शक्ति काम 18:5 - जिरेल

⁵ सिलासताङ तिमोथी म्‍यासिडोनियादुकी थेरू वानामेकीचेन ज्‍येनते काम ताङगीन पावलगी खालि गा लाङच्‍येते बातकामा लोपाला स्‍यूसुङ। थेकी यहूदीओनला येशूराङ परमेश्‍वरगी तोङगो साबाते ख्रीष्‍ट ईन सिन ठोके खाईन लाप्‍सुङ।

शक्ति काम 18:5 Iomraidhean Croise

लूका 12:50

दि काम खाला सिन्‍दा खिताला ङे आउदी खाला पीरताङ दुक्‍पा भोगे खिता फाप्‍क्‍यो। थातासाकला थे दुक्‍पा भोगे खाईन सिन्‍दा ओता ईन्‍सीन लेमु ओङच्‍या ओतान। च्‍यिला सासीन दोक मायाङ थुपथुप ङे सेमला ढुक्‍क मेङगो।

लूका 16:28

ङेते न्‍वा ङाटीक ओत। थेकी गाल्‍ला थेबाला ङे खाबाच्‍योक मेलेबा काम खिता ताङला लेमु काम खि सिन लाःप्‍स्‍यीत। थोक खासीन थेबेकी ङे च्‍योकराङ देमा स्‍यूला दि दुक्‍पा भोगे खिता माफाबो,’ सिन सादुक्‍लो।

यूहन्‍ना 1:41

थेकी होत्ताराङ थे खोरोङ न्‍वाते शिमोनला ठेता खाईन “शिमोन, ङ्योकोनगी परमेश्‍वरगी तोङगो साबाते मसीहला ठेत्‍सुङ,” सिन लाःप्‍सुङ। मसीह साबातेचेन ख्रीष्‍ट साबाते ईन।

यूहन्‍ना 10:24

थे थेङला ख्‍याम्‍गीन ओते बेलालाराङ यहूदीओन थेरू लेप्‍कीन थे फेरो खाङ जम्‍मा ओङसुङ। थेमे “खो परमेश्‍वरगी तोङगो साबाते ख्रीष्‍ट ईन्‍दाना मेन्‍दे? ईन्‍सीन ङ्योकोनला लेमु खाला ईन सिन लोःप। खो नामसाक ङ्योकोनला दि बात मालाःपा खाला देत्‍कीते?” सिन सासुङ।

यूहन्‍ना 15:27

शुरूमेकीराङ ख्‍योकोन ङात्ताङ द्वामा देत्‍कीन ख्‍याम्‍गीन खाबाते मि ईन्‍देकी ख्‍योकोनगीङ ङा सु ईन्‍दे, ङे च्‍यि खिते सिन ज्‍येनला लोप्‍क्‍यो।

यूहन्‍ना 3:28

ङे ख्‍योकोनला गोमाका ‘ङानी परमेश्‍वरगी तोङगो साबाते ख्रीष्‍ट मेन, ङा खालि थे ओङा भन्‍दा गोमा परमेश्‍वरगी ताङाते मिकामा ईन,’ सिन साबाते बाततेबा ख्‍योकोनगी टोक ज्‍येता मेतासीन।

शक्ति काम 10:42

थेमे थेकी ङ्योकोनला ‘गाल्‍ला यहूदीओनला गा लाङच्‍येते बात लोप। स्‍याप्‍तेबा थेमे सोम्‍बोराङ ओतातेबा मि गाङेला तिरी न्‍याय खितालाचेन परमेश्‍वरगी थे खोरोङलाराङ छाने खाबा ओत सि,’ सिन कोत्‍सुङ।

शक्ति काम 15:22

याकूबकी थोक सानामेकी थेरू येशू ख्रीष्‍टकी खटे खाबाते मिओन, येशू ख्रीष्‍ट मिओनला ताकान्‍तेबा थेमे येशू ख्रीष्‍ट मि गाङेकी थे बात ङेन्‍गीन “लो था ङुरूङगी ङुरूङ नाङदुई कोई कोईला छाने खाला च्‍याला पावल थेमे बारनाबासताङराङ एन्‍टिओखियापा तोङगी,” सिन सल्‍लाह खासुङ। थेमे खोपरोङ नाङदुई बारसाबास सिराते यहूदाताङ सिलासला छाने खासुङ। थेबा ङिबोचेन थेरू खोपरोङ नाङ छ्येते मि ओतान।

शक्ति काम 16:1

थोक खिन पावलबा डर्बीपा लेप्‍सुङ। थेमे थेरूकीङ लिस्‍त्रापा गाल्‍सुङ। लिस्‍त्रादु तिमोथी सिराज्‍यीक येशू चेला ओतान। थेते आमाते यहूदी थेमे आबाचेन ग्रीक ओतान। थे आमातेङ येशूला विश्‍वास खित्‍कान्‍ते मि ओतान।

