शक्ति काम 23:6 - जिरेल

⁶ थेरू जम्‍मा ओङाते यहूदीओन छ्ये छ्ये मि नाङ कोई सदुकी पाटी मि, कोईचेन फरिसी पाटी मि ओतान। थेरू पाटी ङि मि ओताते बात छ्या स्‍येकीन पावलगी गाङेकी थोच्‍या खाईन “आज्‍यो न्‍वावे, ङाङ फरिसी पाटी मि ईन। ङे आबाबा गोप्‍पोबाङ फरिसी पाटी मिराङ ओतान। ङा परमेश्‍वरगी स्‍याप्‍ते मिला तिरी सोम्‍बो लोइओ सिन पत्ते खित्‍कान्‍ते मि ईन्‍देकीराङ ङाला मुद्धा चले खाईन दोक खाईन थरिङ ख्‍योकोन गाङे दोन्‍दु खुलाबाते ईन,” सिन सिदुक।

शक्ति काम 23:6 Iomraidhean Croise

मत्ती 10:16

थेमे ज्‍येन बात च्‍यि सासीन फारे हूलगी लुई बगालला थेप्‍सुङ सासीन चुक खिते सिन ङुरूङला छ्या ओत मेन? ङे दुरूकी ताङनामेई फारेकी लुकला खिता च्‍योकराङ मिओनगी ख्‍योकोनला मेलेबा खिओ। थोगी ख्‍योकोन रूल च्‍योकराङ च्‍याङबो खाला देत। थेमे थेबा सुङलाङ छ्याःङ मेलेबा मिक्‍किता खाला गन्‍दीमा च्‍योकराङ सुधो ओङला काम खि।

मत्ती 22:23

थेमे थे छोमुराङ कोई कोई सदुकी पाटी मि येशूताङ बात खिताप सिन थे ओत्‍सादु लेप्‍सुङ। थेबाचेन मि पालोई स्‍यिनामेई स्‍याप्‍ते स्‍यापराङ ओङगो सिन ओतान। स्‍याप्‍ते मिओनला परमेश्‍वरगी तिरी सोम्‍बो लोइओ सिरच्‍येते बात पत्ते खिन मेतान।

मत्ती 3:7

फरिसी पाटीताङ सदुकी पाटी मिङ काल्‍बेई थे ओत्‍सादु वाबा ओतान। थेबेकीङ खोपरोङला छ्युला लुक्‍ला बप्‍तिस्‍मा नाङ सिरजीन यूहन्‍नेकी थेबाला “छ्यि ख्‍योकोन ङोचा क्‍ये मेतातेबा, छ्युला स्‍यूला बप्‍तिस्‍मा लालाकामा परमेश्‍वरगी था तिरी स्‍येदाङगी चूर गाल्‍ला तेरच्‍येते सजायदुकी थारग्‍यो सिन खेल्‍ला सुई सिका? थोक सजिलो खाला थे सजायदुकी माथारो।

शक्ति काम 22:3

थेकी थेबाला “ङाङ यहूदीराङ ईन। ङा सिलिसिये अञ्‍चलते टार्सस सारदु केबाते ईन्‍सीनोङ दुरू यरूशलेमदुराङ हुर्के खाबाते ईन। गमलिएलचेन ङे गुरू ओतान। ङुरूङ ज्‍युज्‍यु पुर्खाला बिन्‍दाते परमेश्‍वर नियम चुक खाला ङेन्‍दा फाप्‍कीते सिन थेकी ङाला गाङे आउदी लेमु खाईन लाप्‍कीन बिन्‍दा ओतान। थेमे थे नियम बातओन ङे गाङे लेमु खाईन ङेन्‍दाप। परमेश्‍वरला माने खिते लाईदु थरिङ ख्‍योकोनगी ङाला दुक्‍पा बिन्‍दा च्‍योकराङ ङेङ ज्‍येनला दुक्‍पा बिन्‍दा ओतान।

शक्ति काम 22:30

थेमे यहूदीओन च्‍यिला पावलताङ थोक खाईन स्‍येदाङ खाबाते ईन्‍दाका सिन छ्या स्‍येबाला ङारो च्‍योक्‍ते थे मिल्‍टेरी छ्येते मिकी किल्‍सादुकी थेला तेन्‍सुङ। थेमे छ्ये छ्ये पूजारी, धर्मे गुरूओन थेमे यहूदीओनते ज्‍येनोङ छ्ये छ्ये मि गाङेराङ रूला छलफल खित ज्‍युत्‍च्‍या सिन थेबाबरीला कातोङ ताङगीन थेला थेबा गाङे रूसादु क्‍याल्‍सुङ।

शक्ति काम 22:5

ङे थोक खाबा ओतान सिन गाङे भन्‍दा छ्येते पूजारी, धर्मे गुरूओन थेमे ज्‍येन छ्ये छ्ये मि गाङेकी सिरा थुप्‍क्‍यो। थेबेकीराङ ङाला दमस्‍कस सारदु येशूला विश्‍वास खित्‍कान्‍तेबाला जुम्‍ला सजाय तेराला दुरू खुलाङ छ्युत सिन दमस्‍कसपे यहूदी छ्ये छ्ये मिला चिट्ठी टिकीन बिन्‍गीन ताङा ओतान।

शक्ति काम 23:1

थोक खाईन यहूदीओन छ्ये छ्ये मि गाङे दोन्‍दु क्‍याल्‍नामेकी छ्याःङ ज्‍यीबाराङ मिक्‍किता खाईन थेबा ओत्‍सापाला ताकीन पावलगी “आज्‍यो न्‍वावे, परमेश्‍वरते छ्याःङ विरोध मिक्‍किता खाईन ङे जुनी खाङ थेला लेमु खाईन माने खाबा ओत,” सिन बात खिताला स्‍यूसुङ।

