शक्ति काम 20:2 - जिरेल

² म्‍यासिडोनियादु ठाउँ ठाउँला ओताते येशू ख्रीष्‍ट मिओनला ठेत्‍कीन थेकी थेबाताङ आदोराङ बात खाईन जस्‍तो ओङसीनोङ येशूला विश्‍वास खिन देता तोङा मेङगो सिन आँट बिन्‍सुङ। थोक खाला युगीन युगीन थे ग्रीस लुङबापा लेप्‍सुङ।

शक्ति काम 20:2 Iomraidhean Croise

लूका 3:18

होदोक्‍ते बात ज्‍येनोङ काल्‍बेई खिन यूहन्‍नेकी मिओनला परमेश्‍वर छ्य्‌वापा लै खि थेमे थेकी ख्‍योकोनला पापताङ दुक्‍पादुकी डेल्‍ग्‍यो सिन गा लाङच्‍येते बात लोप्‍कीन ओतान।

शक्ति काम 14:22

थेपा ग्‍युरला डोजीन थेबेकी गोमा खोपरोङ गालाते होथे सार सारला ओताते येशू चेलाओनला “जस्‍तोराङ ओङसीनोङ प्रभु येशूला विश्‍वास खिन देता मातोङ। परमेश्‍वर राज्‍यने ड्वाप्‍ला ङुरूङगी दुरू याङ याङ दुक्‍पा ङेत्‍क्‍यो सिरच्‍येते बात टोक माज्‍येत,” सिन आँट तेरगीन गाल्‍सुङ।

शक्ति काम 15:41

दोक खाईन पावलचेन सिरियाताङ सिलिसिये नाङपा गाल्‍सुङ। थेमे थेङला सार सारला जम्‍मा ओङकान्‍ते येशू ख्रीष्‍ट मिओनला जस्‍तोराङ ओङसीनोङ ख्‍योकोनगी येशूला विश्‍वास खिन देता मातोङ सिन आँट तेरगीन ख्‍याम्‍सुङ।

शक्ति काम 16:12

थेमे थेरूकी ख्‍याम्‍गीन म्‍यासिडोनिये लुङबे फिलिप्‍पी सारनापा लेपाप। थे सारचेन थे लुङबेते छ्येते सार ओतान। थेरू काल्‍बा च्‍योक्‍ते रोमीओन देत्‍कीन ओतान। ङ्योकोनोङ टिक्‍पी दिन थेरूराङ देताप।

शक्ति काम 17:1

पावलबा ख्‍याम्‍गीन ख्‍याम्‍गीन अम्‍फिपोलिसताङ अपोल्‍लोनिये लामला खाईन थिस्‍सलोनिकादु लेप्‍सुङ। थेरूङ यहूदीओनते मिटिङ खित्‍च्‍येते खाम्‍बाज्‍यीक ओतान।

शक्ति काम 17:10

थोक ओङनामेकी थे छोमु नाम स्‍योनामेकी थेरू आज्‍यो न्‍वाओनगी पावलताङ सिलासला बेरियापा ताङसुङ। थेपा लेप्‍नामेकी थेबा थेरूङ यहूदीओनते मिटिङ खित्‍च्‍येते खाम्‍बादु गाल्‍सुङ।

शक्ति काम 2:40

बात खिन खिन पत्रुसकी थेबाला लोईन “पाप खाबेकी खित्‍सादु दि लुङबे मिओन गोःनामा परमेश्‍वर सजाय फाप्‍कीन सिन्‍दा ओत। थे सजायला माफाप्‍स्‍यीत सिन ओर्च्‍ये ङे बात ङेन्‍ला था ख्‍योकोनगीचेन ज्‍येन च्‍योकराङ खिन मादेत, पाप खिता थोङ,” सिन सासुङ।

शक्ति काम 20:1

थोक खाईन थे होहल्‍ला तोरनामेकी पावलगी थेरू येशू चेला गाङेला काताङसुङ। थेमे थेकी था ङा ड्वामीन। जस्‍तो ओङसीनोङ येशूला विश्‍वास खिन देता मातोङ सिन थेबाला आँट बिन्‍सुङ। थेमे थे थेरूकी म्‍यासिडोनिये लुङबापा गाल्‍सुङ।

