शक्ति काम 2:22 - जिरेल

²² इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्‍दुराङ छ्ये छ्येताङ अचम्‍बतेन्‍दे काम खाईन तेन्‍दा ओतान। थेचेन थे खोरोङगी छाने खाईन ताङाते मि दुका सिन ख्‍योकोनगी छ्या स्‍येस्‍यीत सिनराङ परमेश्‍वरगी थेला छ्येज्‍यीक शक्ति बिन्‍गीन थोक अचम्‍बते काम खित च्‍युता ओतान। येशूकी च्‍यि च्‍यि खाबा ओताने, चुक चुक खाबा ओताने सिन ख्‍योकोनगीङ खेराङ मिगीराङ थोङा ओतान।

शक्ति काम 2:22 Iomraidhean Croise

मत्ती 12:28

परमेश्‍वर आत्‍मे शक्तिदुकीराङ ङे ल्‍हन्‍डीक तेन्‍ला तोङच्‍येते ईन। थोगी था शैतान राज्‍यला ग्‍यालाला परमेश्‍वर राज्‍य दुरू वाकीन सिन्‍दाक्‍वा सिन ख्‍योकोनगी छ्या स्‍येबा खि।

मत्ती 2:23

नासरत सिराते सारदु देत्‍सुङ। थोक खाईन मिओनगी तिरी थे फिजाला चुक सिते सिन परमेश्‍वर बात खित्‍कान्‍ते मिओनगी साबाते बात साबा च्‍योकराङ ओङसुङ। थेबेकी चुक साबा ओताने सासीन “थेला मिओनगी नासरी सिन सिओ,” साबा ओतान।

मत्ती 9:8

थेरू थोक ओङा थोङगीन मि गाङेराङ आउदी खाईन आते खासुङ। थेमे थेबेकी परमेश्‍वरगी मिलाङ दोक छ्येज्‍यीक शक्ति बिन्‍दा ओताक्‍वा सिन परमेश्‍वरते जय जय खासुङ।

लूका 11:20

परमेश्‍वर शक्तिदुकीराङ ङे ल्‍हन्‍डीक तेन्‍ला तोङच्‍येते ईन। थोगी था शैतान राज्‍यला ग्‍यालाला परमेश्‍वर राज्‍य दुरू वाकीन सिन्‍दाक्‍वा सिन ख्‍योकोनगी छ्या स्‍येबा खि।

लूका 18:37

थेमे येशूताङ ख्‍याम्‍गीन ओताते मिओनगी थेला “नासरतपे येशू ओङगीन दुक,” सिन लाःप्‍सुङ।

लूका 24:18

थेमे थेबे नाङ क्‍लेओपास सिरातेकी “यरूशलेमदु दाङ खार्नुप ओङाते बात खोल्‍ला छ्या मेत? थोक ईन्‍सीन यरूशलेमदु वाबाते मि नाङ दि बात छ्या मेस्‍येकान्‍ते खोकामा ईन्‍दासीन,” सिन सिरजीन

यूहन्‍ना 1:45

थेमे फिलिपकीङ नथानेलला ठेता खाईन “मोशेकी टिबाते परमेश्‍वर नियमला तिरी इस्राएलीओन नाङ मिज्‍यीक ओङगो सिन साबा ओतान। थेमे परमेश्‍वर बात खित्‍कान्‍ते ज्‍येन ज्‍येनगीङ थे ओङगो सिन टिबा ओतानना, थेबेकी साबाते होथे मिला ङ्योकोनगी ठेत्‍सुङ। थेचेन नासरतपे यूसुफ फुज्‍युङ येशू ईन,” सिन सिदुक।

यूहन्‍ना 10:37

ङे खित्‍च्‍येते काम आबेकी खित्‍च्‍येते च्‍योक्‍ते मेन्‍सीन ख्‍योकोनगी ङाला परमेश्‍वर फुज्‍युङ दुका सिन पत्ते माक्‍यासीन ओङगो।

