शक्ति काम 22:5 - जिरेल

⁵ ङे थोक खाबा ओतान सिन गाङे भन्‍दा छ्येते पूजारी, धर्मे गुरूओन थेमे ज्‍येन छ्ये छ्ये मि गाङेकी सिरा थुप्‍क्‍यो। थेबेकीराङ ङाला दमस्‍कस सारदु येशूला विश्‍वास खित्‍कान्‍तेबाला जुम्‍ला सजाय तेराला दुरू खुलाङ छ्युत सिन दमस्‍कसपे यहूदी छ्ये छ्ये मिला चिट्ठी टिकीन बिन्‍गीन ताङा ओतान।

शक्ति काम 22:5 Iomraidhean Croise

लूका 22:66

थेमे नाम लानामेई यहूदीओन छ्ये छ्ये मि, छ्ये छ्ये पूजारी थेमे धर्मे गुरूओन गाङेराङ जम्‍मा ओङसुङ। थेमे येशूलाङ थेरू क्‍याल्‍सुङ।

शक्ति काम 1:15

येशूला विश्‍वास खित्‍कान्‍ते मिओन थोक खाला जम्‍मा ओङजीन ङीमाई मेन्‍दा खाल ठुकचो ओतान। थेमे पत्रुसकी थेबा गाङे दोन्‍दु लाकीन

शक्ति काम 13:26

आज्‍यो न्‍वावे, ख्‍योकोन दुरू अब्राहाम सन्‍तान थेमे परमेश्‍वरला माने खित्‍कान्‍ते ज्‍येन ज्‍येन जातकी मिङ ओत। येशू बात थोरूम चुक सासीन परमेश्‍वरगी ङुरूङला पापकी सजायदुकी डेलाला थेला ताङाते ईन।

शक्ति काम 2:29

थेमे आज्‍यो न्‍वावे, होदि बात खित्‍कान्‍ते ङुरूङ पुर्खा दाऊद गेल्‍बो बातनी ङुरूङ गाङेला लेमु खाला छ्याराङ ओत। थेनी स्‍यिइन दाक रूल्‍गीनोङ गाल्‍सुङ। थेला दिबाते थुर्सा थोरूमसाकोङ ङुरूङ दोन्‍दु ओत्‍कीन ओत।

शक्ति काम 22:1

थेकी थेबाला “छ्येवे, आज्‍यो न्‍वावे, ङे बात लेमु खाला ङेन। ङा गाङे बात लेमु खाला सिरामीन,” सिन सिदुक।

शक्ति काम 23:1

थोक खाईन यहूदीओन छ्ये छ्ये मि गाङे दोन्‍दु क्‍याल्‍नामेकी छ्याःङ ज्‍यीबाराङ मिक्‍किता खाईन थेबा ओत्‍सापाला ताकीन पावलगी “आज्‍यो न्‍वावे, परमेश्‍वरते छ्याःङ विरोध मिक्‍किता खाईन ङे जुनी खाङ थेला लेमु खाईन माने खाबा ओत,” सिन बात खिताला स्‍यूसुङ।

शक्ति काम 23:6

थेरू जम्‍मा ओङाते यहूदीओन छ्ये छ्ये मि नाङ कोई सदुकी पाटी मि, कोईचेन फरिसी पाटी मि ओतान। थेरू पाटी ङि मि ओताते बात छ्या स्‍येकीन पावलगी गाङेकी थोच्‍या खाईन “आज्‍यो न्‍वावे, ङाङ फरिसी पाटी मि ईन। ङे आबाबा गोप्‍पोबाङ फरिसी पाटी मिराङ ओतान। ङा परमेश्‍वरगी स्‍याप्‍ते मिला तिरी सोम्‍बो लोइओ सिन पत्ते खित्‍कान्‍ते मि ईन्‍देकीराङ ङाला मुद्धा चले खाईन दोक खाईन थरिङ ख्‍योकोन गाङे दोन्‍दु खुलाबाते ईन,” सिन सिदुक।

शक्ति काम 26:10

चुक सासीन छ्ये छ्ये पूजारी अधिकार ङेत्‍कीन ङे यरूशलेमदु ओताते परमेश्‍वर सन्‍तान काल्‍बेईला जेलला लुक्‍पाप। थेमे होथोक्‍ते मिला सेता फाप्‍क्‍यो सिरकान्‍तेबाताङराङ डिगीन ङेङ होथेबाला सेत च्‍युताप।

शक्ति काम 26:11

थेमे बाजिताङ बाजि यहूदीओनते मिटिङ खित्‍च्‍येते खाम्‍बा खाम्‍बाला गाल्‍गीन थेबेकी येशूला विश्‍वास खिता ताङला थे विरोध खित्‍स्‍यीत सिन ङे थेबाला आउदी खाईन दुक्‍पा बिन्‍दाप। थेबाला थोङजीन ङाला टिक्‍पीई स्‍येदाङनी लाङगीन मेतान। यरूशलेमदुकामा मेन्‍देकी मि लुङबाला सार सारला समेदोङ गाल्‍गीन ङे थेला विश्‍वास खित्‍कान्‍तेबाला तेरासम्‍म दुक्‍पा बिन्‍दाप।

