शक्ति काम 21:16 - जिरेल

¹⁶ सिजरियादु ओताते येशू चेलातेबाङ कोई कोई थेजीन ङ्योकोनताङ ङ्योम्‍बुराङ गाला ओतान। थेबेकी ङ्योकोनला मनासोन सिराते मि खाम्‍बादु खेरगीन ज्‍याक्‍सुङ। मनासोनचेन साइप्रस लुङबे मि ओतान। गोमा गोमाराङ येशूला विश्‍वास खिताला स्‍यूक्‍कान्‍ते मि नाङ थेङ दोक्‍पोई ओतान।

शक्ति काम 21:16 Iomraidhean Croise

शक्ति काम 10:24

ख्‍याम्‍बे ङारो च्‍योक्‍ते थेबाबरी सिजरियापा लेप्‍सुङ। कर्नेलियसचेन थेबे लाम ताकीनराङ देता ओतान। थेकी स्‍योक साबाते थे खोरोङ मि फाप्‍च्‍येतेबा थेमे र्‍वातेबा गाङेराङ थे खाम्‍बादु जम्‍मा ओङगीन देता ओतान।

शक्ति काम 10:48

थेमे थेकी “लो था दिबाला येशू ख्रीष्‍ट मिनगी छ्य्‌वापेई बप्‍तिस्‍मा बिन,” सिन थे खोरोङताङ ङ्योम्‍बु गालाते मिओनला सानामेई थेबेकी थे मिओनला बप्‍तिस्‍मा बिन्‍सुङ। थेमे थे मिओनगी टिक्‍पी दिन पत्रुसला थेबाताङ ङ्योम्‍बुराङ देत्‍की सानामेई थे देत्‍सुङ।

शक्ति काम 11:19

स्‍तिफनसला सेत्‍नामेकी येशूला विश्‍वास खित्‍कान्‍तेबाला छ्ये छ्ये मिकी आउदी खाईन दुक्‍पा तेराला स्‍यूनामेकी यरूशलेमदुकी फ्रोकीन छरपुट्ट गालाते मिओन थारी थारीला ख्‍योला ओतान। थेबा लाला फोनिसिये नाङपा, लालाचेन साइप्रस लुङबे नाङपा लेपा ओतान। थोकराङ खाईन लाला लालाचेन एन्‍टिओखिये सारगी नाङपा गाला ओतान। थोक खाईन गाङेपा गालाते मि काल्‍बा च्‍योक्‍तेकी खालि खोपरोङ यहूदीओनलाकामा येशू बात लोपाला स्‍यूसुङ।

शक्ति काम 15:39

दि बातलाराङ थेबा ङिबोते आदोराङ ठाकठाक ठोकठोक स्‍योरसुङ। थेमे थेबा ङिबो ङ्योम्‍बु मोन्‍डोओ सिन ठाल्‍सुङ। बारनाबास मर्कूसला टीकीन पानीजहाजला जेकीन साइप्रसपा गाल्‍सुङ।

शक्ति काम 15:7

काल्‍बासाक छलफल खानामेकी थेरू पत्रुसकी गाङे दोन्‍दु लाकीन “आज्‍यो न्‍वावे, ङे ज्‍येन ज्‍येन जातकी मिला गा लाङच्‍येते बात लोप्‍स्‍यीत थेमे थे बात थोला थेबेकी येशूला विश्‍वास खित्‍स्‍यीत सिनराङ परमेश्‍वरगी गोमा ङाला ख्‍योकोन नाङदुकी छाने खाबा ओतान। दि बातनी ख्‍योकोनला छ्याराङ ओत।

शक्ति काम 21:8

ङारो च्‍योक्‍ते ङ्योकोन थेबाताङ ठाल्‍गीन सिजरियापा गालाप। थेरू ङ्योकोन फिलिप खाम्‍बादु गाल्‍गीन देताप। थेचेन ठाउँ ठाउँला गाल्‍ला गा लाङच्‍येते बात लोप्‍कान्‍ते मि ओतान। गोमा यरूशलेमदु येशूला विश्‍वास खित्‍कान्‍तेबाला मद्धत तेराला छाने खाबातेबा मेरा दुईनगी नाङ थेङ दोक्‍पोई ओतान।

शक्ति काम 4:36

येशूला विश्‍वास खित्‍कान्‍तेबे नाङ यूसुफ सिराज्‍यीक मि ओतान। थेचेन साइप्रस लुङबादु केबाते लेवी थरगी मि ओतान। येशू ख्रीष्‍टकी खटे खाबाते मिओनगी थेला बारनाबास सिन मिन ज्‍याक्‍पा ओतान। बारनाबास साबाते मिओनला आँट तेरकान्‍ते साबाते ईन।

शक्ति काम 8:40

फिलिपकीचेन थे खोरोङ अश्‍दोद सिरसादु ख्‍योलातेकामा थाहा छ्येत्‍सुङ। थेमे थे थेरूकी सिजरिये सारनापा डोजीन लामला फाप्‍च्‍येते सार सारला गा लाङच्‍येते बात लोप्‍कीन गाल्‍सुङ।

रोमी 16:7

थेमे ङे मि फाप्‍च्‍येते गोमा ङात्ताङराङ जेलदु देताते एन्‍ड्रोनिकसताङ युनियसलाङ ङेते नमस्‍ते ओत सि। थेबाचेन येशू ख्रीष्‍टकी खटे खाबाते मिओन नाङ मिन चले खाबाते मि ईन। थेबेकी ङे भन्‍दा गोमामेकीराङ ख्रीष्‍टला विश्‍वास खिताला स्‍यूबाते ईन।

फिलेमोन 1:9

बरू परमेश्‍वर सन्‍तान गाङेला खुई ङिङज्‍ये खिओ सिन ङाला छ्या ओतेकी खुई चुक खासीन लेमु ईन्‍दे सिन ङा खोल्‍ला बातज्‍यीक खितामीन। खोल्‍ला दि बात खित्‍कान्‍ते ङा पावल था चुक गान्‍दा गाल्‍गीन सिन्‍दा ओते सिन थेमे येशू ख्रीष्‍टकी खि साबाते काम खितेकी थरिङोला जेलदु देता फापाते ईन सिन खोल्‍ला छ्याराङ ओत।