यूहन्‍ना 11:47

थेमे छ्ये छ्ये पूजारीताङ फरिसी पाटी मिओनगी यहूदीओन छ्ये छ्ये मि ज्‍येनलाङ काताङगीन च्‍याकीन “था ङुरूङगी चुक खित्‍च्‍ये? दि मिकीनी अचम्‍बते काम काल्‍बेई खिदुक।

यूहन्‍ना 12:17

येशूकी लाजरसला फुगी नाङनेकी थेन्‍ला स्‍योक सिन काताङगीन स्‍यिसादुकी सोम्‍बो लोक्‍पा थोङकान्‍ते मिओनगी थे बात गाङेपे मिओनला लाःप्‍कीन फैले खाबा ओतान।

यूहन्‍ना 15:24

ङे थातासाक सुङगीङ खिता माथुपाते कामतेबा थेबे ङोन्‍लाराङ खाईन तेन्‍दाप। ङे थोक खाबाते छ्याःङ थोङा मेत्‍सीनचेन थेबेकी पाप खाबाते ईन सिन सिरा ओङच्‍या मेतान। तर थेबेकीनी ङे खाबाते काम गाङे थोङसीनोङ ङात्ताङ ङे आबा ङ्योकोन ङिकारला मिगी थोङसार्मु खिदुक।

यूहन्‍ना 19:19

पिलातसकी पाटीज्‍यीकला “दि नासरतपे येशू यहूदीओन गेल्‍बो ईन” सिन टिक च्‍युता ओतान। थेमे थे पाटी थेला टाँए खाबाते स्‍यिङगी थामला ठोके खाईन ज्‍याक्‍पा ओतान।

यूहन्‍ना 3:2

ङीमाई ग्‍वाका येशू ओत्‍सादु वाकीन थेकी “गुरू, खो पक्‍काराङ परमेश्‍वर बात लोपाला परमेश्‍वरगी ताङाते मि ईन सिन ङ्योकोनला छ्या ओत। च्‍यिला सासीन परमेश्‍वर ङ्योम्‍बु मेत्‍सीन सुङगीङ खुई खाबा च्‍योक्‍ते दोक्‍ते अचम्‍बते काम खिताराङ मुथुबो,” सिन सिदुक।

यूहन्‍ना 4:48

थे मिकी थोक खित्‍जीन येशूकी थेला “अचम्‍ब अचम्‍बतेन्‍दे काम माथोङथुपचेन ख्‍योकोनगी ङाला विश्‍वासराङ मिक्‍किदुक,” सिन सिदुक।

यूहन्‍ना 5:36

थेकी ङा सु ईन्‍दे, चुक्‍ते ईन्‍दे सिन ख्‍योकोनला साबा ओतान। ङा सु ईन्‍दे सिन थेकी साबाते भन्‍दाङ था ज्‍येन छ्येज्‍यीक बात ङात्ताङ ओत। थेचेन आबेकी ङाला खि साबाते थरिङोला ङे खिन ओताते कामओनराङ ईन। दि कामतेबा तालाङ ङाला आबेकीराङ ताङाते ईन सिन लेमु खाला छ्या स्‍येबा थुप्‍क्‍यो।

यूहन्‍ना 6:14

येशूकी खाबाते दि अचम्‍बते काम थोङगीन थे मिओनगी “दिनी पक्‍काराङ दुरू ओङगो साबाते परमेश्‍वर बात खित्‍कान्‍तेराङ दुका,” सिन सासुङ।

यूहन्‍ना 6:27

खालि साच्‍या थुङच्‍ये विचारकामा माकेत। दिनी दि जुनी लाईदुकामा ईन। बरू ख्‍योकोनगी चुक खाला नोमुङ मिसिन्‍च्‍येते जुनी ङेत्‍च्‍येते साप ङेदोङा सिरच्‍येते विचार खि। ख्‍योकोनला थे साप तेरकान्‍तेचेन परमेश्‍वर ओत्‍सादुई वाबाते मि ङाराङ ईन। आबा परमेश्‍वरगीराङ ङाला थोक खित्‍च्‍येते अधिकार बिन्‍दा ओत,” सिन सिदुक।

