शक्ति काम 18:4 - जिरेल

⁴ ईन्‍सीनोङ सन्‍चारी छोमु छोमुचेन पावल यहूदीओनते मिटिङ खित्‍च्‍येते खाम्‍बापा गाल्‍ला थेरू जम्‍मा ओङकान्‍ते यहूदीताङ ग्रीकओनला येशू बात सत्‍यते बात ईन सिन छलफल खाला खाला लेमु खाला लोप्‍कीन ओतान।

शक्ति काम 18:4 Iomraidhean Croise

लूका 16:31

थेमे अब्राहामगी थेला ‘थेबेकी मोशा थेमे परमेश्‍वर बात खित्‍कान्‍ते मिओनगी साबाते बात माङेन्‍सीन सुइँदा स्‍याप्‍ते मि सोम्‍बो लोगीन गाल्‍गीन साबाते बातओनोङ मेङेनो,’ सिन सादुक्‍लो,” सिन सिदुक।

लूका 4:16

दोक खिन लोप्‍कीन लोप्‍कीन डोजीन येशू नासरतपा लेप्‍सुङ। थे थेरूराङ हुर्के खाबा ओतान। सधैँ च्‍योकराङ खाईन थे थेरूङ सन्‍चारी छोमु मिटिङ खित्‍च्‍येते खाम्‍बादु गाल्‍सुङ। थेमे थे थेरू जम्‍मा ओङाते मिओन दोन्‍दु परमेश्‍वर बात पढे खिताला लासुङ।

यूहन्‍ना 7:35

थेकी थोक सिरजीन यहूदीओनते छ्ये छ्ये मिकी “आछ्यि दिकी चुकस्‍यिक बात खिका। ङुरूङगी थेपराङ मेथेप्‍साला डुइओ सिरच्‍या दि खापा ड्वाप सिताका? ना दि ठाउँ ठाउँला ग्रीकओन नाङ गाल्‍गीन देता ओताते यहूदीओन ओत्‍साला गाल्‍ला ग्रीकओनला दि खोरोङ बात लोपा सिताका?

शक्ति काम 13:14

पावलताङ बारनाबासचेन थे सारदुकीङ पिसिदिये अञ्‍चल एन्‍टिओखिया सारदु लेप्‍सुङ। थेरू लेप्‍नामेई सन्‍चारी छोमु थेबा ङिबो यहूदीओनते मिटिङ खित्‍च्‍येते खाम्‍बादु गाल्‍गीन थेरू जम्‍मा ओङाते ज्‍येनतेबाताङराङ देत्‍सुङ।

शक्ति काम 14:1

आइकोनियमदु लेप्‍नामेकी पावलताङ बारनाबासकी ज्‍येन ठाउँला च्‍योकराङ खाईन यहूदीओनते मिटिङ खित्‍च्‍येते खाम्‍बादु गाल्‍गीन थेरूङ बात खिताला स्‍यूसुङ। थेबा ङिबोकी येशू बात आउदी लेमु खाईन लापेकी थेरू यहूदीओनताङ ज्‍येन ज्‍येन जातकी मि काल्‍बेईकी थे बात ङेन्‍गीन येशूला विश्‍वास खिताला स्‍यूसुङ।

शक्ति काम 17:11

थेरू यहूदीओनगीचेन थिस्‍सलोनिकादु ओतातेबेकी च्‍योक मेलेबा मिक्‍किता खाईन पावलगी लापाते येशू बात लेमु खाईन ङेन्‍सुङ। थेमे थेकी लापाते बात परमेश्‍वर बातला टिबाते बातताङ डिइकाना मिडिक्‍का सिन थेबेकी ङीमे ठाङमा परमेश्‍वर बात आउदी खाईन पढे खाईन तासुङ।

शक्ति काम 17:17

थेकी थेरू यहूदीओनते मिटिङ खित्‍च्‍येते खाम्‍बादु गाल्‍गीन यहूदीओन थेमे परमेश्‍वरला माने खित्‍कान्‍ते ग्रीकओनताङ छलफल खिन येशू बात लाप्‍सुङ। थेमे ङीमे ठाङमा थे सारदु मिओन रूक्‍सादु गाल्‍गीन थेरू ओङकान डोकान मिओनलाङ थोकराङ खाईन येशू बात लाप्‍सुङ।

