शक्ति काम 24:10 - जिरेल

¹⁰ तर्तुल्‍लसकी बात खाईन सिन्‍नामेई हाकिमगी पावलला बात खि सिन थेतेङ बयान लासुङ। थेमे पावलगी “हजूर, खुई दि लुङबादु राज्‍य खिताला स्‍यूबाते आदोराङ गालेकी दि लुङबे मि बाततेबा लेमु खाला छ्याराङ ओत। थोगी हजूर खुई दोन्‍दु ङा छ्याःङ ज्‍यीबा मिक्‍किता खाला बात खिता थुप्‍क्‍यो।

शक्ति काम 24:10 Iomraidhean Croise

लूका 12:11

थेमे ङे मि ईन्‍देकी खित्‍सादु ज्‍येनगी ख्‍योकोनला जुम्‍ला मिटिङ खित्‍च्‍येते खाम्‍बे छ्ये छ्ये मि थेमे गेल्‍बोताङ ज्‍येन छ्ये छ्ये मि दोन्‍दु बात ठाप्‍ला खेरग्‍यो। थोक खित्‍जीन च्‍यि सिरच्‍ये, चुक सिरच्‍ये सिन ख्‍योकोन ज्‍यीबा माकेत।

लूका 12:14

थेकी थोक सिरजीन येशूकी “ए होइ, ङे काम अंशे बात डिक्‍पा खाला तेरच्‍येते मेन। थोगी ङाला दि बात मासेर,” सिन सिदुक।

लूका 18:2

थेकी च्‍यि सिका सासीन “पालोई सारज्‍यीक्‍तु न्‍यायाधीशज्‍यीक ओताक्‍वालो। थेचेन परमेश्‍वरगी छ्येन विचार खिओ सिन छ्याःङ ज्‍यीबा खिन मेतानलो। थेमे मि दुक्‍पा छ्याःङ मोखोबा खाला मनपरी खाला न्‍याय खिन ओतानलो।

शक्ति काम 12:17

पत्रुसकी थेबाला थोक खाला छेरा माकेत सिन लाक्‍पेकी चाल खासुङ। थेमे प्रभु येशूकी थे खोरोङला चुक खाईन जेलदुकी तेन्‍गीन खुला लिच्‍युङा सिन गाङे बात लाःप्‍सुङ। थेमे थेकी थेबाला “दि बात याकूबला थेमे ज्‍येन ज्‍येन आज्‍यो न्‍वालाङ गाङेला लोबा,” सिन थे खोरोङचेन थेरूकी ज्‍येननापा गाल्‍सुङ।

शक्ति काम 13:16

थोगी पावलगी लाकीन गाङेराङ खाराक्‍पा देत्‍स्‍यीत सिन लाक्‍पे चाल खानामेई दोक सिन बात खिताला स्‍यूसुङ। चुक सासीन “इस्राएलीवे थेमे परमेश्‍वरला माने खित्‍कान्‍ते ज्‍येन ज्‍येन जातकी मिवे, ङे बात लेमु खाला ङेन।

शक्ति काम 18:15

तर ख्‍योकोन उजूर बात खालि खेराङ रीतिथितिताङ खेराङ धर्मे नियम माङेन्‍सुङ सिराकामा ओतेकी दि बात खेराङगीराङ डिक्‍पा खि। दोक्‍ते बात ताच्‍येते ङाला छ्याःङ खाँचो मेत,” सिन

शक्ति काम 19:33

थेबे नाङ कोई कोई यहूदीङ ओतान। थेरू थेबेकी खोपरोङ जातकी अलेक्‍जेन्‍डर सिरातेला थोङगीन थेला थे मिओनताङ बात खि सिन सासुङ। थेरू थोक मेलेबा खाईन हूलदङ्गा ओङाते खोपरोङ यहूदीओनगी खित्‍सादु मेन सिन सिराप सिन अलेक्‍जेन्‍डरगी गाङेला खाराक्‍पा देत सिन लाक्‍पेकी चाल खासुङ।

शक्ति काम 21:40

थेमे थे छ्येते मिकी “ओङगो खि,” सिन सिदुक। थेमे पावलगी ब्‍यारेकने डोच्‍येते सिंढीदु देत्‍कीन मि गाङेला खाराक्‍पा देत सिन लाक्‍पेकी चाल खानामेई थेबा गाङेराङ खाराक्‍पा देत्‍सुङ। थेमे थेकी थेबाला खोपरोङ हिब्रू भाषाला दोक सिन बात खिताला स्‍यूसुङ।

शक्ति काम 23:24

पावलला जेत्‍ला तोङालाङ घोडातेबा ठीक खि। थेला छ्याःङ मेलेबा ओङ मुज्‍युता खाला थेपा रोमी गेल्‍बो हाकिम फेलिक्‍स ओत्‍सादु केला फाप्‍क्‍यो,” सिन कोत्‍सुङ।

शक्ति काम 26:1

फेस्‍तसकी थोक साकीन सिन्‍नामेकी अग्रिपेकी पावलला “लो खुईते सिरा फाप्‍च्‍येते बात च्‍यि ईन्‍दे, दुरू सि,” सिन सिदुक। थेमे पावलगी गाङेकी थे बात ङेन्‍स्‍यीत सिन लाक्‍पेकी चाल खिन गेल्‍बो अग्रिपे दोन्‍दु दोक सिन बयान तेराला स्‍यूसुङ।

१ पत्रुस 3:15

बरू येशू ख्रीष्‍टराङ खेराङ मालिक ईन सिन टोक माज्‍येत, थेला मान खि। थेमे परमेश्‍वरगी तिरी तेरग्‍यो साबातेबा ङेत्‍क्‍यो सिन खेराङगी आश खाबाते पक्‍काराङ ङेत्‍क्‍यो सिन ख्‍योकोन चुक खाला सिते सिन ठिकान गाङेला ख्‍योकोनगी जहिलेङ लाःप्‍ला बिन। थेबे सेमला फोक्‍च्‍येते बात छ्याःङ मिक्‍किता खाला थोक्‍ते मिओनताङ ख्‍योकोनगी खा छ्येत लेमु खाला बात खि।