यूहन्‍ना 7:31

कोईकी थोक खासीनोङ थेरू ओताते मि काल्‍बेईकी येशूला विश्‍वास खासुङ। थेबेकी “च्‍यि था ख्रीष्‍ट वानामेई थेकी दि मिकी खाबाते भन्‍दा छ्ये छ्ये अचम्‍बते काम खाओङरो?” सिन बात खासुङ।

यूहन्‍ना 9:33

थे मि परमेश्‍वरगी ताङाते मेन्‍दा ईन्‍सीन दोक्‍ते काम थेकी छ्याःङ खिता थुप्‍च्‍या मेतान,” सिन सिदुक।

शक्ति काम 13:16

थोगी पावलगी लाकीन गाङेराङ खाराक्‍पा देत्‍स्‍यीत सिन लाक्‍पे चाल खानामेई दोक सिन बात खिताला स्‍यूसुङ। चुक सासीन “इस्राएलीवे थेमे परमेश्‍वरला माने खित्‍कान्‍ते ज्‍येन ज्‍येन जातकी मिवे, ङे बात लेमु खाला ङेन।

शक्ति काम 14:27

थेपा लेप्‍नामेकी येशू ख्रीष्‍ट मि गाङेला जम्‍मा खाईन थेबा ङिबोकी परमेश्‍वरगी खोपरोङला चुक चुक खित च्‍युत्‍सुङा थेमे ज्‍येन ज्‍येन जातकी मिलाङ थेकी चुक खाईन येशूला विश्‍वास खित्‍च्‍येते मौका बिन्‍सुङा सिन गाङे बात लाःप्‍सुङ।

शक्ति काम 2:19

थे बेलाला ङा नामताङ पृथ्‍वीदु अचम्‍बतेन्‍दे काम खाला तेन्‍ग्‍यो। थोक ओङजीन मिओनगी ठाकराङ ठाक खिलाते, मे ज्‍वाला लाबाते थेमे थुतेकी मुन्‍दाक गालातेकामा थोङगो।

शक्ति काम 2:43

थोक थोङजीन मि गाङेराङ आते खिन ओतान। थेमे येशू ख्रीष्‍टकी खटे खाबाते मिओनगी अचम्‍बते काम काल्‍बेई खिन ओतान।

शक्ति काम 21:28

“ए आज्‍यो न्‍वावे, लो गाङेराङ छिटो स्‍योक। था दिला ठीक पारे खिता फाप्‍क्‍यो। गाङेपा युला ङुरूङ जातकी विरोध खित्‍कान्‍ते दिराङ ईन। गाङेपे मिला परमेश्‍वर नियम ङेन्‍दा थोङ सिन सिरकान्‍ते, परमेश्‍वर मन्‍दिर छ्याःङ मेन सिन लोप्‍कीन ख्‍याम्‍कान्‍ते दिराङ ईन। दोस्‍यिककामा मेन, दिकी आनाङ भर्खरकामा ग्रीकओनलाङ दि मन्‍दिर नाङ लुगीन मन्‍दिरराङ बिटुले खादुक,” सिन छेरा खासुङ।

शक्ति काम 22:8

थेमे ङे ‘खो सु ईन्‍दे प्रभु?’ सिन ठिजीन थेकी ‘ङा नासरतपे येशू ईन। खुई खेदा खाबाते ङालाराङ ईन,’ सिन सिदुक।

शक्ति काम 24:5

च्‍यि सासीन दि लेमु मि मेन। दिनी ज्‍यीबा लाङच्‍या मेलेबा खालगी मिका ईन। दि गाङेपा यहूदीओन ओत्‍सा ओत्‍साला गाल्‍ला थेबाला हूलदङ्गा खित ज्‍युत्‍कीदुक। थेमे नासरी सिराते पाटी मिओनते छ्येते मिङ दिराङ ईन।

शक्ति काम 26:26

ङे च्‍यि च्‍यि बात खासुङा सिन गेल्‍बो अग्रिपाला गाङे लेमु खाला छ्या ओत। थोगी गेल्‍बोकी मोखोता सिन छ्याःङ ज्‍यीबा मिक्‍किता खाला ङा दि गाङे बात खिन ओत। दि बाततेबा गाङे मि मिगी दोन्‍दुराङ ओङाते बात ईन्‍देकी गेल्‍बोला छ्या मेताते बात मेन,” सिन साकीन

