शक्ति काम 20:7 - जिरेल

⁷ थेमे आदेरी छोमु ङ्योकोन गाङेराङ थेरू येशूला विश्‍वास खित्‍कान्‍ते मिओनताङ प्रभु भोज साप्‍ला खाम्‍बाज्‍यीक्‍तु जम्‍मा ओङा ओतान। थेमे पावलगी गाङेताङ बात खिताला स्‍यूसुङ। ङारो च्‍योक्‍तेराङ थे खोरोङ थेरूकी डोच्‍येते ईन्‍देकी नुप फेतसाकोङ थेकी बात खाईन सिन्‍दा मेतान।

शक्ति काम 20:7 Iomraidhean Croise

मर्कूस 16:9

येशू आदेरी छोमु ङोमुका सोम्‍बो लोक्‍पा ओतान। सोम्‍बो लोक्‍नामेई गाङे भन्‍दा गोमा थेकी मरियम मग्‍दलिनीला ठेता खासुङ। थेकी गोमा थे फेम्‍मे मिदुकी ल्‍हन्‍डीक दुईन तेन्‍गीन ताङा ओतान।

लूका 22:19

थोकराङ खाईन थेकी स्‍योबेनज्‍यीक लाःक्‍तु लासुङ। थेमे थे स्‍योबेन लाईदु परमेश्‍वरला धन्‍यवाद बिन्‍गीन सिन्‍नामेई थे च्‍याक्‍ला थेबाला तेरगीनकामा “दि ङे जीउ ईन। ङा ख्‍योकोन लाईदु ङाराङ ज्‍यानराङ बिन्‍ला स्‍यिइओ। ङा ख्‍योकोन लाईदु स्‍याप्‍ते बात सम्‍झे खिताला ख्‍योकोनगीङ बेला बेलाला दोक खाला स्‍योबेन च्‍याक्‍ला साच्‍येते खि,” सिन सिदुक।

लूका 24:35

थेमे थेबा ङिबोकीङ खोपरोङ लामला डोजीन च्‍यि ओङसुङा थेमे साप सा बेलाला स्‍योबेन च्‍याक्‍ला तेरजीनका चुक खाईन खोपरोङगी येशूला थेराङ दुका सिन ङो स्‍येसुङा सिन गाङे बात थेबाला लाःप्‍सुङ।

यूहन्‍ना 20:1

थेमे आदेरी छोमु साला नाम्‍दाक माफोक्‍पालाराङ मरियम मग्‍दलिनी येशू रो ज्‍याक्‍पाते फुकनापा गाल्‍सुङ। थेपा लेप्‍नामेकी थेकी थेरू फुगी गोदु ज्‍याक्‍पाते दो थेरूकी थेन्‍दा ओता थोङसुङ।

यूहन्‍ना 20:19

थेमे थे आदेरी छोमुराङ नाम स्‍योनामेई यहूदीओन छ्ये छ्ये मि ज्‍यीबेकी येशू चेलाओन गोई लास्‍यिङ ग्‍याप्‍कीन देता ओतान। थे बेलालाराङ येशू थेबा ओत्‍सादु ख्‍योल्‍गीन “ख्‍योकोनला लेमु ओङस्‍यीत,” सिन सिदुक।

यूहन्‍ना 20:26

थेमे हप्‍ताई तिरी येशू चेलाओन लोईन खाम्‍बादु ङ्योम्‍बुराङ ओतान। दि पालोलाचेन थेबाताङ थोमाङ ओतान। गोई लास्‍यिङ ग्‍यापा ओत्‍सीनोङ थे छोमुङ चेलातेबा ओत्‍सादु येशू ख्‍योल्‍सुङ। थेमे थेबाला “ख्‍योकोनला लेमु ओङस्‍यीत,” सिन सिदुक।

शक्ति काम 16:10

पावलला थोक ओङनामेकी था गा लाङच्‍येते बात लोपाला पावलबा ङ्योकोन गाङेला परमेश्‍वरगी म्‍यासिडोनियापा तोङा चालाते दुका सिन छ्या स्‍येकीन ङ्योकोन गाङेराङ थेपा ड्वाप्‍ला जेसुकै ठिक्‍क खाबाप।

शक्ति काम 2:42

येशूला विश्‍वास खित्‍कान्‍तेबेकी येशू ख्रीष्‍टकी खटे खाबाते मिओनगी लापाते बातओन लेमु खाला ङेन्‍गीन ओतान। थेबा ङ्योम्‍बुराङ डिक्‍ला देत्‍च्‍येते, प्रभु भोज साच्‍येते थेमे परमेश्‍वरला प्रार्थना खित्‍च्‍येते खिन ओतान।

शक्ति काम 2:46

थेबा ङीमे ठाङमा परमेश्‍वर मन्‍दिरदु जम्‍मा ओङला ङ्योम्‍बुराङ परमेश्‍वरला प्रार्थना खिन ओतान। थेबेकी दोक्‍पोईकी ज्‍येनज्‍यीकला ईख इबी खुरगीन मेतान। बरू खाम्‍बा खाम्‍बाला रूला प्रभु भोज साच्‍येते थेमे गा खिन ङ्योम्‍बुराङ साप साच्‍येते खिन ओतान।

शक्ति काम 20:11

थेरूई पावल याङराङ ताले लाकने गाल्‍सुङ। थेमे थेकी स्‍योबेन च्‍यागीन च्‍याकीन गाङेताङ प्रभु भोज सोसुङ। थे छोमुचेन थेकी लोप्‍कीन देत्‍कीनराङ नाम लाङसुङ। नाम लानामेकी थे थेरूई ख्‍याम्‍सुङ।

