शक्ति काम 2:5 - जिरेल

⁵ थे बेलाला यरूशलेमदु लुङबा लुङबालेकी वाबाते यहूदीओनोङ ओतान। थेबा परमेश्‍वरला आउदी खाला माने खित्‍कान ओतान।

शक्ति काम 2:5 Iomraidhean Croise

मत्ती 24:14

दि जुग सिन्‍दा गोमा मि गाङेकी छ्या स्‍येस्‍यीत सिन स्‍वर्गे राज्‍य गा लाङच्‍येते बात सा लुङबा खाङ गाङेपा लाप्‍ला तेरग्‍यो। थोक खानामेईचेन दि जुग सिन्‍ग्‍यो।

लूका 17:24

चिलाम नाम्‍दाककी खित्‍सादु चिलाम खासुङ सिन छ्या स्‍येबा च्‍योकराङ परमेश्‍वर ओत्‍सादुई वाबाते मि ङा गाङेकी थोङा खाला देमा ग्‍युरला ओङगो। ङा वाबाते ईन्‍दा ना मेन्‍दा सिन सुङगीङ छ्याःङ शंकाराङ खिता माफाबो।

लूका 2:25

यरूशलेमदु शिमियोन सिराज्‍यीक मि ओतान। थे परमेश्‍वरगी खि साबा साबा च्‍योकराङ खाला थेला आउदी खाला माने खित्‍कान्‍ते मि ओतान। इस्राएलीओनला पापताङ दुक्‍पादुकी डेल्‍कान्‍ते नाम ओङगीताका सिन थे गुकीन देता ओतान। थेकी परमेश्‍वर आत्‍मा ङेता ओतान।

लूका 24:18

थेमे थेबे नाङ क्‍लेओपास सिरातेकी “यरूशलेमदु दाङ खार्नुप ओङाते बात खोल्‍ला छ्या मेत? थोक ईन्‍सीन यरूशलेमदु वाबाते मि नाङ दि बात छ्या मेस्‍येकान्‍ते खोकामा ईन्‍दासीन,” सिन सिरजीन

यूहन्‍ना 12:20

निस्‍तार चाडगी बेलाला परमेश्‍वरला माने खिताला यरूशलेमदु वाबाते मि नाङ कोई कोई ग्रीकओनोङ ओतान।

शक्ति काम 10:2

यहूदी मेन्‍सीनोङ थेत्ताङ थे खाम्‍बे मि गाङेराङ परमेश्‍वर नियम ङेन्‍ला परमेश्‍वरला माने खिन ओतान। थेकी दुक्‍पा ङेताते यहूदीओनला दुक्‍पाला तेइन ओतान। थेमे थे परमेश्‍वरला प्रार्थनाङ खिन ओतान।

शक्ति काम 10:7

परमेश्‍वर दूतचेन थेरूकी तोरसुङ। थोक ओङगीन सिन्‍नामेकी कर्नेलियसकी थे खोरोङ खाम्‍बादु काम खित्‍कान्‍ते मेरा ङि मित्ताङ काल्‍बा च्‍योक थे खोरोङताङराङ देत्‍कान्‍ते मिल्‍टेरीज्‍यीकला काताङसुङ। थे मिल्‍टेरीङ परमेश्‍वरला माने खित्‍कान ओतान।

शक्ति काम 13:50

थोक ओङजीन यहूदीओनगीचेन पावलताङ बारनाबासला लेमु मि मेन सिन थे सारगी छ्ये छ्ये मि थेमे थेरू परमेश्‍वरला माने खित्‍कान्‍ते छ्युक्‍पु छ्युक्‍पुते फेम्‍मे मिला लुकीन खोपरोङ लाःक्‍तु लासुङ। थोक खाईन थेबाबरी गाङेराङ डिगीन पावलताङ बारनाबासला दुक्‍पा बिन्‍गीन थेरूकी उरगीन ताङसुङ।

शक्ति काम 2:1

पेन्‍तिकोस छोमुङ येशूला विश्‍वास खित्‍कान्‍तेबा गाङेराङ ठाउँज्‍यीकराङ रूकीन देता ओतान।

शक्ति काम 22:12

थेजीन दमस्‍कसदु परमेश्‍वर नियम गाङे लेमु खाला ङेन्‍कान्‍ते हननिया सिराज्‍यीक मि ओतान। थे सारदु ओताते यहूदी गाङेकी थेला आउदी मान खिन ओतान। थेकी ङा ओत्‍सादु वाकीन

शक्ति काम 8:2

स्‍तिफनस रोचेन परमेश्‍वरला माने खित्‍कान्‍ते मिओनगी खेरगीन दिबा ओतान। थेमे थेबा आउदी खाईन पीर खाबा ओतान।

शक्ति काम 8:27

परमेश्‍वर दूतकी साबा च्‍योकराङ खाईन फिलिप थेमाला गाल्‍सुङ। डुइन डुइन थे लामदु थेकी एथियोपिये मिज्‍यीकला ठेत्‍सुङ। थे मि एथियोपिये लुङबे कन्‍दाकी सिराते गेल्‍मुते आउदी छ्येते मि ओतान। थेचेन थे गेल्‍मुते सेर नोरताङ सम्‍पत्ति स्‍युङकान्‍ते मि ओतान। थे मि फेम्‍मे मित्ताङ ङ्योम्‍बु देता मुथुप्‍च्‍या जोबाते मि ओतान। थे परमेश्‍वरला माने खिताला यरूशलेमपा गाल्‍गीन प्रार्थना खाईन च्‍याकीन

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।