शक्ति काम 26:9

ईन्‍दानी नासरतपे येशू बात ङेन्‍ला सुङ थे छ्य्‌वापा लै मिक्‍किस्‍यीत सिन गोमा ङेङ खितासम्‍म थे विरोध खाबाप।

शक्ति काम 3:12

थोक खाईन खोपरोङ फेरो खाङ जम्‍मा ओङाते मिओनला बात खिन पत्रुसकी “ए इस्राएलीवे, दि कुज्‍ये ख्‍याम्‍बा थुप्‍च्‍या गाला थोङजीन ख्‍योकोन च्‍यिला दोक खाला छक्‍क परे खिते? ख्‍योकोन च्‍यिला ख्‍याराच्‍योक खाला ङ्योकोनला तालाराङ देत्‍कीते? च्‍यि ख्‍योकोनगी दि मिला ङ्योकोनगी ङेराङ शक्तिकी ख्‍याम्‍बा थुप्‍च्‍या जोबाते ईन्‍दासीन साबाप? ना ङेत परमेश्‍वरला आउदी खाला माने खित्‍कान्‍ते मि ईन्‍देकी थोक खिता थुपासीन साबे?

शक्ति काम 3:6

थेमे पत्रुसकी थेला “खोल्‍ला तेराला ङात्ताङ सेर नोर छ्याःङ मेत। ईन्‍सीनोङ ङे खिता थुप्‍च्‍येतेचेन ङा खोल्‍ला खिओ। नासरतपे येशू ख्रीष्‍ट मिन लाला ङा खोल्‍ला लाला ख्‍योम सिन सिओ,” सिन साकीन

शक्ति काम 4:10

लो थोक ईन्‍सीन ङ्योकोनगी नासरतपे येशू ख्रीष्‍ट मिन लाकीन दि मि ख्‍याम्‍बा थुप्‍स्‍यीत सानामेई थेकीराङ दिला ख्‍याम्‍बा थुप्‍च्‍या जोबाते ईन। दि बात था ख्‍योकोनगीकामा मेन, इस्राएली गाङेकी छ्या स्‍येबा खि। थोक खित्‍कान्‍ते येशू ख्रीष्‍टला ख्‍योकोनगीचेन स्‍यिङगी थामला टाँए खाईन सेत च्‍युत्‍सुङ। ख्‍योकोनगी थोक खासीनोङ परमेश्‍वरगी थेला स्‍यिसादुकी सोम्‍बो लोक च्‍युता ओत।

शक्ति काम 5:35

थेबाला फिनामा ताङनामेकी थेकी थेरू ओताते छ्ये छ्ये मि गाङेला “इस्राएलीवे, ख्‍योकोनगी दि मिओनला खइँदा खिता गोमा लेमु खाला विचार खि याङ।

शक्ति काम 6:14

दिकी चुक सिन बात खिका सासीन नासरतपे येशूकी परमेश्‍वर मन्‍दिरोङ रोम्‍ग्‍योत्‍लो थेमे मोशेकी बिन्‍दाते नियमला खिता फाप्‍क्‍यो साबाते रीतिथिति बादोङ खुदुक जोइओत्‍लो। दिकी दोक दोक साबाते ङ्योकोन ङेराङगीराङ थोबाते ईन,” सिन सासुङ।

२ कोरिन्‍थी 12:12

ङे ख्‍योकोनताङ ओत्‍जीन जस्‍तो दुक्‍पा ओङजीनोङ नोमुङ ङाराङ काम खिता माताङ। थेमे ङे खाईन तेन्‍दाते छ्ये छ्येताङ अचम्‍बतेन्‍दे काम थोङगीन ङा येशू ख्रीष्‍टकी खटे खाबाते मि ईन सिन ख्‍योकोनगी छ्या स्‍येबा ओतान।

हिब्रू 2:4

थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।