शक्ति काम 20:4 - जिरेल

⁴ थेजीन थेत्ताङ ज्‍येन ज्‍येन मिङ ङ्योम्‍बुराङ ओतान। थेबाचेन बेरियापे पाईरस सिराते मि फुज्‍युङ सोपाटर, थिस्‍सलोनिकापे अरिस्‍तार्खसताङ सिकन्‍डस, डर्बीपे गायस थोकराङ खाईन तिमोथी थेमे एशिये अञ्‍चल टाइकिकसताङ त्रोफिमस सिरातेबा ओतान।

शक्ति काम 20:4 Iomraidhean Croise

शक्ति काम 14:20

तर थेरू येशू चेलाओन थे फेरोला वानामेकी पावलचेन थेरूकी लाकीन च्‍याकीन लोईन सारनापा गाल्‍सुङ। थेमे ङारो च्‍योक्‍ते थेत्ताङ बारनाबास थेरूकी डर्बीपा गाल्‍सुङ।

शक्ति काम 14:6

थेबेकी थोक खिता चालाते बात छ्या स्‍येकीन पावलताङ बारनाबासचेन थेरूकी फ्रोकीन लाइकाओनिया सिरसादु गाल्‍सुङ। थेमे थेरू लिस्‍त्राताङ डर्बी सिराते सारदु थेमे थे फेरोला ओताते युलगी नाङले मिओनला

शक्ति काम 16:1

थोक खिन पावलबा डर्बीपा लेप्‍सुङ। थेमे थेरूकीङ लिस्‍त्रापा गाल्‍सुङ। लिस्‍त्रादु तिमोथी सिराज्‍यीक येशू चेला ओतान। थेते आमाते यहूदी थेमे आबाचेन ग्रीक ओतान। थे आमातेङ येशूला विश्‍वास खित्‍कान्‍ते मि ओतान।

शक्ति काम 16:6

थोक खाला युगीन डोजीन पावलबा एशिये अञ्‍चल नाङपा गा लाङच्‍येते बात लोप ड्वा चाल्‍सुङ। तर परमेश्‍वर आत्‍मेकी थेबाला थेङपा डोर माच्‍युत्‍सुङ। थोगी थेबा फ्रिगियाताङ गलातिये अञ्‍चल नाङपा खाईन गाल्‍सुङ।

शक्ति काम 17:1

पावलबा ख्‍याम्‍गीन ख्‍याम्‍गीन अम्‍फिपोलिसताङ अपोल्‍लोनिये लामला खाईन थिस्‍सलोनिकादु लेप्‍सुङ। थेरूङ यहूदीओनते मिटिङ खित्‍च्‍येते खाम्‍बाज्‍यीक ओतान।

शक्ति काम 17:13

पावलगी बेरियादुङ परमेश्‍वर बात लोप्‍कीन दुक्‍लो सिन थिस्‍सलोनिके यहूदीओनगी थोसुङ। थे बात थोकीन स्‍येदाङगी थेपाङ गाल्‍गीन थेबेकी पावल मेलेबा मि ईन साकीन थेरूङ मिओनला उल्‍के खाईन होहल्‍ला खित च्‍युत्‍सुङ।

शक्ति काम 19:29

थेबेकी थोक खाला छेरा खित्‍जीन थे सारराङ थर्के खासुङ। थेमे च्‍यि ओङका सिन सार खाङ हल्‍ला खल्‍ला मच्‍चे खासुङ। थेमे थेरू मिओनगी पावलताङ र्‍वा खाईन ख्‍याम्‍बाते मेन्‍दा ङि मिला जुम्‍गीन ठुत्‍कीनकामा खेरगीन मि गाङेराङ जम्‍मा ओङला तेमु ताच्‍येते ठाउँदु क्‍याल्‍सुङ। थेबा ङिबोचेन म्‍यासिडोनिये लुङबे गायसताङ अरिस्‍तार्खस सिरातेबा ओतान।

शक्ति काम 2:9

च्‍यिला सासीन ङुरूङ कोई पार्थीया, मेदीयाताङ एलाम लुङबापेकी वाबाते ईन। कोई कोई मेसोपोटामिये लुङबेते ईन। कोई यहूदिया, कापाडोसिया, पोन्‍टसताङ एशिये नाङपेते ईन।

