शक्ति काम 2:3 - जिरेल

³ थेमे जोदाज्‍यीक मे बाराते च्‍येला च्‍योकस्‍यिक थेरू ओङाङ थेबेकी थोङसुङ। थेचेन ठाल्‍गीन गाल्‍गीन थेरू ओताते मिबरी गाङे लाक्‍तु फाप्‍सुङ।

शक्ति काम 2:3 Iomraidhean Croise

मत्ती 3:11

थेमे ङाचेन खालि खोपरोङ पापी दुका सिन छ्या स्‍येकीन परमेश्‍वर छ्य्‌वापा लै खाबाते मिओनला छ्युलाकामा लुक्‍ला बप्‍तिस्‍मा तेरग्‍यो। था ङे तिरी मिज्‍यीक ओङगो। थेचेन ङा भन्‍दा खापान खापान छ्ये ईन। सिइराङ सासीन ङानी थेते योक्‍पो ओङला काचाप खुरला थे तिरी ख्‍याम्‍बालाङ सोई मिक्‍किओ। थेकीचेन ख्‍योकोनला परमेश्‍वर आत्‍मा तेरच्‍येतेताङ मेला लुक्‍ला न्‍याय खित्‍च्‍येते काम ङिकाराङ खिओ।

मत्ती 3:15

थेकी थोक खित्‍जीन येशूकी “मेन, जे ईन्‍सीनोङ खुई ङाला बप्‍तिस्‍मा नाङ। च्‍यिला सासीन परमेश्‍वरगी खि साबातेबरी ङेन्‍दाला ङुरूङगी दोकराङ खाला काम खिता फाप्‍क्‍यो,” सिन सिदुक। थेमे यूहन्‍नेकी थेला छ्युला लुगीन बप्‍तिस्‍मा बिन्‍सुङ।

लूका 24:32

थोक ओङनामेई थेबा ङिबोकी “आनाङ ओङजीन परमेश्‍वर बातला टिबाते बात लोप्‍कान्‍तेनी प्रभु येशू थे खोरोङराङका ईन्‍दा दुका। थोगीराङ ङुरूङला आउदी आनन्‍द लाबा ओतान,” सिन सासुङ।

शक्ति काम 1:15

येशूला विश्‍वास खित्‍कान्‍ते मिओन थोक खाला जम्‍मा ओङजीन ङीमाई मेन्‍दा खाल ठुकचो ओतान। थेमे पत्रुसकी थेबा गाङे दोन्‍दु लाकीन

शक्ति काम 2:11

ङुरूङ कोई क्रेटीताङ अरबी ईन। दोक खाईन खुदुक खुदुक लुङबालेई वाकीन दुरू जम्‍मा ओङाते ईन्‍सीनोङ परमेश्‍वरगी खाबाते अचम्‍बते कामगी बात दिबेकी ङुरूङ दाक्‍पोन दाक्‍पोन लुङबे भाषाला खाबा थोकीदुक,” सिन बात खासुङ।

शक्ति काम 2:2

थेबा थोक खाईन देता ओते बेलाला च्‍यि ओङसुङा सासीन थेबेकी खोपरोङ देताते खाम्‍बा खाङ थाराङराङ आउदी छ्येज्‍यीक ल्‍हाबा चले खाबाते ङोरो च्‍योक थोसुङ। थे ङोरोचेन नामनेकी वाबा ओतान।

शक्ति काम 2:4

थोक खाईन थेबा गाङेकी परमेश्‍वर आत्‍मा ङेत्‍कीन थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी परमेश्‍वर आत्‍मेकी खोपरोङला खित ज्‍युताच्‍योक च्‍योकराङ खाईन खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ।

१ कोरिन्‍थी 12:10

लोक्‍ला कोईला अचम्‍ब अचम्‍बतेन्‍दे काम खित्‍च्‍येते शक्ति बिन्‍दा ओङगो सासीन कोईला परमेश्‍वरगी सिर च्‍युताते बात खित्‍च्‍येते शक्ति बिन्‍दा ओङगो। थोकराङ खाला कोईला सुइँदेकी खाबाते बात परमेश्‍वर आत्‍मेकी सिर च्‍युताते ईन्‍दाना मेन्‍दे सिन डेल्‍च्‍येते शक्ति बिन्‍दा ओङगो। थेमे कोईला खोपरोङगी छ्या मास्‍येबाते खुदुक खुदुकते भाषाला बात खित्‍च्‍येते शक्ति बिन्‍दा ओङगो सासीन ज्‍येनज्‍यीकलाचेन होथोक्‍ते भाषाला बात खित्‍कान्‍ते मिकी खाबाते बातकी अर्थ खोले खित्‍च्‍येते शक्ति बिन्‍दा ओङगो।

याकूब 3:6

मि खाङ होथे मे झिल्‍का च्‍योकराङ ईन। लाक्‍पा, काम्‍बा, मिक थेमे होदोक्‍ते जेसुकै नाङ मेलेबातेचेन मि खाराङ ईन। मेकी छ्याङमा थाला ज्‍वा च्‍योकराङ खाला दाक्‍पोन खेकी खित्‍सादु जुनी खाङराङ मिला मेलेबा ओङगो। ङुरूङ खानी नरककुण्‍डमे मे च्‍योकराङ ईन।

छ्या स्‍ये च्‍युताते बात 11:3

थेमे ङा सु ईन्‍दे, ङे च्‍यि खिते सिन बात खित्‍कान्‍ते मेरा ङिला ङा शक्ति बिन्‍ला ङे बात खिताला तोङगो। थेबेकी पीर लाबे बेलाला च्‍योकराङ खाला भाङ्‌रे खोलाक खोन्‍ला ङीमा सय च्‍युन्‍ङीताङ खाल सुमसाक ङे सिर च्‍युताते बात खिओ,” सिन ङाराङला साबाते बात थोसुङ।

छ्या स्‍ये च्‍युताते बात 14:6

थेरूई याङराङ ङे नामगी चेनापा फुरगीन ओताते परमेश्‍वर दूतज्‍यीकला थोङसुङ। थेचेन दि सा लुङबा खाङ ओताते लुङबा लुङबेते, थर थरगीते, खुदुक खुदुक भाषेते थेमे जात जातकी मिला गा लाङच्‍येते बात सिराला ओङगीन ओतान। दि गा लाङच्‍येते बातचेन नोमुङ खुदुक मोन्‍डोओ, सधैँभरि थोकराङ देत्‍क्‍यो।