शक्ति काम 19:8 - जिरेल

⁸ थेमे पावल थेरूङ यहूदीओनते मिटिङ खित्‍च्‍येते खाम्‍बादु गाल्‍गीन मिओनला लोपाला स्‍यूसुङ। थेबाताङ छ्याःङ ज्‍यीबा मिक्‍किता खाईन छलफल खिन परमेश्‍वरगी थे खोरोङ राज्‍य येशू छ्य्‌वापेकी जोच्‍येते ईन सिरच्‍येते बात थेबेकी मेन सिराराङ मुथुप्‍च्‍या खाईन लेमु खाईन लाप्‍कीन बिन्‍सुङ। दावा सुमसाक थे दोक खाला थेरू लोप्‍कीनराङ देत्‍सुङ।

शक्ति काम 19:8 Iomraidhean Croise

शक्ति काम 1:3

थे खोरोङगी भोगे खिता फाप्‍च्‍येते दुक्‍पातेबा भोगे खाईन स्‍यिइन सिन्‍नामेई थे खोरोङ साँच्‍चीराङ सोम्‍बो लोक्‍पाते दुका सिन थे खोरोङगी खटे खाबाते मिओनगी लेमु खाला छ्या स्‍येस्‍यीत सिन थेकी याङ याङ थेबाताङ ठेता खाबा ओतान। थोक खाला ङीमा खाल ङिसाक थेबाताङ ठेत्‍जीन थेकी थेबाला परमेश्‍वर राज्‍य बादोङ लाप्‍कीन बिन्‍सुङ।

शक्ति काम 13:14

पावलताङ बारनाबासचेन थे सारदुकीङ पिसिदिये अञ्‍चल एन्‍टिओखिया सारदु लेप्‍सुङ। थेरू लेप्‍नामेई सन्‍चारी छोमु थेबा ङिबो यहूदीओनते मिटिङ खित्‍च्‍येते खाम्‍बादु गाल्‍गीन थेरू जम्‍मा ओङाते ज्‍येनतेबाताङराङ देत्‍सुङ।

शक्ति काम 13:46

यहूदीओनगी थोक खित्‍जीन पावलताङ बारनाबासकी ज्‍यीबाराङ मिक्‍किता खाईन थेबाला “ङ्योकोनगी लोप्‍कीन ओताते परमेश्‍वर बात लोपाला ङ्योकोन गोमा ख्‍योकोन ओत्‍सादु वाबाते ईन। तर ख्‍योकोनगी दि बात ईनराङ मेन्‍दे बात ईन सिन ङेनराङ माङेन्‍सुङ। दोक खाईन ख्‍योकोनगी नोमुङ मिसिन्‍च्‍येते जुनी मोगोओ सिरा च्‍योकराङ खासुङ। थोक ईन्‍देकी था दि बात ङ्योकोन ज्‍येन ज्‍येन जातकी मिला लोप डुइओ।

शक्ति काम 14:1

आइकोनियमदु लेप्‍नामेकी पावलताङ बारनाबासकी ज्‍येन ठाउँला च्‍योकराङ खाईन यहूदीओनते मिटिङ खित्‍च्‍येते खाम्‍बादु गाल्‍गीन थेरूङ बात खिताला स्‍यूसुङ। थेबा ङिबोकी येशू बात आउदी लेमु खाईन लापेकी थेरू यहूदीओनताङ ज्‍येन ज्‍येन जातकी मि काल्‍बेईकी थे बात ङेन्‍गीन येशूला विश्‍वास खिताला स्‍यूसुङ।

शक्ति काम 17:17

थेकी थेरू यहूदीओनते मिटिङ खित्‍च्‍येते खाम्‍बादु गाल्‍गीन यहूदीओन थेमे परमेश्‍वरला माने खित्‍कान्‍ते ग्रीकओनताङ छलफल खिन येशू बात लाप्‍सुङ। थेमे ङीमे ठाङमा थे सारदु मिओन रूक्‍सादु गाल्‍गीन थेरू ओङकान डोकान मिओनलाङ थोकराङ खाईन येशू बात लाप्‍सुङ।

