शक्ति काम 21:3 - जिरेल

³ थोक खाला डोजीन ङ्योकोनगी थारीलेई साइप्रस लुङबा थोङसुङ। थेमे थे लुङबे दक्षिण छ्य्‌वामेई खाईन ङ्योकोन सिरिये लुङबापा गालाप। थेरू टायरदु लेप्‍कीन सामानतेबा थेन्‍दाला थे पानीजहाज रोके खासुङ।

शक्ति काम 21:3 Iomraidhean Croise

मत्ती 11:21

चुक सासीन “खोराजीनताङ बेथसेदादु मिवे, ख्‍योकोनला था आउदी मेलेबा ओङगो। ङे ख्‍योकोन नाङ खाबाते अचम्‍बते कामतेबा टायरताङ सीदोन सारगी मि नाङ खाबा ईन्‍सीन थेबेकी खोपरोङ पापी दुका सिन छ्या स्‍येला भाङ्‌रे खोलाक खोन्‍ला खोपरोङ गोःला थाला कोन्‍ला खित्‍च्‍या ओतान। दोक खाला थेबा परमेश्‍वर छ्य्‌वापा लै खित्‍च्‍या ओतान।

मत्ती 4:24

थेकी खाबाते दि कामगी बाततेबा सिरिये लुङबा खाङोङ फैले खासुङ। थेमे मिओनगी थरी थरी रोग लै खाईन नाबाते मिओन, ल्‍हन्‍डीक खोबातेबा, जा लाङकान्‍तेबा, कुज्‍येतेबा गाङेला ठाक्‍पा खाला तेरस्‍यीत सिन थे ओत्‍सादु क्‍याल्‍सुङ। थेमे थेकी थे मि गाङेला ठाक्‍पा खाईन बिन्‍सुङ।

लूका 10:13

थोकराङ खाला खोराजीनताङ बेथसेदादु मिवे, ख्‍योकोनला था आउदी मेलेबा ओङगो। ङे ख्‍योकोन नाङ खाबाते अचम्‍बते कामतेबा टायरताङ सीदोन सारगी मि नाङ खाबा ईन्‍सीन थेबेकी खोपरोङ पापी दुका सिन छ्या स्‍येला भाङ्‌रे खोलाक खोन्‍ला खोपरोङ गोःला थाला कोन्‍ला खित्‍च्‍या ओतान। दोक खाला थेबा परमेश्‍वर छ्य्‌वापा लै खित्‍च्‍या ओतान।

लूका 2:2

दोक खाला जनसंख्‍या लिन्‍जीन क्‍युरिनियस सिराते मि सिरिये लुङबादु रोमी गेल्‍बो हाकिम ओतान। थे भन्‍दा गोमा नोमुङ जनसंख्‍या लाबा मेतान।

शक्ति काम 11:19

स्‍तिफनसला सेत्‍नामेकी येशूला विश्‍वास खित्‍कान्‍तेबाला छ्ये छ्ये मिकी आउदी खाईन दुक्‍पा तेराला स्‍यूनामेकी यरूशलेमदुकी फ्रोकीन छरपुट्ट गालाते मिओन थारी थारीला ख्‍योला ओतान। थेबा लाला फोनिसिये नाङपा, लालाचेन साइप्रस लुङबे नाङपा लेपा ओतान। थोकराङ खाईन लाला लालाचेन एन्‍टिओखिये सारगी नाङपा गाला ओतान। थोक खाईन गाङेपा गालाते मि काल्‍बा च्‍योक्‍तेकी खालि खोपरोङ यहूदीओनलाकामा येशू बात लोपाला स्‍यूसुङ।

शक्ति काम 12:20

थेजीन थे टायरताङ सीदोन सारगी मिओनताङ आउदी खाईन स्‍येदाङ खाबा ओतान। थोक ईन्‍देकी गेल्‍बो हेरोदताङ मिले खित्‍च्‍येते बात खिता फाप्‍क्‍यो सिन सार ङिकार मि डिगीन खोपरोङ कोई कोई मिला थे ओत्‍सापा ताङसुङ। थेमे थेबेकी हेरोद गेल्‍बोते बलस्‍तस सिराते छ्येते मिला लाःक्‍तु लाकीन थेला गेल्‍बो हेरोदताङ डिक्‍पा खाला नाङ सिन बिन्‍ती खासुङ। हेरोद गेल्‍बो लुङबादुकीराङ खोपरोङला साप्‍ला अन्‍न खेरा फाप्‍कीन ओतेकी थेबा थोक खाईन डिक्‍पा चाला ओतान।