शक्ति काम 20:11

थेरूई पावल याङराङ ताले लाकने गाल्‍सुङ। थेमे थेकी स्‍योबेन च्‍यागीन च्‍याकीन गाङेताङ प्रभु भोज सोसुङ। थे छोमुचेन थेकी लोप्‍कीन देत्‍कीनराङ नाम लाङसुङ। नाम लानामेकी थे थेरूई ख्‍याम्‍सुङ।

शक्ति काम 20:3

थेमे दावा सुमसाक थेरूराङ देत्‍सुङ। थेरूकी थे पानीजहाजला जेला सिरिये लुङबापा ड्वाप्‍ला ठीक खासुङ। थे थेपा डोजीन ग्रीसदु यहूदीओनगी थेला पानीजहाजलाराङ सेत्‍च्‍येते ठो खाला दुक्‍लो सिन थोबेकी थे सिरियापा पानीजहाजला मोन्‍डोबा खाईन म्‍यासिडोनियापा खाला ड्वा फाप्‍सुङ सिन थेपाराङ खाईन गाल्‍सुङ।

१ कोरिन्‍थी 4:19

प्रभु येशूकी ग्‍युक सिन सासीन था होत्ताराङ ङा ख्‍योकोन ओत्‍सापा ओङगो। थेमे ङा थेपा वाला थेबेकी छ्ये खिन बातकामा खित्‍च्‍येते ईन्‍दाकाना थेबाताङ परमेश्‍वर शक्तिङ ओता ईन्‍दाका सिन लेमु खाला छ्या स्‍येबा खिओ।

कलस्‍सी 1:28

ख्रीष्‍ट दोक खाला ज्‍येन ज्‍येन जातकी मि सेमगी नाङ देत्‍क्‍यो सिन ङ्योकोन मि गाङेला लोप्‍क्‍यो। च्‍यि सासीन ख्रीष्‍टताङ जीउज्‍यीकराङ ओङाते मिओन काम बात जे कुरोलाङ पाको गालाते मि ओङला परमेश्‍वर दोन्‍दु देता थुप्‍स्‍यीत सिन ङ्योकोनगी लोप्‍च्‍येते बात लेमु खाला ङेन सिन मि गाङेला दि बात परमेश्‍वरगी बिन्‍दाते बुद्धिकी लेमु खाला लोप्‍क्‍यो।

१ थिस्‍सलोनिकी 2:11

आबातेकी फिजाओन बानी मेङ्येस्‍यीत सिन लाःपा कोता च्‍योकराङ ङ्योकोनगीङ ख्‍योकोन गाङेला लेमु ओङस्‍यीत सिन दोक दोक खाबाप। चुक सासीन दुक्‍पा ओङसीनोङ सेम मेसेता खाला प्रभु येशूला विश्‍वास खिन देता मातोङ साकीन आँट बिन्‍दाप।

१ थिस्‍सलोनिकी 2:3

जसकी जेराङ सासीनोङ ङ्योकोननी मिओनला गा लाङच्‍येते बात ङेन सिन लोप्‍जीन नोमुङ मेन्‍दे बात मोलोबो, चुक खासीन ङेराङला फाइदा ओङगीका थे तालाङ मोलोबो थेमे मि मिकला छारो देक्‍पाङ मोछोलो।

१ थिस्‍सलोनिकी 4:1

आज्‍यो न्‍वावे, था ज्‍येन बात च्‍यि सासीन परमेश्‍वरला चुक्‍ते काम मन परे खिते, ख्‍योकोनगी चुक खाला देता फाप्‍कीते सिन ङ्योकोनगी ख्‍योकोनला लाप्‍कीन बिन्‍दा ओत। ङ्योकोनगी लापाच्‍योक खाला ख्‍योकोन कामोङ खिनराङ दुक। प्रभु येशूताङ जीउज्‍यीकराङ ओङाते मि ईन्‍देकी ङ्योकोन ख्‍योकोनला थोरूमसाक खिन ओताच्‍योक खिन देता मातोङ, झन लेमु खाला दोक खिनराङ देत सिन सिओ।