शक्ति काम 2:4 - जिरेल4 थोक खाईन थेबा गाङेकी परमेश्वर आत्मा ङेत्कीन थेबा गाङेराङ परमेश्वर आत्मेकी खाङाते मि ओङसुङ। थेमे थेबेकी परमेश्वर आत्मेकी खोपरोङला खित ज्युताच्योक च्योकराङ खाईन खोपरोङगी छ्या मास्येबाते खुदुक खुदुकते भाषाला बात खिताला स्यूसुङ। Faic an caibideil |
शक्ति काम 2:4
55 Iomraidhean Croise
दि बात गाङेला सेमला गाल्सुङ। थेमे थेबेकी खोपरोङ नाङदुई मेराज्यीकचेन स्तिफनस सिरातेला छाने खासुङ। थेचेन येशूकी जेङ खिता थुप्क्यो सिन थेला आउदी खाला विश्वास खित्कानज्यीक थेमे परमेश्वर आत्मेकी खाङाते मि ओतान। थेबेकी छाने खाबाते ज्येन मेरा ठुकचेन फिलिप, प्रखरस, निकनोर, तीमोन, पर्मिनास थेमे निकोलाउस सिरातेन्दे ओतान। निकोलाउसचेन एन्टिओखिया सारगी मि ओतान। ज्येन जातकी मि ईन्सीनोङ थेकी यहूदी धर्म माने खिताला स्यूबा ओतान।
थेमे हननिया थे खोरोङला ग्युक साबाते मि खाम्बापा गाल्गीन शावलला ठेता खासुङ। थेमे थेकी थे लाक्तु लाक्पा ज्यागीन थेला “भाइ शावल, देपा ओङजीन खोरोङगी लामनापा ठेताते प्रभु येशूकीराङ था खुई मिगी थोङा थुप्स्यीत थेमे परमेश्वर आत्मा ङेत्ला खो परमेश्वर आत्मेकी खाङाते मि ओङस्यीत सिन ङाला दुरू ताङाते ईन,” सिन सासुङ।
थे खोरोङगी साबाच्योक खिओ सिन आश खाला देत ज्युत्कान्ते परमेश्वरराङ ईन। थेला विश्वास खित्कान ईन्देकी थेकी ख्योकोन गाङेला आउदी खाला गा खिन थेमे डिक्ला थुन्ला देत ज्युत्स्यीत सिन ङा प्रार्थना खिओ। थेकी थोक खानामेईचेन परमेश्वर आत्मे शक्ति छ्य्वापेकी ख्योकोन था परमेश्वरगी ङुरूङला खिओ साबाच्योक खिओतराङ सिन छ्याःङ शंका मिक्किता खाला झन आश खाला गुला देता थुप्क्यो।
लोक्ला कोईला अचम्ब अचम्बतेन्दे काम खित्च्येते शक्ति बिन्दा ओङगो सासीन कोईला परमेश्वरगी सिर च्युताते बात खित्च्येते शक्ति बिन्दा ओङगो। थोकराङ खाला कोईला सुइँदेकी खाबाते बात परमेश्वर आत्मेकी सिर च्युताते ईन्दाना मेन्दे सिन डेल्च्येते शक्ति बिन्दा ओङगो। थेमे कोईला खोपरोङगी छ्या मास्येबाते खुदुक खुदुकते भाषाला बात खित्च्येते शक्ति बिन्दा ओङगो सासीन ज्येनज्यीकलाचेन होथोक्ते भाषाला बात खित्कान्ते मिकी खाबाते बातकी अर्थ खोले खित्च्येते शक्ति बिन्दा ओङगो।
ज्येनला ङिङज्ये खित्च्येतेचेन नोमुङ छ्याःङ काम लै मिक्किच्या डोच्येते बात मेन। परमेश्वरगी सिर च्युताते बात खित्च्येते शक्ति था ङीमा लेनज्यीक चले खिता माफाबो थेमे दाक्पोनगी छ्या मास्येबाते खुदुक खुदुकते भाषाला बात खित्च्येते शक्तिङ गोराङ मोगोओ। थोकराङ खाला परमेश्वरगी चुक खाला काम खिते सिन छ्या स्येच्येते शक्तिङ था ङीमाई छ्याःङ काम लै मिक्किओ।
ख्योकोन गाङेकी खेराङगी छ्या मास्येबाते खुदुक खुदुकते भाषाला बात खिता थुप्स्यीत सिरच्येते ङे सेम ओत। ईन्सीनोङ दि भन्दा ख्योकोनगीचेन परमेश्वरगी सिर च्युताते बात खित्च्येते शक्ति ङेताते ङाला आउदी लेमु लाङगीदुक। च्यिला सासीन खोपरोङगी छ्या मास्येबाते खुदुक खुदुकते भाषाला बात खित्कान्ते भन्दा परमेश्वरगी सिर च्युताते बात खित्कान्ते मि छ्ये ईन। ईन्दानी खोपरोङगी छ्या मास्येबाते खुदुक खुदुकते भाषाला बात खित्जीन थे बातकी अर्थ ज्येन सुइँदेकी खोले खाईन बिन्सीन थेकी खाबाते बातकीङ येशू ख्रीष्ट मिओनला लेमुराङ ओङगो।
थेमे मिकी जति बुद्धि खिये खासीनोङ खोबा मुथुप्च्या खाला ख्रीष्टकी ङुरूङला चुक ङिङज्ये खिते सिन ख्योकोनगी खोबा थुप्स्यीत सिनोङ ङा प्रार्थना खिओ। परमेश्वरगी ख्योकोनला थे खोरोङ बुद्धि थेमे शक्ति बिन्ला थे खोरोङ च्योकराङ लेमु ओङाला गोच्येते जति तेरस्यीत सिनराङ ङा ख्योकोन लाईदु दोक दोक खाला प्रार्थना खिओ।
दोक दोक खित्जीन परमेश्वरताङ प्रार्थना खिनराङ देत। परमेश्वर आत्मे छ्य्वापेकी जहिलेङ थेत्ताङ प्रार्थना खिन देत्ला खेराङला च्यि च्यि गोकीका नाङ सि। थोक खाला प्रार्थना खित्जीन खेराङ परमेश्वरताङ बात खिन ओत सिन छ्या स्येबा खि। प्रार्थना खित्जीन परमेश्वर सन्तान गाङे लाईदु प्रार्थना खिताङ नोमुङ मातोङ।
परमेश्वरगी खोपरोङला सिर च्युताते होदि बातओन थेबा खोपरोङ लाईदु मेन्देकी ख्योकोन लाईदु ईन सिन परमेश्वरगी थेबाला छ्या स्ये च्युता ओतान। थेबेकी साबाते होथे बाततेबा थरिङोला गा लाङच्येते बात लोप्कान्ते मिओनगी ख्योकोनला लाप्कीन बिन्दा ओत। दि गा लाङच्येते बात परमेश्वरगी स्वर्गनेकी ताङाते परमेश्वर आत्मे छ्य्वापेई थेबेकी ख्योकोनला लाप्कीन बिन्दा ओत। होदि बातओन परमेश्वर दूतओनगीङ आउदी खाला छ्या स्येबा सेम खिओ।
Sanasan