शक्ति काम 13:4

थोक खाईन परमेश्‍वर आत्‍मेकी बारनाबासताङ शावलला थेरूकी ताङनामेकी थेबा सिल्‍युसिया सारनामा गाल्‍सुङ। थेमे थेरूकी पानीजहाजला जेकीन समुन्‍द्रे किल्‍दु ओताते साइप्रस लुङबापा गाल्‍सुङ।

शक्ति काम 15:23

थेमे थेबेकी दोक सिन चिट्ठीज्‍यीक टिकीन थेबे लाःक्‍तु बिन्‍गीन ताङसुङ। थे चिट्ठीला च्‍यि सिन टिबा ओताने सासीन “दि चिट्ठीचेन एन्‍टिओखियादु थेमे सिरियाताङ सिलिसियादु ओताते ख्‍योकोन ज्‍येन ज्‍येन जातकी आज्‍यो न्‍वाबा गाङे लाईदु टिबाते ईन। ख्‍योकोन गाङेला येशू ख्रीष्‍टकी खटे खाबाते मिओन थेमे दुरू ओताते येशू ख्रीष्‍ट मिओनला ताकान्‍ते मि ङ्योकोन गाङेते नमस्‍ते ओत।

शक्ति काम 15:39

दि बातलाराङ थेबा ङिबोते आदोराङ ठाकठाक ठोकठोक स्‍योरसुङ। थेमे थेबा ङिबो ङ्योम्‍बु मोन्‍डोओ सिन ठाल्‍सुङ। बारनाबास मर्कूसला टीकीन पानीजहाजला जेकीन साइप्रसपा गाल्‍सुङ।

शक्ति काम 15:41

दोक खाईन पावलचेन सिरियाताङ सिलिसिये नाङपा गाल्‍सुङ। थेमे थेङला सार सारला जम्‍मा ओङकान्‍ते येशू ख्रीष्‍ट मिओनला जस्‍तोराङ ओङसीनोङ ख्‍योकोनगी येशूला विश्‍वास खिन देता मातोङ सिन आँट तेरगीन ख्‍याम्‍सुङ।

शक्ति काम 18:18

थोक थोक ओङनामेकीङ पावल आदोराङ कोरिन्‍थदुराङ देत्‍सुङ। थेमे तिरी थेरू आज्‍यो न्‍वाओनताङ ड्वामीन सिन बात खाईन थे सिरिये लुङबापाला ख्‍याम्‍सुङ। प्रिस्‍किलाताङ अक्‍वीलाङ थेत्ताङ ङ्योम्‍बुराङ गाल्‍सुङ। परमेश्‍वरला कोबोलज्‍यीक खाबा ओतेकी किंक्रियादु लेप्‍नामेकी पावलगी थे खोरोङ टा ठेसुङ। किंक्रियादुकीचेन थेबा पानीजहाजला जेकीन गाल्‍सुङ।

शक्ति काम 21:16

सिजरियादु ओताते येशू चेलातेबाङ कोई कोई थेजीन ङ्योकोनताङ ङ्योम्‍बुराङ गाला ओतान। थेबेकी ङ्योकोनला मनासोन सिराते मि खाम्‍बादु खेरगीन ज्‍याक्‍सुङ। मनासोनचेन साइप्रस लुङबे मि ओतान। गोमा गोमाराङ येशूला विश्‍वास खिताला स्‍यूक्‍कान्‍ते मि नाङ थेङ दोक्‍पोई ओतान।

शक्ति काम 21:2

थेरू ङ्योकोनगी फोनिसियापा डोच्‍येते पानीजहाज थेप्‍कीन थे जहाजलाराङ जेकीन गालाप।

शक्ति काम 21:7

टायरदुकी ख्‍याम्‍नामेई ङ्योकोन टोलेमाइस सिरसापा लेपाप। थेरूङ ङ्योकोन थेरू आज्‍यो न्‍वाओनला ठेता खित गालाप। थेमे थेबाताङ ङीमाई देताप।

शक्ति काम 27:4

थेमे थेरूकीङ ङ्योकोन ख्‍याम्‍बाप। तर पानीजहाज खेरा चाल्‍से छ्य्‌वापेकी आउदी खाईन ल्‍हाबा चले खाबेकी ङ्योकोन साइप्रस लुङबे पूर्वे छ्य्‌वापा खाईन ड्वा फाप्‍सुङ।

शक्ति काम 4:36

येशूला विश्‍वास खित्‍कान्‍तेबे नाङ यूसुफ सिराज्‍यीक मि ओतान। थेचेन साइप्रस लुङबादु केबाते लेवी थरगी मि ओतान। येशू ख्रीष्‍टकी खटे खाबाते मिओनगी थेला बारनाबास सिन मिन ज्‍याक्‍पा ओतान। बारनाबास साबाते मिओनला आँट तेरकान्‍ते साबाते ईन।