शक्ति काम 19:9 - जिरेल

⁹ तर कोई कोईकीचेन थेकी लोप्‍च्‍येते येशू बात बान्‍दा माङेन्‍सुङ। मि गाङे दोन्‍दु थेबेकी दिकी लोप्‍च्‍येते बात सत्‍यते ईनराङ मेन, दि बात ङेन्‍दा मेङगो सिन सासुङ। थेबेकी थोक खानामेई थरिङमेई ङा दुरू लोपराङ मोलोबो सिन पावल थेरू येशू चेलाओनला टीकीन थे मिटिङ खित्‍च्‍येते खाम्‍बा ताङगीन गाल्‍सुङ। थेमे टिरान्‍नस सिराते मि स्‍कूलपा गाल्‍गीन थेरू जम्‍मा ओङाते मिओनला ङीमे ठाङमा येशू बात लाप्‍सुङ।

शक्ति काम 19:9 Iomraidhean Croise

मत्ती 15:14

दोक ईन्‍देकी थेबा जेसुकै खित्‍स्‍यीत। खेराङ खाराक्‍पा देत। थेबेकी खोपरोङला परमेश्‍वर नियम छ्या मेस्‍येकान अन्‍ध च्‍योक्‍ते मिओनला थे नियम लोप्‍कान्‍ते मि ईन खिदुक। ईन्‍दालाचेन थेबा खोपरोङका होथोक्‍ते अन्‍ध च्‍योक्‍ते ईन। च्‍यि अन्‍धेकी ज्‍येनज्‍यीक अन्‍धला खइँसाला टीला खेरा चाल्‍सीन ङिकाराङ गाराम गुरूम मिरिलोतरो?” सिन सिदुक।

मत्ती 16:4

ख्‍योकोन था समय मिओननी परमेश्‍वरला माने खिता ताङगीन मेलेबा मेलेबा काम खित्‍कान ईन्‍देकी ङाला खालि खइँदा अचम्‍बते काम खाला तेन खिदुक। ङा ख्‍योकोनगी साबाच्‍योक खितराङ मिक्‍किओ। था ख्‍योकोनगी परमेश्‍वर बात खित्‍कान्‍ते योनाला ओङाते च्‍योक्‍ते कामज्‍यीककामा थोङा ङेत्‍क्‍यो,” सिन सिदुक। थोक साकीन च्‍याकीन थे थेरूई दाक ख्‍याम्‍सुङ।

मत्ती 26:55

थेला थोक साकीन च्‍याकीन थे खोरोङला जिन ओङकान्‍ते मिओनला “ङाला जिन्‍दाला च्‍यिला तरवार जेरगीन थेमे फेर्का खुरगीन ओङा फाप्‍सुङारो? च्‍यि ङा डाँका ईनरो? ङीमे ठाङमा ङानी ख्‍योकोनताङराङ परमेश्‍वर मन्‍दिर नाङला देत्‍ला मिओनला लोप्‍कीन ओतान, मेन? थेजीनराङ ख्‍योकोनगी ङाला जिन्‍दा थुप्‍च्‍या ओतान तर माजुम्‍सुङ।

यूहन्‍ना 12:40

चुक सासीन “प्रभु परमेश्‍वरगी थेबे मिक छ्याःङ मोथोङच्‍या जोला दुक। थेमे थेबे सेमोङ छ्याःङ छ्या मेस्‍येच्‍या जोकीन बिन्‍ला दुक। थोक ईन्‍देकीराङ थेबा परमेश्‍वरगी खाबाते काम थोङसीनोङ छ्याःङ खोबा मुथुप्‍च्‍या गाल्‍ला दुक थेमे परमेश्‍वर बात थोसीनोङ छ्याःङ छ्या मेस्‍येच्‍या गाल्‍ला दुक,” साकीन “थोगीराङ थेबा ङे छ्य्‌वापा लै मिक्‍किदुक। थोक खाबा ईन्‍सीन ङा थेबाला थेबे पापदुकी टाल्‍ला लेमु खित्‍च्‍या ओतान,” सिन प्रभु परमेश्‍वरगी साबाते बादोङ साबा ओतान।

