शक्ति काम 2:11 - जिरेल11 ङुरूङ कोई क्रेटीताङ अरबी ईन। दोक खाईन खुदुक खुदुक लुङबालेई वाकीन दुरू जम्मा ओङाते ईन्सीनोङ परमेश्वरगी खाबाते अचम्बते कामगी बात दिबेकी ङुरूङ दाक्पोन दाक्पोन लुङबे भाषाला खाबा थोकीदुक,” सिन बात खासुङ। Faic an caibideil |
शक्ति काम 2:11
36 Iomraidhean Croise
गुनला हुन्डी चले खित्च्येते समय ईन्देकी लासियादु देता थोक लेमु ओङच्या मेतान। थोगी पानीजहाज नाङ ओताते काल्बा च्योक्ते मिओनगी थुप थुपला बरू फोनिक्स सिरसादु गाल्ला देत्की सिन सासुङ। थेरूचेन पानीजहाज लेमु खाला ज्य्वाच्येते ठाउँ ओतान। थे ठाउँओङ क्रेट लुङबादुराङ फाप्कीन ओतान। थे ठाउँ दक्षिण पश्चिमताङ उत्तर पश्चिम छ्य्वापा ग्युरा ओतेकी ज्येननापा हुन्डी चले खासीनोङ थेरू छ्याःङ खिन मेतान।
थे जहाजला जेनामेकी पानीजहाज खेरा फाप्से छ्य्वापेई आउदी खोक्पो खाईन ल्हाबा चले खाबेकी ङ्योकोन काल्बेई दिन तिरीकामा क्नीडस सिरसे खादु ख्योल्सुङ। थे ल्हाबेकी खित्सादु थेरूई ङ्योकोन ड्वा फाप्च्ये लामलेई ड्वा माथुप्कीन समुन्द्रे किल्दु ओताते क्रेट लुङबे छ्य्वापा गालाप। दोक खाईन ङ्योकोन थे लुङबे सालमोने सिरसादुई क्योगीन दक्षिण छ्य्वामेई खाईन गालाप।
लोक्ला कोईला अचम्ब अचम्बतेन्दे काम खित्च्येते शक्ति बिन्दा ओङगो सासीन कोईला परमेश्वरगी सिर च्युताते बात खित्च्येते शक्ति बिन्दा ओङगो। थोकराङ खाला कोईला सुइँदेकी खाबाते बात परमेश्वर आत्मेकी सिर च्युताते ईन्दाना मेन्दे सिन डेल्च्येते शक्ति बिन्दा ओङगो। थेमे कोईला खोपरोङगी छ्या मास्येबाते खुदुक खुदुकते भाषाला बात खित्च्येते शक्ति बिन्दा ओङगो सासीन ज्येनज्यीकलाचेन होथोक्ते भाषाला बात खित्कान्ते मिकी खाबाते बातकी अर्थ खोले खित्च्येते शक्ति बिन्दा ओङगो।
येशू ख्रीष्ट मिओन नाङ परमेश्वरगी छ्येदुकी शुरू खाईन टेक्टेसाक गाङेला दाक्पोन दाक्पोन जिम्मा बिन्दा ओत। थेबे नाङ गाङे भन्दा गोमाचेन येशू ख्रीष्टकी खटे खाबाते मिओन, थेबे तिरी परमेश्वर बात खित्कान्तेबा, थेरूकी परमेश्वर बात लोप्कान्तेबा फाप्क्यो। थोकराङ खाला अचम्ब अचम्बतेन्दे काम खित्कान्तेबा, नाबाते मिओनला ठाक्पा खित्च्येते शक्ति ङेता ओतातेबा, ज्येनला मद्धत खित्कान्तेबा, खाङ काम चुक खाला खिता फाप्कीते सिन छ्या स्येकान्तेबा थेमे खोपरोङगी छ्या मास्येबाते खुदुक खुदुकते भाषाला बात खित्कान्ते मिओन फाप्क्यो।
Sanasan