शक्ति काम 18:13

थेमे थेबेकी थे हाकिमला “हजूर, दि मिकी परमेश्‍वरला माने खिताला दोक दोकका खिता फाप्‍क्‍यो सिन नियमताङ डिकराङ मिडिक्‍च्‍येते मेन्‍दा मेन्‍दे बात दुरू मिओनला लोप्‍कीदुक,” सिन सासुङ।

शक्ति काम 18:19

थेमे एफिसस सारदु लेप्‍सुङ। थेरू लेप्‍नामेकी प्रिस्‍किलाताङ अक्‍वीलाचेन थेङलाराङ देत्‍सुङ। पावलचेन थेरू यहूदीओनते मिटिङ खित्‍च्‍येते खाम्‍बादु गाल्‍गीन यहूदीओनताङ छलफल खिन येशू बात लोपाला स्‍यूसुङ।

शक्ति काम 19:26

तर दि पावल सिरातेकीनी मिकी जोबाते ल्‍हे मूर्ति ल्‍हा ईनराङ मेन साकीन दि सारदु थेमे एशिये अञ्‍चल खाङराङ मि काल्‍बा च्‍योक गाङेला थे खोरोङ छ्य्‌वापा लै खित च्‍युत्‍कीन सिन्‍सुङ। दोक दोक ओङगीन दुक सिन ख्‍योकोनगी छ्या मास्‍येबाते मेन।

शक्ति काम 19:8

थेमे पावल थेरूङ यहूदीओनते मिटिङ खित्‍च्‍येते खाम्‍बादु गाल्‍गीन मिओनला लोपाला स्‍यूसुङ। थेबाताङ छ्याःङ ज्‍यीबा मिक्‍किता खाईन छलफल खिन परमेश्‍वरगी थे खोरोङ राज्‍य येशू छ्य्‌वापेकी जोच्‍येते ईन सिरच्‍येते बात थेबेकी मेन सिराराङ मुथुप्‍च्‍या खाईन लेमु खाईन लाप्‍कीन बिन्‍सुङ। दावा सुमसाक थे दोक खाला थेरू लोप्‍कीनराङ देत्‍सुङ।

शक्ति काम 26:28

थोक सिरजीन थेकी “च्‍यि खो दोस्‍यिक बात खाला ङालाङ येशूला विश्‍वास खित ज्‍युताप सिओ?” सिन सिदुक।

शक्ति काम 28:23

थेमे थेबेकी लोक्‍ला थे बात ङेन्‍दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्‍बेई पावल ओत्‍सादु जम्‍मा ओङसुङ। थेमे थेकी थेबाताङ च्‍याक ङोमुमेकी ग्‍वासेसाकराङ बात खिन परमेश्‍वर राज्‍य बात लाप्‍कीन बिन्‍सुङ। थोक खित्‍जीन थेकी मोशेकी टिबाते परमेश्‍वर नियमला थेमे परमेश्‍वर बात खित्‍कान्‍तेबेकी ख्रीष्‍टकी विषयला टिबाते बात लोप्‍कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्‍कीन बिन्‍सुङ।

शक्ति काम 9:20

येशूला विश्‍वास खिताला स्‍यूक्‍पाईताङ शावल थेरू ओताते यहूदीओनते मिटिङ खित्‍च्‍येते खाम्‍बे नाङपा गाल्‍गीन थेरू जम्‍मा ओङाते मिओनला येशू परमेश्‍वर फुज्‍युङराङ ईन सिन लोपाला स्‍यूसुङ।

२ कोरिन्‍थी 5:11

दोक खाला ङीमा लेनज्‍यीक प्रभु येशू दोन्‍दु दाक्‍पोनगी खाबाते लेमु मेलेबा कामगी हर हिसाब तेरा फाप्‍क्‍यो सिन छ्या ओतेकी ङेराङ मेलेबा काम मिक्‍किओ सिन ङ्योकोन मिओनला छ्याःङ शंका मालाङच्‍या खाला लोप्‍क्‍यो। ङ्योकोन चुक्‍ते ईन्‍दे सिन परमेश्‍वरला गाङे छ्या ओत। दि बात ख्‍योकोनगीङ लेमु खाईन छ्या स्‍येबाराङ ओतासीन।