शक्ति काम 11:26

शावलला ठेत्‍नामेकी थेकी थेला एन्‍टिओखियापा लाकीन खुला लिच्‍युङ। थेमे थेबा ङिकाराङ लोज्‍यीकसाक पूरो थेरू येशू ख्रीष्‍ट मिओनताङ ङ्योम्‍बुराङ देत्‍कीन मि काल्‍बेईला येशू बात लाप्‍सुङ। मिओनगी येशू चेलाओनला गाङे भन्‍दा गोमा ख्रीष्‍टियान साबाते एन्‍टिओखियादुराङ ईन।

शक्ति काम 14:4

थोक ओङगीन ओङगीनलाराङ थे सारदु मिओन हूल ङि गाल्‍सुङ। थेबाचेन हूलज्‍यीक येशू बात मेङेन्‍कान्‍ते यहूदीओन छ्य्‌वापा थेमे ज्‍येनचेन येशू ख्रीष्‍टकी खटे खाबाते पावलताङ बारनाबास छ्य्‌वापा लै खासुङ।

शक्ति काम 17:4

थेकी खाबाते थे बाततेबा थोकीन यहूदी नाङ कोई कोईचेन दि बात सत्‍यतेराङ ईन सिन पावलताङ सिलास छ्य्‌वापा लै खासुङ। थोकराङ खाईन परमेश्‍वरला माने खित्‍कान्‍ते ग्रीकओनोङ काल्‍बेई थेबे छ्य्‌वापा लै खासुङ। थे ग्रीकओन नाङ थे सारगी छ्ये छ्ये फेम्‍मे मिङ आदोराङ ओतान।

शक्ति काम 19:23

थे बेलाला येशू बातकी खित्‍सादु एफिससदु ज्‍यीबा लाङच्‍याज्‍यीक हूलदङ्गा ओङसुङ।

शक्ति काम 19:30

र्‍वातेबाला थोक खानामेकी पावल थेरू ड्वा चाल्‍सुङ। तर थेरू येशू चेलाओनगी थे मिओन दोन्‍दु थाल्‍ला ड्वा मेङगो सिन थेला थेपा ताङराङ माताङसुङ।

शक्ति काम 20:31

थोगी खेराङला सुङगीङ छक्‍के खिता मुथुप्‍स्‍यीत सिन च्‍याङबो खाला देत। ङे लो सुमसाक ख्‍योकोन गाङेला येशूला विश्‍वास खिनराङ देत सिन ङीन नुप ख्‍योकोन पीर खुरगीन दुक्‍पा खाईन खाईन खाबाते काम नोमुङ टोक माज्‍येत।

शक्ति काम 22:4

च्‍यि सासीन येशू बात ङेन्‍गीन थे छ्य्‌वापा लै खाबाते मि दोक्‍पोईलाङ सोम्‍बो ज्‍य्‌वाबा मेङगो सिन ङे थेबाला तेरासम्‍म दुक्‍पा बिन्‍दाप। ख्‍योओ मि ईन्‍स्‍यीत, फेम्‍मे मि ईन्‍स्‍यीत ङे थेबाला जिन्‍गीन जेलला लुकीन खाबाप।

शक्ति काम 24:21

ङाचेन स्‍याप्‍ते मिओनला परमेश्‍वरगी था तिरी सोम्‍बो लोइओ सिन पत्ते खित्‍कान्‍ते ईन्‍देकी ङाला मुद्धा चले खाईन थरिङ दुरू खुलाबाते ईन सिरच्‍येते बातज्‍यीकचेन ङे थेजीन दिबा गाङे दोन्‍दु गाङेकी थोच्‍या खाईन साबाते ईन। ङेते खइँदा गल्‍तीराङ ओत सिन सासीन दिराङ ईन,” सिन सिदुक।