शक्ति काम 20:16

एशिये अञ्‍चल नाङला काल्‍बासाक अलमल खिता मेङगो सिन पावलगी एफिससपा मोन्‍डोओ सिन साबा ओतान। च्‍यिला सासीन थुपासम्‍म पेन्‍तिकोस चाडला यरूशलेमपा लेपाप सिन थे हतार हतार खाला डुइन ओतान।

शक्ति काम 20:18

थेबा थेरू वानामेकी थेबाताङ बात खिन थेकी “आज्‍यो न्‍वावे, ङे ख्‍योकोनला बातज्‍यीक बात ङि खिताप सिन दुरू काताङाते ईन। जसकी जे सासीनोङ ङा एशिये अञ्‍चलदु लेपा छोमुमेकी थातासाक बेला बेलाला ख्‍योकोनताङ ङ्योम्‍बुराङ ओत्‍जीन ङा चुक खाईन देत्‍सुङा, चुक चुक खासुङा सिन ख्‍योकोन गाङेला छ्याराङ ओत।

शक्ति काम 21:29

दोक ओङा भन्‍दा टिक्‍पी गोमाकामा थेबेकी एफिससपे त्रोफिमस सिरातेला पावलताङ सारगी नाङला युगीन ओता थोङा ओतान। थेकी थेला परमेश्‍वर मन्‍दिर नाङ लुक्‍पासीन सिन विचार खाईन थेबेकी दिकी ग्रीकओनला मन्‍दिरदु लुक्‍तुक सिन साबा ओतान।

शक्ति काम 27:2

थेरू ङ्योकोन गाङेराङ एड्रामिटियम सिरसादुकी वाबाते पानीजहाजला जेबाप। थे जहाजचेन एशिये अञ्‍चल छेउकी नाङला फाप्‍च्‍येते ठाउँ ठाउँ ड्वाप्‍ला ठीक खाबा ओतान। ङ्योकोनताङ म्‍यासिडोनिये लुङबे थिस्‍सलोनिकापे अरिस्‍तार्खस सिरातेङ ओतान।

रोमी 16:21

थेमे ङात्ताङराङ येशू ख्रीष्‍ट काम खित्‍कान्‍ते तिमोथीते ख्‍योकोनला नमस्‍ते ओत्‍लो। थोकराङ खाला ङाराङ मि फाप्‍च्‍येते लुसियस, यासोनताङ सोसिपेटरतेङ ख्‍योकोनला नमस्‍ते ओत्‍लो।

रोमी 16:23

थेमे गायसतेङ ख्‍योकोनला नमस्‍ते ओत्‍लो। ङा पावल थे खाम्‍बादुराङ डोम्‍बो ओङगीन देता ओत। देङला ओताते येशू ख्रीष्‍ट मिओन दि खाम्‍बादुराङ जम्‍मा ओङगीदुक। थेमे इरास्‍तसतेङ ख्‍योकोनला नमस्‍ते ओत्‍लो। थेचेन दि सारदु च्‍यि च्‍यि खिता फाप्‍च्‍या दुका, थोई खर्च लै खित्‍च्‍या दुका सिन ताकान्‍ते मि ईन। थोकराङ खाला ङुरूङ न्‍वा क्‍वार्टसतेङ ख्‍योकोनला नमस्‍ते ओत्‍लो।

२ कोरिन्‍थी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङ्योकोन दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन थेमे अखैये लुङबा खाङ ओताते परमेश्‍वर सन्‍तान ख्‍योकोन गाङेला टिगीन ओत।

२ कोरिन्‍थी 1:19

च्‍यिला सासीन सिल्‍वानस, तिमोथी थेमे ङे ख्‍योकोनला छ्या स्‍येबा खाईन बिन्‍दाते परमेश्‍वर फुज्‍युङ येशू ख्रीष्‍टचेन साँचोतेङ मेन्‍दातेङ परी ङि बात खित्‍कान्‍ते मेन। थे खालि साँचोते बातकामा खित्‍कान्‍ते ईन।

