शक्ति काम 18:8 - जिरेल

⁸ पावलगी लापाते बात ङेन्‍गीन क्रिस्‍पसताङ थे खाम्‍बे मि गाङेकी प्रभु येशूला विश्‍वास खिताला स्‍यूसुङ। क्रिस्‍पसचेन होथे मिटिङ खित्‍च्‍येते खाम्‍बेते छ्येते मि ओतान। पावलगी लोप्‍कीन ओताते बात ङेन्‍गीन कोरिन्‍थदु ज्‍येनोङ मि काल्‍बेईकी प्रभु येशूला विश्‍वास खाईन बप्‍तिस्‍मा लासुङ।

शक्ति काम 18:8 Iomraidhean Croise

मत्ती 28:19

थोगी था गाङे लुङबा लुङबाला गाल्‍ला गाङेपे मिओनला ङे चेला जो। चुक सासीन आबा परमेश्‍वर, परमेश्‍वर फुज्‍युङ थेमे परमेश्‍वर आत्‍मे मिनगी छ्य्‌वापेई थेबाला बप्‍तिस्‍मा बिन।

मर्कूस 5:22

थेमे मिटिङ खित्‍च्‍येते खाम्‍बेते छ्येते मिओन नाङ याइरस सिराते मिङ थेरू लेप्‍सुङ। वाकीन येशूला काम्‍बाला से खाईन

मर्कूस 5:35

थोक खाला येशू बात खिन खिनलाराङ थे मिटिङ खित्‍च्‍येते खाम्‍बे छ्येते मि याइरस खाम्‍बापेकी मिओन थेरू लेप्‍कीन “हजूर, खुईते फुमु स्‍यिसुङ। था गुरूला च्‍यिला दुक्‍पा तेरच्‍ये,” सिन सिदुक।

शक्ति काम 10:2

यहूदी मेन्‍सीनोङ थेत्ताङ थे खाम्‍बे मि गाङेराङ परमेश्‍वर नियम ङेन्‍ला परमेश्‍वरला माने खिन ओतान। थेकी दुक्‍पा ङेताते यहूदीओनला दुक्‍पाला तेइन ओतान। थेमे थे परमेश्‍वरला प्रार्थनाङ खिन ओतान।

शक्ति काम 11:14

थेकी वाला ख्‍योकोनला परमेश्‍वर बात लोप्‍क्‍यो। थे बात ङेन्‍नामेई परमेश्‍वरगी खोत्ताङ खुई खाम्‍बादु ओताते मि गाङेला पापकी सजायदुकी डेल्‍ग्‍यो,’ सिन सिदुक सिन थे खोरोङला ओङाते बात गाङे लाःप्‍सुङ।

शक्ति काम 13:15

थेमे थेरू मिज्‍यीगी परमेश्‍वर नियमला टिबाते थेमे परमेश्‍वर बात खित्‍कान्‍तेबेकी टिबाते बात गाङेकी थोच्‍या खाईन पढे खासुङ। थे बाततेबा पढे खाईन सिन्‍नामेकी थे मिटिङ खित्‍च्‍येते खाम्‍बे छ्ये छ्ये मिकी आज्‍यो न्‍वावे, ख्‍योकोनला खइँदा लेमु बात सिरा सेम लाबा ओत्‍सीन थे बात दुरू जम्‍मा ओङाते मिओनला खि सिन मिज्‍यीकला पावलताङ बारनाबास देत्‍सादु ताङसुङ।

शक्ति काम 16:34

थोक थोक खानामेई थेकी थेबा ङिबोला खाम्‍बाने खेरगीन साप थुङाङ बिन्‍सुङ। परमेश्‍वरला विश्‍वास खिताला स्‍यूबेकी थेत्ताङ थे खाम्‍बे मि गाङेराङ आउदी गा खासुङ।

शक्ति काम 18:1

दि तिरी पावल एथेन्‍सदुकी कोरिन्‍थ सारनापा गाल्‍सुङ।

शक्ति काम 18:17

थेमे थे मि गाङेकी यहूदीओनते मिटिङ खित्‍च्‍येते खाम्‍बे छ्येते मि सोस्‍थेनेस सिरातेला अड्डे खादुराङ जुम्‍गीन दुसुङ। थोक खासीनोङ गल्‍लियोकीचेन छ्याःङ वास्‍ता माक्‍यासुङ।

शक्ति काम 19:1

अपोल्‍लोस कोरिन्‍थदु ओते बेलाला पावलचेन समुन्‍द्रे लामला मोन्‍डोबा खाईन ठाउँ ठाउँला युगीन एफिससदु लेप्‍सुङ। थेरू लेप्‍नामेकी थेकी येशू चेला कोई कोईला ठेत्‍सुङ।

शक्ति काम 8:12

तर थेरू फिलिप वाकीन मिओनला परमेश्‍वर राज्‍यते गा लाङच्‍येते बात लोप्‍कीन येशू ख्रीष्‍ट बात लाप्‍नामेई मि गाङेकी फिलिप बात ङेन्‍दाला स्‍यूबा ओतान। थेमे फिलिप बात ङेन्‍कान्‍ते ख्‍योओ मि, फेम्‍मे मि गाङेकी बप्‍तिस्‍मा लासुङ।

१ कोरिन्‍थी 1:2

ङा दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन ख्‍योकोनला टिगीन ओत। येशू ख्रीष्‍टकी खित्‍सादु परमेश्‍वरगी ख्‍योकोन सेम खुदुक जोकीन थे खोरोङ सन्‍तान ईन सिन छाने खाबा ओत। दुरू टिबाते बातचेन ख्‍योकोन च्‍योकराङ प्रभु येशू ख्रीष्‍टला प्रभु सिन सिरकान्‍ते गाङेपे मिलाङ ईन। येशू ख्रीष्‍टचेन थेबेतेङ ङुरूङतेङ मालिक ईन।

२ कोरिन्‍थी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङ्योकोन दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन थेमे अखैये लुङबा खाङ ओताते परमेश्‍वर सन्‍तान ख्‍योकोन गाङेला टिगीन ओत।

२ कोरिन्‍थी 1:23

दि बात ङा परमेश्‍वर साक्षी ज्‍याक्‍ला खिन ओत। ङा नोमुङ मेन्‍दे बात मिक्‍किओ। ङा कोरिन्‍थपा माबातेचेन याङराङ ङे ख्‍योकोनला थापा ङारा माफाप्‍स्‍यीत सिनकामा ईन।

२ कोरिन्‍थी 6:11

कोरिन्‍थदु ओताते ख्‍योकोन गाङेला ङ्योकोनगी ङेराङ बात दोक्‍पोईओङ मोबोङा खाईन गाङे लाप्‍कीन बिन्‍दा ओत। ङ्योकोनगी ख्‍योकोनला खितासम्‍म ङिङज्‍ये खाबा ओत।

२ तिमोथी 4:20

इरास्‍तस कोरिन्‍थ सारदुराङ देत्‍सुङ। त्रोफिमसचेन नाबेकी मिलेटस सारदुकी ङा थेत्ताङ ठाल्‍गीन देपा ओङा फाप्‍सुङ।