शक्ति काम 26:22 - जिरेल22 दि दिनसाक परमेश्वरगी ङाला लेमुराङ खाईन ताबा ओत। थोगी खित्सादु ङा दुरूङ छ्ये टेक्टे जो ईन्सीनोङ गाङेला ङाराङगी छ्या स्येबातेताङ ओङाते बातकामा खिन ओत। दोक खित्जीन मोशा थेमे परमेश्वर बात खित्कान्तेबेकी तिरी चुक चुक ओङगीते सिन साबाते बातराङ ङा लोप्कीन ओत। Faic an caibideil |
शक्ति काम 26:22
42 Iomraidhean Croise
थेमे थेबेकी लोक्ला थे बात ङेन्दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्बेई पावल ओत्सादु जम्मा ओङसुङ। थेमे थेकी थेबाताङ च्याक ङोमुमेकी ग्वासेसाकराङ बात खिन परमेश्वर राज्य बात लाप्कीन बिन्सुङ। थोक खित्जीन थेकी मोशेकी टिबाते परमेश्वर नियमला थेमे परमेश्वर बात खित्कान्तेबेकी ख्रीष्टकी विषयला टिबाते बात लोप्कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्कीन बिन्सुङ।
मिओनगी ङाला खेदा खाईन खाईन दुक्पा बिन्दाते थेमे ङे भोगे खाबाते जेसुकै दुक्पा खोल्ला छ्या मेताते मेन। एन्टिओखिया, आइकोनियम थेमे लिस्त्रा सारगी नाङला मिओनगी ङाला चुक मेलेबा खाबा ओताने सिरच्येते बादोङ खोल्ला छ्याराङ ओत। ङाला जहाँदु जस्तो दुक्पा ओङसीनोङ प्रभु येशू ख्रीष्टकी थोक्ते गाङे दुक्पादुकी जोए खाबा ओत।
लुङबा लुङबे मि खोत्ताङ स्येदाङ खासुङ। थाचेन खुई स्येदाङगी चूर गाल्ला सजाय तेरच्येते थेमे स्याप्ते मिओन न्याय खित्च्येते बेला लेप्सुङ। था परमेश्वर खुई काम खिन खोरोङ बात खित्कान्ते मिओन, खोरोङ सन्तान थेमे ज्येनोङ खोल्ला मान खित्कान्ते छ्ये टेक्टे मि गाङेला खोरोङगी तेरच्येते इनाम तेरच्ये बेला लेप्सुङ। थेमे दि सा लुङबाला मेलेबा जोला नाश तोङकान्ते मिओनला सजाय बिन्ला सेत्च्ये बेलाङ लेप्सुङ,” सिन सासुङ।
थेमे थेबाचेन परमेश्वर काम खित्कान्ते मोशेकी थे खोरोङ पालोला परमेश्वरते जय जय खिन लाबाते लु लिन्गीन ओतान। थेमे दोक सिन लुई रीउला छ्ये जोच्येते लुङ लिन्गीन ओतान। चुक सासीन “गाङे भन्दा छ्येज्यीक शक्ति ओताते प्रभु परमेश्वर, खुई खाबाते कामओन चुक छ्ये छ्येताङ अचम्ब लाङच्या ईन्दाका। खो सधैँभरि सोन्ला राज्य खिन देत्कान्ते गेल्बो ईन। खुई खित्च्येते काम गाङे लेमुतेकामा ईन।
थेमे ङे छ्ये टेक्टे स्याप्ते मिबरी गाङेला थे सिंहासन दोन्दु लाकीन देता ओताते थोङसुङ। थेरू किताबओन खोले खासुङ। थे तिरी ज्येनज्यीक किताब खोले खासुङ। दि तिरी किताबचेन नोमुङ मिसिन्च्येते जुनी ङेत्कान्ते मिओन मिन टिबाते किताब ओतान। मिओनगी खोपरोङ जुनी खाङ खाबाते लेमु मेलेबा गाङे काम थे किताबओनला टिबा ओतान। थेबेकी खाबाते काम ताकीनराङ थेबा गाङेते न्याय खासुङ।
Sanasan