शक्ति काम 16:12

थेमे थेरूकी ख्‍याम्‍गीन म्‍यासिडोनिये लुङबे फिलिप्‍पी सारनापा लेपाप। थे सारचेन थे लुङबेते छ्येते सार ओतान। थेरू काल्‍बा च्‍योक्‍ते रोमीओन देत्‍कीन ओतान। ङ्योकोनोङ टिक्‍पी दिन थेरूराङ देताप।

शक्ति काम 16:9

त्रोआसदु लेपे छोमु ग्‍वाका परमेश्‍वरगी पावलला मिलाम खित ज्‍युताच्‍योक खित च्‍युत्‍तुक। थोक ओङजीन पावलगी म्‍यासिडोनिये लुङबे मिज्‍यीगी थे ओत्‍सादु वाकीन “ओर्च्‍ये, ङ्योकोन ओत्‍सापा वाला ङ्योकोनला मद्धत नाङ,” सिन सिरा थोङदुक।

शक्ति काम 17:3

परमेश्‍वरगी तोङगो साबाते ख्रीष्‍ट दुरू वानामेई दुक्‍पा भोगे खाला स्‍यिइओ तर स्‍यिसादुकी लोक्‍ला सोम्‍बो लोइओ सिरच्‍येते बात थेरू मिओनला लेमु खाईन लाप्‍कीन बिन्‍सुङ। थोक खाईन थेरू मिओनताङ बात खिन थेकी “येशूराङ ख्रीष्‍ट ईन। थे बात लोपालाराङ ङा दुरू वाबाते ईन,” सिन सासुङ।

शक्ति काम 18:28

च्‍यिला सासीन थेकी थेरू लोप्‍जीन ख्रीष्‍टकी विषयला परमेश्‍वर बातला गोमाका टिबाते बात पढे खाईन येशू परमेश्‍वरगी तोङगो साबाते ख्रीष्‍टराङ ईन सिन मि गाङे दोन्‍दु लेमु खाईन लाप्‍कीन बिन्‍गीन येशूला ख्रीष्‍ट मेन सिन सिरकान्‍ते यहूदी गाङेते खा टाले खासुङ।

शक्ति काम 2:36

बात दोक दोक ईन्‍देकी परमेश्‍वरगी मान बिन्‍गीन प्रभु जोबाते थेमे थे खोरोङगी तोङगो साबाते ख्रीष्‍टचेन ख्‍योकोनगी सेत च्‍युताते येशूराङ ईन्‍दा दुका सिन थाचेन ख्‍योकोन इस्राएली गाङेकी लेमु खाला छ्या स्‍येबा खि,” सिन सिदुक।

शक्ति काम 20:21

यहूदी ईन्‍स्‍यीत, ग्रीक ईन्‍स्‍यीत ङे गाङेला ओर्च्‍ये ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि थेमे प्रभु येशूला विश्‍वास खि सिन साबा ओत। ङे दोक दोक खाबा ओतान सिन ख्‍योकोन गाङेला छ्याराङ ओत।

शक्ति काम 20:23

ईन्‍सीनोङ ङा यरूशलेमपा लेप्‍नामेकी ङे थेरू जेलदु देता फाप्‍क्‍यो थेमे ङेतासम्‍म दुक्‍पा ङेत्‍क्‍यो सिन परमेश्‍वर आत्‍मेकी ङाला सार सारला याङ याङ छ्या स्‍येबा खाईन बिन्‍दा ओत।

शक्ति काम 20:24

थोक दुक्‍पा ओङजीन स्‍याराङ फाप्‍सीनोङ ङाला छ्याःङ ज्‍यीबा मेत। ङाराङ सोन सोनसाक ङे खिता फाप्‍च्‍येते कामचेन परमेश्‍वरगी मिओनला दया खिओ सिरच्‍येते गा लाङच्‍येते बात गाङेला लोप्‍च्‍येते ईन। थोक खाला प्रभु येशूकी खि साबाते काम ङे पूरो खिताराङ फाप्‍क्‍यो।

शक्ति काम 4:20

ङ्योकोननी ङेराङगी थोङातेताङ थोबाते बात मिओनला मोलोपा खाला खाराक्‍पा देताराङ मुथुबो,” सिन सिदुक।

शक्ति काम 9:22

शावलगीचेन येशू बात झन झन लेमु खाईन लोपाला स्‍यूसुङ। थोक खित्‍जीन थेकी “परमेश्‍वरगी तोङगो साबाते ख्रीष्‍टला चुक चुक ओङगीते सिन परमेश्‍वर बात खित्‍कान्‍ते मिओनगी गोमाका साबा ओताते बातओन येशूकी पूरो खासुङ। थोगी ख्रीष्‍टचेन येशूराङ ईन,” सिन ठोके खाईन बात खासुङ। थोक सिरजीन दमस्‍कसदु ओताते यहूदीओन अलमल्‍ल परे खासुङ।