शक्ति काम 28:22

खो थे नासरत पाटी मि ईन्‍देकी थे पाटी चुक्‍ते ईन्‍दे सिन ङ्योकोनला लेमु खाला लाप्‍ला नाङ। च्‍यिला सासीन जुन ठाउँकी मिकीङ थे पाटी मेलेबा ईन सिन खिदुक,” सिन सिदुक।

शक्ति काम 7:51

ङे थाल्‍लासाक खाबाते बात थोकान ख्‍योकोन गाङेराङ जति सासीनोङ टेरेराङ मिक्‍किच्‍या स्‍यिङ दो च्‍योकराङ गाल्‍ला दुक। ख्‍योकोनते नामज्‍योक थुक्‍पु गाल्‍ला दुक। ख्‍योकोनचेन परमेश्‍वरगी साबाते ङेनराङ मेङेन्‍दुक। ख्‍योकोन खेराङ ज्‍युज्‍यु पुर्खा च्‍योकराङ गाल्‍ला दुक। थेबेकी खाबा च्‍योकराङ ख्‍योकोनोङ परमेश्‍वर आत्‍मेकी साबाते ङेनराङ मेङेन्‍दुक।

शक्ति काम 9:2

थेकी दमस्‍कस सारनापा गाल्‍ला थेपा येशू बात ङेन्‍गीन थे छ्य्‌वापा लै खाबाते मि गाङेला चाल्‍ला ख्‍योओ मि, फेम्‍मे मि गाङेला जुम्‍ला यरूशलेमपा खुलाङच्‍ये विचार खासुङ। थोगी थेकी गाङे भन्‍दा छ्येते पूजारी ओत्‍सादु गाल्‍गीन दमस्‍कसदु ओताते यहूदीओनते मिटिङ खित्‍च्‍येते खाम्‍बा खाम्‍बे छ्येते मिला थेला थोक खिताला मद्धत बिन सि सिन चिट्ठी टिकीन नाङ खासुङ।

रोमी 11:7

थोगी इस्राएलीओन बात चुक ईन्‍दे सासीन थेबेकी परमेश्‍वरगी खोपरोङला दोषी मेन सिरस्‍यीत सिन जति दुक्‍पा खासीनोङ थेकी थेबाला दोषी मेन मासासुङ, खालि थे खोरोङगी छाने खाबाते मिओनलाकामा थेकी दोषी मेन सासुङ। इस्राएली ज्‍येनबरीचेन परमेश्‍वर बात सिराते झन छ्याःङ खोबाराङ मुथुप्‍च्‍या गाल्‍सुङ।

रोमी 9:18

थोगी परमेश्‍वरगी सु सुला ङिङज्‍ये खिता सेम लाङगीका थेबाला थोकराङ खिओ। थेमे फारोला खाबा च्‍योकराङ सुइँदा मि सेम थे खोरोङगी साबाते मेङेन्‍च्‍या ज्‍वा सेम लासीन थेकी थोगोङ खिओ।

१ कोरिन्‍थी 16:9

ङे खित्‍च्‍येते काम रोके खिता छोल्‍कानताङ ङे विरोध खित्‍कान दुरू काल्‍बेई ओत्‍सीनोङ ङाराङगी खिन ओताते काम खित्‍च्‍येते छ्येज्‍यीक मौका ङेत्‍कीन थे काम ङे आउदी लेमु खाईन खिता थुपा ओत।

१ तिमोथी 6:5

थेमे जहिलेङ थोम्‍मुकामा खिन देत्‍च्‍येते ओङगो। थेबे सेम मेलेबा ओतेकी सत्‍यते बात थेबाला छ्याःङ काम लै मिक्‍किओ। थेबेकी परमेश्‍वरला माने खित्‍च्‍येतेचेन सम्‍पत्ति ज्‍वा थुप्‍क्‍यो सिनकामा ईन।

