङ्योकोन हजूर खोल्‍ला काल्‍बेई दुक्‍पा तेरा मोछोलो, जेराङ ईन्‍सीनोङ ङ्योकोनते दि बातज्‍यीकचेन ङेन्‍ला नाङ।

शक्ति काम 25:26

तर दिला रोमी गेल्‍बो ओत्‍सादु तोङाला चिट्ठीला टिक्‍च्‍येते बात ङे छ्याःङ माथेप्‍सुङ। थोक ईन्‍देकी गेल्‍बो अग्रिपा थेमे दुरू ओताते मिओनगी दि मि बात च्‍यि ईन्‍दाका ङेन्‍गीन सिन्‍नामेकी ङे रोमी गेल्‍बोला खइँदा टिक्‍च्‍येते बात थेप्‍कीता सिन दिला दुरू खुलाबाते ईन।

शक्ति काम 26:2

थेकी “सरकार, ङाला यहूदीओनगी लै खाबाते दोष ईनराङ मेन सिन गेल्‍बो खुई दोन्‍दु सिरा ङेत्‍जीन ङाला आउदी गा लाबा ओत।

शक्ति काम 26:26

ङे च्‍यि च्‍यि बात खासुङा सिन गेल्‍बो अग्रिपाला गाङे लेमु खाला छ्या ओत। थोगी गेल्‍बोकी मोखोता सिन छ्याःङ ज्‍यीबा मिक्‍किता खाला ङा दि गाङे बात खिन ओत। दि बाततेबा गाङे मि मिगी दोन्‍दुराङ ओङाते बात ईन्‍देकी गेल्‍बोला छ्या मेताते बात मेन,” सिन साकीन

शक्ति काम 26:7

परमेश्‍वरगी दि जमान पूरो खाबाते थोङा ङेत्‍स्‍यीत सिन आश खाईन ङ्योकोन थर च्‍युन्‍ङी यहूदी गाङेराङ ङीन नुप थेला माने खिन गुकीन देता ओत। यहूदी गाङेकी आश खाईन गुकीन देताते दि बातला ङे पक्‍काराङ ईन सिरजीनचेन होथेबेकीराङ ङाला दोक खाईन दोष लै खाबाते ईन सरकार।

शक्ति काम 28:17

थेरू लेपाते ङीमा सुम तिरी पावलगी थेरू ओताते यहूदीओन छ्ये छ्ये मिला थे खोरोङ ओत्‍सादु काताङसुङ। थेमे थेबा जम्‍मा ओङनामेकी थेकी थेबाला “आज्‍यो न्‍वावे, बात च्‍यि सासीन ङे दाक्‍पोन जातकी मि सुङलाङ छ्याःङ मेलेबा खाबा मेतान। थेमे ज्‍युज्‍यु पुर्खे पालोमेकी चले खिन वाबाते रीतिथितिङ ङ्ये च्‍युता मेतान। दोक खाला ङेते छ्याःङ गल्‍ती मेत्‍सीनोङ दाक्‍पोन यहूदीओनगीराङ ङाला यरूशलेमदु जुम्‍गीन थेरू रोमी गेल्‍बो मिओन लाःक्‍तु सोम्‍पे खासुङ।

शक्ति काम 6:14

दिकी चुक सिन बात खिका सासीन नासरतपे येशूकी परमेश्‍वर मन्‍दिरोङ रोम्‍ग्‍योत्‍लो थेमे मोशेकी बिन्‍दाते नियमला खिता फाप्‍क्‍यो साबाते रीतिथिति बादोङ खुदुक जोइओत्‍लो। दिकी दोक दोक साबाते ङ्योकोन ङेराङगीराङ थोबाते ईन,” सिन सासुङ।

१ कोरिन्‍थी 13:2

ङेचेन परमेश्‍वरगी सिर च्‍युताते बात खित्‍च्‍येते शक्ति ङेता ओत्‍सीनोङ, परमेश्‍वरगी गोमा सुङलाङ छ्या स्‍ये च्‍युता मेताते बाततेबा गाङे छ्या स्‍येकान्‍ते ईन्‍सीनोङ थेमे परमेश्‍वरगी चुक खाला काम खिते सिरच्‍येते बात गाङे छ्या स्‍येबा ओत्‍सीनोङ ङे ज्‍येनला ङिङज्‍ये माक्‍यासीन दि बाततेबा छ्या स्‍येला छ्याःङ काम लै मिक्‍किओ, ङा छ्याःङ मेन। थेमे परमेश्‍वरगी जेङ खिता थुप्‍क्‍यो सिन थेला विश्‍वास खाला बोमज्‍यीकला सरे खाला ग्‍युक साला थे बोमला समेत सरे खित ज्‍युता थुप्‍सीनोङ ङा छ्याःङ मेन।