शक्ति काम 18:19

थेमे एफिसस सारदु लेप्‍सुङ। थेरू लेप्‍नामेकी प्रिस्‍किलाताङ अक्‍वीलाचेन थेङलाराङ देत्‍सुङ। पावलचेन थेरू यहूदीओनते मिटिङ खित्‍च्‍येते खाम्‍बादु गाल्‍गीन यहूदीओनताङ छलफल खिन येशू बात लोपाला स्‍यूसुङ।

शक्ति काम 18:26

गाल्‍गीन ज्‍यीबाराङ मिक्‍किता खाईन थेरू जम्‍मा ओङाते मिओनला येशू बात लोपाला स्‍यूसुङ। प्रिस्‍किलाताङ अक्‍वीलाङ थेरू ओतान। थेकी थेरू लापाते बात थोनामेई दि मिकी येशू बात गाङे लेमु खाईन छ्या स्‍येबा मेताक्‍वा सिन छ्या स्‍येकीन थेबा ङिबोकी थेला खोपरोङ खाम्‍बापा खेरगीन थेकी छ्या मास्‍येबाते बातओन लेमु खाईन लाप्‍कीन बिन्‍सुङ।

शक्ति काम 18:4

ईन्‍सीनोङ सन्‍चारी छोमु छोमुचेन पावल यहूदीओनते मिटिङ खित्‍च्‍येते खाम्‍बापा गाल्‍ला थेरू जम्‍मा ओङकान्‍ते यहूदीताङ ग्रीकओनला येशू बात सत्‍यते बात ईन सिन छलफल खाला खाला लेमु खाला लोप्‍कीन ओतान।

शक्ति काम 19:10

लो ङिसाक थे थेरूराङ थोक खाला लोप्‍कीन देत्‍सुङ। थोक खाईन एशिये अञ्‍चल खाङ प्रभु येशू बात फैले खाईन थेङला ओताते यहूदी ईन्‍स्‍यीत, ग्रीक ईन्‍स्‍यीत गाङेकी थे बात थोसुङ।

शक्ति काम 19:7

थेरू मेन्‍दा च्‍युन्‍ङीकी थोक खाईन परमेश्‍वर आत्‍मा ङेता ओतान।

शक्ति काम 19:9

तर कोई कोईकीचेन थेकी लोप्‍च्‍येते येशू बात बान्‍दा माङेन्‍सुङ। मि गाङे दोन्‍दु थेबेकी दिकी लोप्‍च्‍येते बात सत्‍यते ईनराङ मेन, दि बात ङेन्‍दा मेङगो सिन सासुङ। थेबेकी थोक खानामेई थरिङमेई ङा दुरू लोपराङ मोलोबो सिन पावल थेरू येशू चेलाओनला टीकीन थे मिटिङ खित्‍च्‍येते खाम्‍बा ताङगीन गाल्‍सुङ। थेमे टिरान्‍नस सिराते मि स्‍कूलपा गाल्‍गीन थेरू जम्‍मा ओङाते मिओनला ङीमे ठाङमा येशू बात लाप्‍सुङ।

शक्ति काम 20:31

थोगी खेराङला सुङगीङ छक्‍के खिता मुथुप्‍स्‍यीत सिन च्‍याङबो खाला देत। ङे लो सुमसाक ख्‍योकोन गाङेला येशूला विश्‍वास खिनराङ देत सिन ङीन नुप ख्‍योकोन पीर खुरगीन दुक्‍पा खाईन खाईन खाबाते काम नोमुङ टोक माज्‍येत।

शक्ति काम 28:23

थेमे थेबेकी लोक्‍ला थे बात ङेन्‍दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्‍बेई पावल ओत्‍सादु जम्‍मा ओङसुङ। थेमे थेकी थेबाताङ च्‍याक ङोमुमेकी ग्‍वासेसाकराङ बात खिन परमेश्‍वर राज्‍य बात लाप्‍कीन बिन्‍सुङ। थोक खित्‍जीन थेकी मोशेकी टिबाते परमेश्‍वर नियमला थेमे परमेश्‍वर बात खित्‍कान्‍तेबेकी ख्रीष्‍टकी विषयला टिबाते बात लोप्‍कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्‍कीन बिन्‍सुङ।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।