२ कोरिन्‍थी 1:19

च्‍यिला सासीन सिल्‍वानस, तिमोथी थेमे ङे ख्‍योकोनला छ्या स्‍येबा खाईन बिन्‍दाते परमेश्‍वर फुज्‍युङ येशू ख्रीष्‍टचेन साँचोतेङ मेन्‍दातेङ परी ङि बात खित्‍कान्‍ते मेन। थे खालि साँचोते बातकामा खित्‍कान्‍ते ईन।

२ कोरिन्‍थी 11:9

ख्‍योकोनताङ ङ्योम्‍बु देत्‍जीन ङाराङला मादाङजीनोङ ङे सुङताङ छ्याःङ नाङ मासा। ङाला खाँचो परे खाबे बेलाला म्‍यासिडोनियादुकी ओङकान्‍ते आज्‍यो न्‍वाओनगी पैसा खुलाकीन बिन्‍दा ओतान। दोक खाईन ङे ख्‍योकोनला गोमाबाङ छ्याःङज्‍यीक खाङज्‍यीक दुक्‍पा माबिन, थाङ नोमुङ थोक मिक्‍किओ।

२ कोरिन्‍थी 5:14

ङ्योकोनगी थरिङोला जे खिदुक थे खालि ख्रीष्‍टकी ङेराङला ङिङज्‍ये खाबेकी खित्‍सादु ईन। मि गाङेकी खाबाते पापकी सजाय भोगे खाईन गाङे लाईदु ख्रीष्‍ट स्‍याप्‍ते ईन्‍देकी मि गाङे थेत्ताङराङ स्‍याप्‍ते च्‍योक ओङा ओत सिन ङ्योकोनगी लेमु खाईन छ्या स्‍येबा ओत।

फिलिप्‍पी 1:23

ङे लाईदुनी ङिकाराङ थोजोराङ ईन। ङाराङ बातकामा खिइ सासीन स्‍यिनामेकी ख्रीष्‍टताङराङ देता ङेत्‍च्‍येते ईन्‍देकी स्‍यिसीन काल्‍बेई लेमु ओङच्‍या ओतान सिराच्‍योक लाङगीदुक।

१ थिस्‍सलोनिकी 3:2

ङुरूङ न्‍वा तिमोथीला ख्‍योकोन ओत्‍सापा ताङा ओतान। तिमोथीङ ङ्योकोनताङराङ परमेश्‍वर काम खिन मिओनला ख्रीष्‍टते गा लाङच्‍येते बात लोप्‍कान्‍ते मिराङ ईन सिन ख्‍योकोनला सिरा माफाप्‍तासीन। ज्‍येनगी दुक्‍पा तेरजीन ख्‍योकोन सुङगीङ प्रभु येशूला विश्‍वास खिता तोङा मेङगो, बरू जति दुक्‍पा ओङसीनोङ सेम मेसेता खाला थेला विश्‍वास खिनराङ देता फाप्‍क्‍यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्‍वास खाबेकी खित्‍सादु ङुरूङगी दुक्‍पा भोगे खिता फाप्‍क्‍यो सिन ख्‍योकोनला लेमु खाला छ्याराङ ओत।

१ थिस्‍सलोनिकी 3:6

थेमे तिमोथी भर्खर थेपेकी ग्‍युरगीन वाकीन ङ्योकोनला आउदी लेमुते लोन लाःप्‍सुङ। चुक सासीन ख्‍योकोन प्रभु येशूला विश्‍वास खिनराङ दुक्‍लो, ज्‍येनला ङिङज्‍ये खिताङ ताङा मिन्‍दुक्‍लो थेमे ङ्योकोनगी ख्‍योकोनला ठेता सेम खाबा च्‍योकराङ ख्‍योकोनगीङ ङ्योकोनला आउदी खाला सम्‍झे खिन नाम ठेता ङेदोङा सिराच्‍योक खाईन गुकीन देत्‍ला दुक्‍लो सिन थेपे लोनतेबा गाङे लाःप्‍सुङ।

१ पत्रुस 5:12

दि चिट्ठी ङे सिल्‍वानसला टिक च्‍युताते ईन। सिल्‍वानसचेन खिओ साबा च्‍योकराङ खित्‍कान्‍ते मि ईन। दि ङेते ङाराङ न्‍वा च्‍योकराङ ईन। जति दुक्‍पा ओङजीनोङ ख्‍योकोन सेम मेसेता खाला देत्‍स्‍यीत सिन आँट तेराला थेमे परमेश्‍वरगी पक्‍काराङ दया खिओ सिन ख्‍योकोनगी लेमु खाला छ्या स्‍येस्‍यीत सिन ङे थुम्‍मी खाईन दि चिट्ठी टिबाते ईन। परमेश्‍वरगी खेराङला दया खिनराङ देत्‍स्‍यीत सिन थेला माने खिन देता मातोङ।