शक्ति काम 19:16 - जिरेल

¹⁶ थे मिकी थेबालाराङ खाप खाप्‍कीन खोलाकतेबा राल्‍गीन भक्‍कुचूर दुसुङ। थोक ओङगीन थेबा गाङेराङ ठाकच्‍युर माकच्‍युर गाल्‍गीन पेर्दुङबाराङ थे खाम्‍बादुकी छ्य्‌वासुङ।

शक्ति काम 19:16 Iomraidhean Croise

मर्कूस 5:15

येशू ओत्‍सादु लेप्‍ला ताजीन थेबेकी थोक काल्‍बेई ल्‍हन्‍डीक खोबाते मिचेन ठागीन खोलाक खोन्‍गीन च्‍याकीन देता ओता थोङसुङ। थे थोक खाईन ठाक्‍पा ओता थोङनामेईनी तार ओङकान्‍ते मिओन ज्‍यीबेकी झन आते खासुङ।

लूका 8:29

येशूकी थे मिदुकी थेन्‍ला ग्‍युक सिन कोतेकीराङ ज्‍यीबेकी थे ल्‍हन्‍डीककी थोक खाईन बिन्‍ती खाबा ओतान। थे ल्‍हन्‍डीककी थे मिला याङ याङ जा लोङगीन ओतान। लाक्‍पा काम्‍बाला नेल कोन्‍गीन ठाकीन ज्‍याक्‍सीनोङ थे ल्‍हन्‍डीककी थेबाङ बताबेता च्‍येत्‍ला थे मिला पाङलाकामा टीला खेरगीन ओतान।

लूका 8:35

थेमे च्‍यि ओङाते ईन्‍दाका सिन थेङले मिओन थेपा तार गाल्‍सुङ। येशू ओत्‍सादु लेप्‍ला ताजीन थेबेकी ल्‍हन्‍डीक खोबाते थे मिचेन ठागीन खोलाक खोन्‍गीन येशू खादु देता ओता थोङसुङ। थे थोक खाईन ठाक्‍पा ओता थोङनामेईनी तार ओङकान्‍ते मिओन ज्‍यीबेकी झन आते खासुङ।

शक्ति काम 19:15

थेबेकी थोक सिरजीन थे मिला खोबाते ल्‍हन्‍डीककी “येशू सु ईन्‍दे सिन ङाला छ्या ओत। थेमे पावललाङ ङे ङो स्‍येबा ओत। तर ख्‍योकोनचेन सु ईन्‍दे?” सिन साकीन

शक्ति काम 19:17

थेबा पुनओनला ओङाते थे बात एफिससदु ओताते मि गाङेकी थोसुङ। थे बात थोनामेई यहूदी ईन्‍स्‍यीत, ग्रीक ईन्‍स्‍यीत गाङेला आउदी ज्‍यीबा लासुङ। थेमे प्रभु येशू आउदी छ्येते दुका सिन सिराला स्‍यूसुङ।

शक्ति काम 3:8

थे खोक लाकीन ख्‍याम्‍बालाङ स्‍यूसुङ। थेमे गा खिनकामा फिरगीन परमेश्‍वर चुक छ्ये ईन्‍दाका सिनकामा थेङ थेबा ङिबोताङराङ मन्‍दिर नाङने स्‍यूसुङ।

२ पत्रुस 2:19

थेबेकी मिकी दाक्‍पोन खुशीकी जे खासीनोङ ओङगो, छ्याःङ मेलेबा मेङगो सिन ज्‍येनला लोप्‍कीदुक। तर खोपरोङला खिता सेम लाबाते काम मिक्‍किता खाला देताराङ माथुप्‍ला थेबेकी दाक थोक्‍ते मेलेबा काम खिदुक। दोक खाला थेबा पापकी योक्‍पो च्‍योकराङ ओङगीन देत्‍ला दुक। च्‍यिला सासीन जेकी मिला ग्‍याल्‍गीदुक मिचेन होथे योक्‍पोराङ ईन।