२ तिमोथी 1:15

थेमे एशिये अञ्‍चलदु येशूला विश्‍वास खित्‍कान गाङेराङ ङे छ्य्‌वापेई ठाल्‍गीन सिन्‍दा ओत। थोक खित्‍कान्‍तेबे नाङ फाइगेलसताङ हर्मोगेनसोङ ईन। दि बातओन खोल्‍ला छ्या मेताते मेन।

२ तिमोथी 3:5

थेबा परमेश्‍वरला माने खित्‍कान्‍ते मि ईन सिरा च्‍योकराङ खाला ख्‍याम्‍ग्‍यो। तर लेमु खाईन तासीन थेबेकी परमेश्‍वरला खोपरोङ सेमदु काम खित माच्‍युत्‍ला थेला मन परे खित्‍च्‍येते सिराते कामज्‍यीगोङ मिक्‍किओ। थोक्‍ते मिओनताङ साङ माकेत।

२ तिमोथी 4:2

खुई चुक खिता फाप्‍कीते सासीन मिओनला परमेश्‍वर बात लोप्‍कीनराङ देत, मिओनगी ङेन्‍सीनोङ माङेन्‍सीनोङ जुन बेलालाङ थे बात लोपा मातोङ थेमे गल्‍ती खित्‍कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्‍दे सिन गाङेला लाप्‍ला बिन। थानी दिबाला थोई लोप्‍च्‍ये सिराच्‍योक माकेत, सुङताङ स्‍येदाङ मिक्‍किता खाला खा छ्येत लेमु खिन दोक खाला लोप्‍कीनराङ देत।

हिब्रू 3:13

थोगी परमेश्‍वर बात ङेन्‍दा ताङला पाप खाला परमेश्‍वर छ्य्‌वापेई ठाला माफाप्‍स्‍यीत सिन परमेश्‍वर बात ङेन्‍दा फाप्‍क्‍यो सिन ख्‍योकोनगी दोक्‍पोईकी ज्‍येनज्‍यीकला ङीमे ठाङमा सिन देत। खेराङगी “थरिङ दिन” सिरा ङेत ङेतसाकराङ ख्‍योकोनगी दोक खिनराङ देत।

२ पत्रुस 2:12

परमेश्‍वर बातताङ मिडिक्‍च्‍येते बात लोप्‍कान्‍ते मिओनगीचेन खोपरोङगी माखोबाते बात गाङे ठट्टाला पुरग्‍यो। थेबा सो साकान्‍ते पशु च्‍योकराङ ईन। सेता सेम लाङजीन पशुतेबा ग्‍याङ सेताच्‍योक खाला होथेबालाङ परमेश्‍वरगी सजाय बिन्‍ला नरककुण्‍डमा लुक्‍यो।

२ पत्रुस 2:2

थेबे बात ङेन्‍ला मि काल्‍बेईकी होथेबेकी खाबा च्‍योकराङ खिता ओङच्‍या मेङच्‍या आउदी ङोचा लाङच्‍येते काम खिओ। थेबेकी थोक खाबा थोङला ज्‍येनगी परमेश्‍वर बात लेमु मेन्‍दाक्‍वा सिन सिओ।

यहूदा 1:10

ईन्‍सीनोङ ख्‍योकोन नाङ स्‍यूबाते होथे मिओनगीचेन खोपरोङगी छ्या मास्‍येबाते बात दोगोङ च्‍यि बात ईन्‍ताका सिन ठट्टाला पुरगीदुक। थेमे सो साकान्‍ते पशुकी च्‍योकराङ खाला कोई बातकीतेचेन खोपरोङगी जस्‍तो अर्थ खोकीदुक थोकराङ खाला ओङच्‍या मेङच्‍या काम खिदुक। थोक खाबेकी थेबे गोःनामा परमेश्‍वर सजाय फाप्‍क्‍यो।