शक्ति काम 23:15

थोगी थेकी च्‍यि च्‍यि मेलेबा खाला दुका सिन लेमु खाला छ्या स्‍येबा फाप्‍सुङ सिरजुम खाला ख्‍योकोन थेमे यहूदीओनते ज्‍येनोङ छ्ये छ्ये मि गाङेराङ रूसादु थेला थोङ सिन थे मिल्‍टेरी छ्येते मिला बिन्‍ती खि। ताङनामेई ङ्योकोन थेला लामला ओङगीन ओङगीनलाराङ सेत्‍ला क्‍युरग्‍यो,” सिन सिदुक।

शक्ति काम 23:20

थेमे थेकी “हजूर, कोई कोई यहूदीकी डिगीन आज्‍याङ पावलगी च्‍यि च्‍यि गल्‍ती खाका लेमु खाला ठिच्‍ये निउँ खाला ङारो थेला छ्ये छ्ये मि गाङेराङ रूसादु थोङ सिन हजूर खोल्‍ला बिन्‍ती खिताला मिओन तोङच्‍ये ठो खाला दुक।

शक्ति काम 23:7

पावलगी थोक सानामेई फरिसी पाटी मिबरी छ्य्‌वाच्‍यीकपा सदुकी पाटी मिबरी छ्य्‌वाच्‍यीकपा गाल्‍गीन थेरू थेबे नाङ थोम्‍मु स्‍योरसुङ।

शक्ति काम 24:15

दोस्‍यिककामा मेन, लेमु खित्‍कान ईन्‍स्‍यीत, मेलेबा खित्‍कान ईन्‍स्‍यीत तिरी परमेश्‍वरगी स्‍याप्‍ते मि गाङेला सोम्‍बो लोइओ सिरच्‍येते बात पक्‍काराङ ईन सिन ङाङ दिबा च्‍योकराङ खाला पत्ते खिओ।

शक्ति काम 24:21

ङाचेन स्‍याप्‍ते मिओनला परमेश्‍वरगी था तिरी सोम्‍बो लोइओ सिन पत्ते खित्‍कान्‍ते ईन्‍देकी ङाला मुद्धा चले खाईन थरिङ दुरू खुलाबाते ईन सिरच्‍येते बातज्‍यीकचेन ङे थेजीन दिबा गाङे दोन्‍दु गाङेकी थोच्‍या खाईन साबाते ईन। ङेते खइँदा गल्‍तीराङ ओत सिन सासीन दिराङ ईन,” सिन सिदुक।

शक्ति काम 28:20

दि बातओन खिताप सिनराङ ङे ख्‍योकोनला काताङाते ईन। था तिरी परमेश्‍वरगी स्‍याप्‍ते मिओनला सोम्‍बो लोइओ सिन साबाते ङुरूङ इस्राएली गाङेकी आश खाईन गुकीन देताते बात पक्‍काराङ ईन सिन लोप्‍कीन ख्‍याम्‍बेकीराङ ङे दि नेल खोन्‍दा फापाते ईन,” सिन बात खासुङ।

फिलिप्‍पी 3:5

परमेश्‍वर नियमला साबा च्‍योकराङ खाईन ङेते केबाते ङीमा गेतकी छोमु जीउला खतकी चिनु जोबाते ईन। ङा इस्राएली नाङ बेन्‍यामीन थरदु केबाते मि ईन। ङे ज्‍युज्‍यु पुर्खा गाङेराङ हिब्रू ईन्‍देकी ङा झर्राते हिब्रू ईन। थोरूम सिइ सासीन ङा फरिसी पाटी मि ओङगीन थे पाटी मिओनगी खिता फापाच्‍योक खाला परमेश्‍वर नियम ङेन्‍दाला ङे आउदी दुक्‍पा खाबाप।

कलस्‍सी 1:5

परमेश्‍वरगी था तिरी खेराङला स्‍वर्गने तेरग्‍यो सिन साबातेबा ङेत्‍क्‍यो सिन खेराङगी आश खाईन देताते पक्‍काराङ ङेत्‍क्‍यो सिन छ्या स्‍येबेकीराङ ख्‍योकोनगी थोक लेमु खिन ओताते ईन। परमेश्‍वरगी खेराङला तेरग्‍यो साबाते ङेत्‍क्‍यो सिनचेन ख्‍योकोनगी सत्‍यते बात थोनामेई छ्या स्‍येबा ओत। सत्‍यते बातचेन गा लाङच्‍येते बात ईन।

हिब्रू 6:19

दाक्‍पोनगी आश खाईन देताच्‍योक पक्‍काराङ ओङगो सिन छ्या ओतेकी दोक ओङगीता मेङता सिन ङुरूङ नोमुङ छ्याःङ ज्‍यीबा मिक्‍किता खाला देता थुप्‍क्‍यो। ङुरूङगी आश खाईन देता च्‍योकराङ खाला ङुरूङला परमेश्‍वर दोन्‍दु खेराला येशू गाङे भन्‍दा छ्येते पूजारी ओङगीन ङुरूङ भन्‍दा गोमाका पर्दे ल्‍हाकनापा परमेश्‍वर दोन्‍दु गाङे भन्‍दा छ्येते पूजारीकामा ड्वा ङेत्‍च्‍येते ठाउँदु गाल्‍गीन देता ओत। येशू मल्‍कीसेदेक च्‍योकराङ गाङे भन्‍दा छ्येते पूजारी ओङा ओत। थे सधैँभरि गाङे भन्‍दा छ्येते पूजारी ओङला देत्‍क्‍यो।