शक्ति काम 24:5 - जिरेल

⁵ च्‍यि सासीन दि लेमु मि मेन। दिनी ज्‍यीबा लाङच्‍या मेलेबा खालगी मिका ईन। दि गाङेपा यहूदीओन ओत्‍सा ओत्‍साला गाल्‍ला थेबाला हूलदङ्गा खित ज्‍युत्‍कीदुक। थेमे नासरी सिराते पाटी मिओनते छ्येते मिङ दिराङ ईन।

शक्ति काम 24:5 Iomraidhean Croise

मत्ती 10:25

जे ईन्‍सीनोङ गुरूतेला जस्‍तो ओङगीदुक चेलातेबालाङ थोकराङ ओङगो। थेमे मालिकतेला ओङा च्‍योकराङ योक्‍पोतेलाङ ओङगो। खाम्‍बे धनीलानी विरोध खिन बालजिबुल सिन शैतान मिन्‍तोक तासीन थे खाम्‍बे मिओनलानी झन चुकका साओङा।

मत्ती 2:23

नासरत सिराते सारदु देत्‍सुङ। थोक खाईन मिओनगी तिरी थे फिजाला चुक सिते सिन परमेश्‍वर बात खित्‍कान्‍ते मिओनगी साबाते बात साबा च्‍योकराङ ओङसुङ। थेबेकी चुक साबा ओताने सासीन “थेला मिओनगी नासरी सिन सिओ,” साबा ओतान।

मर्कूस 1:24

“ए नासरतपे येशू, खुई सेमला पाप सिराते छ्याःङ मेत, खोल्‍ला परमेश्‍वरगी ताङाते ईन सिन ङाला छ्या ओत। खो ङ्योकोनला दुक्‍पा तेराला च्‍यिला वाबे? ङ्योकोनला था नरककुण्‍डमा तोङच्‍या ईनज्‍योक मेन?” सिन सासुङ।

लूका 23:19

बारब्‍बेकीचेन सारदु गोलमाल लाङगीन मि सेता ओतान। थोगी थेला जेलदु लुक्‍पा ओतान।

लूका 23:2

थेरू क्‍याल्‍नामेकी थेबेकी येशूला ईनराङ मेन्‍दाते दोष लै खिनकामा पिलातसला “दिकी ङ्योकोन जातकी मिला लुकीन थे खोरोङ छ्य्‌वापा लै खित च्‍युत्‍सुङ। रोमी गेल्‍बोला ज्‍येला फाप्‍च्‍येते तिरोङ ज्‍येला माफाबोत्‍लो। दोस्‍यिककामा मेन, दिकी दि खोरोङराङ परमेश्‍वरगी तोङगो साबाते ख्रीष्‍ट ईनलो। थोगी दिराङ गेल्‍बो ईनलो,” सिन सासुङ।

लूका 23:25

थोगी थेकी थे मिओनगी थोङ साबाते सारदु गोलमाल लाङला मि सेत्‍कान्‍ते बारब्‍बाला जेलदुकी ताङसुङ। थेमे थेबेकी खि साबा च्‍योकराङ खाईन येशूलाचेन स्‍यिङगी थामला टाँए खाला सेत्‍च्‍येते हुकुम बिन्‍सुङ।

लूका 23:5

थेकी येशूकी छ्याःङ गल्‍ती खाबा माथोङसुङ सिन सिरजीन थेबेकी “च्‍यिला मेन्‍दे? दिकीनी ङ्योकोन जातकी मि गाङेला दि खोरोङ बात लाप्‍कीन उल्‍के खाईन सिन्‍सुङ। गालील अञ्‍चलदुकी दि खोरोङ बात लोपाला शुरू खाईन यहूदिये अञ्‍चल खाङ युगीन दि दिस्‍साक ख्‍योल्‍गीन सिन्‍सुङ,” सिनकामा छेरा खिताला स्‍यूसुङ।

शक्ति काम 15:5

थेबेकी थे बाततेबा सानामेकी थेरू येशूला विश्‍वास खित्‍कान्‍ते फरिसी पाटी मि कोई कोईकीचेन “ज्‍येन ज्‍येन जातकी मिकीङ ङुरूङगी च्‍योक खाला खतकी चिनु ज्‍वा फाप्‍क्‍यो, मोशेकी टिबाते परमेश्‍वर नियमोङ ङेन्‍दाराङ फाप्‍क्‍यो,” सिन सासुङ।

शक्ति काम 21:28

“ए आज्‍यो न्‍वावे, लो गाङेराङ छिटो स्‍योक। था दिला ठीक पारे खिता फाप्‍क्‍यो। गाङेपा युला ङुरूङ जातकी विरोध खित्‍कान्‍ते दिराङ ईन। गाङेपे मिला परमेश्‍वर नियम ङेन्‍दा थोङ सिन सिरकान्‍ते, परमेश्‍वर मन्‍दिर छ्याःङ मेन सिन लोप्‍कीन ख्‍याम्‍कान्‍ते दिराङ ईन। दोस्‍यिककामा मेन, दिकी आनाङ भर्खरकामा ग्रीकओनलाङ दि मन्‍दिर नाङ लुगीन मन्‍दिरराङ बिटुले खादुक,” सिन छेरा खासुङ।