शक्ति काम 26:12

होथोक्‍ते मिओनला दुक्‍पा तेरालाराङ ङा ङीमाई दमस्‍कसपा डुइन ओतान। छ्ये छ्ये पूजारी अधिकार ङेत्‍कीन थेबेकी खि साबाच्‍योक खिताला ङा थोक खाईन थेपा ख्‍याम्‍बा ओतान।

शक्ति काम 28:17

थेरू लेपाते ङीमा सुम तिरी पावलगी थेरू ओताते यहूदीओन छ्ये छ्ये मिला थे खोरोङ ओत्‍सादु काताङसुङ। थेमे थेबा जम्‍मा ओङनामेकी थेकी थेबाला “आज्‍यो न्‍वावे, बात च्‍यि सासीन ङे दाक्‍पोन जातकी मि सुङलाङ छ्याःङ मेलेबा खाबा मेतान। थेमे ज्‍युज्‍यु पुर्खे पालोमेकी चले खिन वाबाते रीतिथितिङ ङ्ये च्‍युता मेतान। दोक खाला ङेते छ्याःङ गल्‍ती मेत्‍सीनोङ दाक्‍पोन यहूदीओनगीराङ ङाला यरूशलेमदु जुम्‍गीन थेरू रोमी गेल्‍बो मिओन लाःक्‍तु सोम्‍पे खासुङ।

शक्ति काम 28:21

थेकी थोक सानामेई थे यहूदीओनगी “यहूदिये अञ्‍चलपेकी दोक्‍ते बात ङ्योकोनला छ्याःङ टिबा मेत। थेमे थेपेकी दुरू वाबाते यहूदी आज्‍यो न्‍वाओनगीङ खुई मेलेबा काम खासुङ सिन सुङगीङ छ्याःङ साबा मेत।

शक्ति काम 3:17

आज्‍यो न्‍वावे, ख्‍योकोनताङ ख्‍योकोन छ्ये छ्ये मिकी येशूला सेत ज्‍युत्‍जीन खेराङगी चुक मेलेबाते काम खाबाते ईन्‍दे सिन छ्या मास्‍येसुङ।

शक्ति काम 4:5

थेमे ङारो च्‍योक्‍ते छ्ये छ्ये पूजारी, यहूदीओन छ्ये छ्ये मि थेमे धर्मे गुरूओन यरूशलेमदु ठाउँज्‍यीक्‍तु जम्‍मा ओङसुङ।

शक्ति काम 5:21

थेमे थेबाङ ङारो च्‍योक्‍ते ङोमुका मन्‍दिरपा गाल्‍गीन थे दूतकी साबा च्‍योकराङ खाईन मिओनला लोपाला स्‍यूसुङ। थेमे गाङे भन्‍दा छ्येते पूजारीताङ थे र्‍वाओनगी छ्ये छ्ये पूजारी, धर्मे गुरूओन थेमे ज्‍येनोङ छ्ये छ्ये मि गाङेला काताङसुङ। दोक खाईन थेबेकी इस्राएलीओन छ्ये छ्ये मि गाङेला जम्‍मा खासुङ। थेमे थेबेकी येशू ख्रीष्‍टकी खटे खाबाते मिओनला खोपरोङ दोन्‍दु खोरच्‍योक सिन पुलिसओनला जेलदु ताङसुङ।

शक्ति काम 9:14

खोल्‍ला प्रभु सिन प्रार्थना खित्‍कान गाङेला जुम्‍ला खेराला छ्ये छ्ये पूजारी अधिकार ङेत्‍कीन थे दुरू वाला दुक्‍लो,” सिन सिदुक।

गलाती 1:13

ङा गोमा चुक्‍ते मि ओताने सिन ख्‍योकोनगीङ लेमु खाईन थोबाराङ ओतासीन। थेजीन ङा आउदी खाला यहूदी धर्म माने खिन ओतान। थोगी ठाउँ ठाउँला जम्‍मा ओङकान्‍ते परमेश्‍वर मि दोक्‍पोईलाङ सोम्‍बो ज्‍य्‌वाबा मेङगो सिन ङे थेबाला गाङेपा खेदा खाईन खाईन दुक्‍पा बिन्‍गीन थुपासम्‍म थेबेते दर सन्‍तानराङ तोर ज्‍युता चालाप।

फिलिप्‍पी 3:6

थोकराङ खाईन येशू ख्रीष्‍ट मिओनला मासेताला मेङगो सिन ङे खोक्‍पो खाईन थेबे खेदापानी खाबाप। थेमे परमेश्‍वर नियम ङेन्‍च्‍ये बात तासीन ङाला सुङगीङ दिकी दि दि गल्‍ती खासुङ सिन सिरा थुप्‍च्‍या मेतान।

१ तिमोथी 4:14

येशू ख्रीष्‍ट मिओनला ताकान्‍ते मिओनगी खुई गोःकी लाक लाक्‍पा ज्‍याक्‍ला प्रार्थना खिते बेलाला कोई कोईकी परमेश्‍वरगी खुई विषयला सिर च्‍युताते बात खाबा ओतान। थोक खाईन परमेश्‍वरगी खोल्‍ला सीप बिन्‍दा ओतान सिन खुई टोक ज्‍येता मेतासीन। थेकी खोरोङला दोक खाईन बिन्‍दाते सीप पित मोतोङा खाला लेमु खाला चले खिन देत।