एफिसी 6:21

ज्‍येन बात च्‍यि सासीन ङा चुक दुका, च्‍यि खिन दुका सिन था न्‍वा टाइकिकसकी ख्‍योकोनला गाङे लाःप्‍क्‍यो। दिला ङा ङिङज्‍ये खिओ। दिङ प्रभु ख्रीष्‍ट काम खित्‍कान्‍ते मिराङ ईन। दि थे काम आउदी लेमु खाला खित्‍कान्‍ते मि ईन।

फिलिप्‍पी 2:19

थेमे प्रभु येशूताङ प्रार्थना खित्‍जीन था ङे होत्ताराङ तिमोथीला ख्‍योकोन ओत्‍सापा तोङा थुप्‍कीतासीन सिराच्‍योक लाबा ओत। थेकी ख्‍योकोनला ठेत्‍कीन ख्‍योकोन चुक दुका सिन लोन खुलानामेई ङा पीर मिक्‍किता खाला देता ङेत्‍क्‍यो।

कलस्‍सी 4:10

दुरू ङात्ताङराङ जेलदु ओताते अरिस्‍तार्खसते ख्‍योकोनला नमस्‍ते ओत्‍लो। थेमे बारनाबास न्‍वा फाप्‍च्‍येते मर्कूसतेङ नमस्‍ते ओत्‍लो। मर्कूसला च्‍यि सिसे थेमे थेला चुक खिता फाप्‍कीते सिन ङे ख्‍योकोनला गोमाकाराङ साकीन सिन्‍दा ओत। था थे ख्‍योकोन ओत्‍सापा वासीन थेला लेमु खि।

कलस्‍सी 4:7

ज्‍येन बात च्‍यि सासीन ङिङज्‍येते न्‍वा टाइकिकसकी थेपा लेप्‍नामेई ख्‍योकोनला ङे बात गाङे लाःप्‍क्‍यो। दिकी खिता फापा च्‍योकराङ खाला प्रभु येशू काम खिन ओत। दिङ ङा च्‍योकराङ प्रभु येशू काम खित्‍कान्‍ते मि ईन।

१ तिमोथी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। थेकी खटे खाबाते मिकी खिता फाप्‍च्‍येते काम खितालाचेन ङुरूङला पापदुकी डेल्‍कान्‍ते परमेश्‍वर थेमे था तिरी ग्‍युरला ओङगो सिन ङुरूङ आश खाईन गुकीन देता ओताते येशू ख्रीष्‍टकीराङ ङाला कोताते ईन।

२ तिमोथी 1:2

ङा दि चिट्ठी ङे ङिङज्‍येते फुज्‍युङ तिमोथी खोल्‍ला टिगीन ओत। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

२ तिमोथी 4:12

ङे टाइकिकसला एफिससपा ताङा ओत।

२ तिमोथी 4:20

इरास्‍तस कोरिन्‍थ सारदुराङ देत्‍सुङ। त्रोफिमसचेन नाबेकी मिलेटस सारदुकी ङा थेत्ताङ ठाल्‍गीन देपा ओङा फाप्‍सुङ।

तीतस 3:12

थेमे ज्‍येन बात च्‍यि सासीन था ङा दुरूकी अर्तिमासताङ टाइकिकस नाङ दोक्‍पोईला थेपा तोङगो। थेबे नाङ दोक्‍पोई जो वासीनोङ थेपा ख्‍योल्‍नामेई जस्‍तो खालाङ खोचेन निकोपोलिस सारनापा स्‍योक। च्‍यिला सासीन था गुनगी बेलाला ङे थेपा देत्‍च्‍येते टुङ्गो खाबा ओत।

फिलेमोन 1:24

थोकराङ खाला दुरू ङात्ताङ डिक्‍ला गा लाङच्‍येते बात लोप्‍कान्‍ते मर्कूस, अरिस्‍तार्खस, डेमास थेमे लूकेतेङ ख्‍योकोनला नमस्‍ते ओत्‍लो।

३ यूहन्‍ना 1:1

ङा येशू ख्रीष्‍ट मिओनला ताकान्‍ते छ्येते मिज्‍यीक ईन। दि चिट्ठी ङा ङे र्‍वा गायस खोल्‍ला टिगीन ओत। खेकीकामा मेन्‍देकी ङा खोल्‍ला पक्‍काराङ ङिङज्‍ये खिओ।