शक्ति काम 22:22

थोक सिर सिरसाक थेरू ओताते मिओन पावलगी खाबाते बात लेमु खाईन ङेन्‍गीन देता ओतान। तर थेकी थे खोरोङला ज्‍येन ज्‍येन जातकी मिलाका परमेश्‍वर बात लोप ताङाते ईन सिरा थोनामेई थेबा याङराङ “दिलाचेन सेताराङ फाप्‍क्‍यो। दिला सोम्‍बो ज्‍य्‌वाबा मेङगो,” सिन आउदी कस्‍स्‍ये खाईन छेरा खिताला स्‍यूसुङ।

शक्ति काम 24:14

दि बातज्‍यीकचेन ङा लेमु खाला सिरा थुप्‍क्‍यो। च्‍यि सासीन ङाचेन दिबेकी ईनराङ मेन्‍दे बात ईन सिन साबाते येशू बात ङेन्‍गीन थे छ्य्‌वापा लै खाईन ङेराङ ज्‍युज्‍यु पुर्खेकी माने खाबाते परमेश्‍वरला माने खिओ। परमेश्‍वर नियमला टिबाते थेमे परमेश्‍वर बात खित्‍कान्‍तेबेकी टिबाते बातओनोङ ङा गाङे ङेन्‍ग्‍यो।

शक्ति काम 24:4

था ङ्योकोन हजूर खोल्‍ला काल्‍बेई दुक्‍पा तेरा मोछोलो, जेराङ ईन्‍सीनोङ ङ्योकोनते दि बातज्‍यीकचेन ङेन्‍ला नाङ।

शक्ति काम 25:7

थेला थेरू खुलानामेई यरूशलेमनेकी वाबाते यहूदीओन छ्ये छ्ये मिकी थे फेरो खाङ लाकीन दिकी दोक दोक खासुङ सिन आउदी मेलेबा मेलेबा दोष लै खासुङ। ईन्‍सीनोङ थेकी थोक खाबातेराङ ईन सिनचेन थेबेकी छ्याःङ प्रमाण तेन्‍दा माथुप्‍सुङ।

शक्ति काम 26:5

ङा फरिसी पाटी मि ईन सिन थेबाला गोमामेईराङ छ्या ओत। दि बात मेन सिन थेबा सुङगीङ सिरा मुथुबो। थेमे यहूदी नाङ फरिसी पाटी मिओन झन आउदी लेमु खाला खोपरोङ धर्मे नियम ङेन्‍कान्‍ते ईन सिनोङ गेल्‍बो खोल्‍ला छ्याराङ ओत।

शक्ति काम 28:22

खो थे नासरत पाटी मि ईन्‍देकी थे पाटी चुक्‍ते ईन्‍दे सिन ङ्योकोनला लेमु खाला लाप्‍ला नाङ। च्‍यिला सासीन जुन ठाउँकी मिकीङ थे पाटी मेलेबा ईन सिन खिदुक,” सिन सिदुक।

शक्ति काम 5:17

थोक खाईन मि गाङेराङ येशू ख्रीष्‍टकी खटे खाबाते मिओनताङ लै खाबा थोङजीन गाङे भन्‍दा छ्येते पूजारी थेमे थेत्ताङ डिक्‍कान्‍ते सदुकी पाटी मिओनला आउदी खाईन स्‍येदाङ लासुङ।

शक्ति काम 6:13

थेमे स्‍तिफनसकी खाराङ माक्‍याबाते बात खाबाते ईन सिसा सिन लुबाते मिओनलाङ थेरू काताङसुङ। वाकीन थेबेकीचेन गाङे ङोन्‍दु “दि मित्ताङ गाङेकी च्‍याङबो खिता फाप्‍च्‍या दुक। दिकी परमेश्‍वर मन्‍दिर छ्याःङ मेन सिराच्‍योक खाला बात खिदुक। थेमे मोशेकी बिन्‍दाते परमेश्‍वर नियमताङ मिडिक्‍च्‍येते बात खिदुक।

१ कोरिन्‍थी 11:19

ईन्‍दाका परमेश्‍वर दोन्‍दु सु ठीक खित्‍कान्‍ते ईन्‍दे, सु गल्‍ती खित्‍कान्‍ते ईन्‍दे सिन ठालाला ख्‍योकोन नाङ थोक खाला मिडिक्‍च्‍येते ओङा फाप्‍च्‍येतेराङ ईन।

१ कोरिन्‍थी 4:13

दोस्‍यिककामा मेन, ङेराङला मोत्‍कीन ख्‍याम्‍कान्‍ते मिओनताङोङ स्‍येदाङ मिक्‍किता खाला बात खिओ। ङ्योकोननी दि सा लुङबे मिओन मिगी जेकका ओङा ओत। ङ्योकोनलानी मिओनगी काम्‍बे पुज्‍या छेदोङ गने मिक्‍किदुक।

१ पत्रुस 2:19

खेराङगी छ्याःङ गल्‍ती खाबा मेत्‍जीनोङ थेबेकी थाराङ ख्‍योकोनला दुक्‍पा तेरजीन ङाला दोक ओङाते परमेश्‍वरला छ्या ओत सिन सम्‍झे खिन थेबाला छ्याःङ मिसिरा खाईन दुक्‍पा खपे खासीन परमेश्‍वरगी ख्‍योकोनगी लेमु खासुङ सिन सिओ।