शक्ति काम 20:31

थोगी खेराङला सुङगीङ छक्‍के खिता मुथुप्‍स्‍यीत सिन च्‍याङबो खाला देत। ङे लो सुमसाक ख्‍योकोन गाङेला येशूला विश्‍वास खिनराङ देत सिन ङीन नुप ख्‍योकोन पीर खुरगीन दुक्‍पा खाईन खाईन खाबाते काम नोमुङ टोक माज्‍येत।

शक्ति काम 20:5

थेबा गाङेराङ पावल गोमा गोमा गाल्‍गीन त्रोआसदु लेप्‍कीन पावलबा ङ्योकोनला गुकीन देता ओतान।

शक्ति काम 20:9

थेमे थेरू युटिकस सिराते स्‍याराज्‍यीक मि झ्‍यालदु देत्‍ला बात ङेन्‍गीन ओतान। पावल थोक खाला बात खिन खिनला थे च्‍य्‌वा गोरगीन भुसुक्‍क ङिक गाल्‍दुक। थोक खाईन ङिक गाल्‍नामेकी थे थेरूकी ताला सुमगी चावामा ल्‍हुम्‍दुक। थेमा गाल्‍ला लोङजीन थे स्‍यिइन सिन्‍दा ओतान।

शक्ति काम 28:23

थेमे थेबेकी लोक्‍ला थे बात ङेन्‍दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्‍बेई पावल ओत्‍सादु जम्‍मा ओङसुङ। थेमे थेकी थेबाताङ च्‍याक ङोमुमेकी ग्‍वासेसाकराङ बात खिन परमेश्‍वर राज्‍य बात लाप्‍कीन बिन्‍सुङ। थोक खित्‍जीन थेकी मोशेकी टिबाते परमेश्‍वर नियमला थेमे परमेश्‍वर बात खित्‍कान्‍तेबेकी ख्रीष्‍टकी विषयला टिबाते बात लोप्‍कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्‍कीन बिन्‍सुङ।

१ कोरिन्‍थी 10:16

प्रभु भोज साजीन ङुरूङ अंगूर छ्याङ लुक्‍पाते कचौरा लाःक्‍तु लाला थे ख्रीष्‍टकी ठाक ईन सिन सम्‍झे खाला परमेश्‍वरला धन्‍यवाद बिन्‍ला गाङेराङ थे नोतज्‍यीकलाराङ थुङगो। थोक खित्‍जीन ङुरूङ ख्रीष्‍टकी ङुरूङ लाईदु थे खोरोङ ज्‍यान बिन्‍गीन स्‍याप्‍ते बात सम्‍झे खिओ। ख्रीष्‍टकी जीउ सिन सम्‍झे खाला थेजीन स्‍योबेन च्‍याक्‍ला साजीनोङ ङुरूङ होथे बातराङ सम्‍झे खिओ।

१ कोरिन्‍थी 15:10

ङे थोक मेलेबा खाबा ईन्‍सीनोङ परमेश्‍वरगी ङाला दया खाईन ज्‍येनला येशू ख्रीष्‍ट बात लोप्‍कान्‍ते मि जोसुङ। परमेश्‍वरगी ङाला दया खाबाते थाराङ खेरो मागाल्‍सुङ। ङेचेन ङाराङ च्‍योकराङ येशू ख्रीष्‍टकी खटे खाबाते मि गाङेकी भन्‍दा दुक्‍पा खाईन खाईन ल्‍हाक्‍पा काम खाबा ओत। ईन्‍सीनोङ ङे खाबाते काम ङाराङ स्‍येतताङ बुद्धिकी खाबाते मेन। दि गाङे परमेश्‍वर दयेकी खित्‍सादु खिता थुपाते ईन।

१ कोरिन्‍थी 16:2

चुक सासीन हप्‍ताई पिच्‍छे आदेरी छोमु छोमु ख्‍योकोन गाङेकी दाक्‍पोन दाक्‍पोन कमाइ ताला खेराङगी तेरा थुप्‍च्‍या थुप्‍च्‍याज्‍यीक पैसा थेबे लाईदु टाल्‍ला ठाउँज्‍यीक्‍तु जम्‍मा खाला स्‍योक। थोक खाईन जम्‍मा खाईन ज्‍याक्‍सीन ङा थेपा वानामेकी थे पैसा दुत्‍च्‍येते काम खिता माफाबो।

२ तिमोथी 4:2

खुई चुक खिता फाप्‍कीते सासीन मिओनला परमेश्‍वर बात लोप्‍कीनराङ देत, मिओनगी ङेन्‍सीनोङ माङेन्‍सीनोङ जुन बेलालाङ थे बात लोपा मातोङ थेमे गल्‍ती खित्‍कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्‍दे सिन गाङेला लाप्‍ला बिन। थानी दिबाला थोई लोप्‍च्‍ये सिराच्‍योक माकेत, सुङताङ स्‍येदाङ मिक्‍किता खाला खा छ्येत लेमु खिन दोक खाला लोप्‍कीनराङ देत।

छ्या स्‍ये च्‍युताते बात 1:10

थेमे थेरू ङीमाई आदेरी छोमु च्‍यि ओङसुङा सासीन परमेश्‍वर आत्‍मेकी ङाला जुम्‍सुङ। थेमे ङे ङाराङ ल्‍हाकनापा सुइँदेकी ङाराङताङ बात खिन ओताते थोसुङ। थे ङोरो आउदी कस्‍स्‍ये खाईन फुबाते बिकुल ङोरो च्‍योक ओतान।