शक्ति काम 18:12 - जिरेल

¹² तर थेरू गल्‍लियो सिराते मि अखैये लुङबादु रोमी गेल्‍बो हाकिम ओङनामेई था पावलला खइँदा माक्‍याबाला मायाङसुङ सिन यहूदीओनगी डिगीन च्‍याकीन थेला जुम्‍गीन अड्डापा खेरसुङ।

शक्ति काम 18:12 Iomraidhean Croise

मत्ती 27:19

थेमे पिलातस अड्डादुराङ देता ओते बेलाला फेम्‍मेतेकी थेला “थे छ्याःङ गल्‍ती मेताते मिला छ्याःङ मेलेबा माकेत। च्‍यिला सासीन थे मिला सजाय बिन्‍सीन आउदी मेलेबा ओङगो सिन ङे दाङ ग्‍वाका मेलेबाज्‍यीक मिलाम थोङसुङ,” सिन लोन ताङसुङ।

यूहन्‍ना 19:13

थेबेकी दोक सानामेई थेकी येशूला फिनामा खुलाङ च्‍युत्‍कीन च्‍याकीन थे न्‍याय खित्‍कान्‍ते मि देत्‍च्‍येते ठाउँदु देत्‍सुङ। थे ठाउँचेन दोई छापे खाईन जोबा ओतान। हिब्रू बातला थे ठाउँला गब्‍बथा सिन ओतान।

शक्ति काम 13:12

थेला थोक ओङा थोङगीन थे हाकिम छक्‍क परे खासुङ। थेमे थेकी पावलबेकी लोप्‍च्‍येते प्रभु येशू बात पक्‍काराङ सत्‍यते दुका सिन येशूला विश्‍वास खिताला स्‍यूसुङ।

शक्ति काम 13:50

थोक ओङजीन यहूदीओनगीचेन पावलताङ बारनाबासला लेमु मि मेन सिन थे सारगी छ्ये छ्ये मि थेमे थेरू परमेश्‍वरला माने खित्‍कान्‍ते छ्युक्‍पु छ्युक्‍पुते फेम्‍मे मिला लुकीन खोपरोङ लाःक्‍तु लासुङ। थोक खाईन थेबाबरी गाङेराङ डिगीन पावलताङ बारनाबासला दुक्‍पा बिन्‍गीन थेरूकी उरगीन ताङसुङ।

शक्ति काम 13:7

थेचेन थे लुङबे रोमी गेल्‍बो हाकिमताङ ङ्योम्‍बुराङ देता ओतान। थे हाकिम मिन सर्गियस पौलस ओतान। थे आउदी बुद्धिमानज्‍यीक ओतान। थेकी परमेश्‍वर बात ङेन्‍दा सेम खाबा ओतान। थोगी थेकी बारनाबासताङ शावलला थे खाम्‍बादु स्‍योक सिन काताङसुङ।

शक्ति काम 13:8

थोक खाला थेबा ङिबोला परमेश्‍वर बात लोपाला कातोङजीन बार-येशूकी थुप थुपला थे हाकिमला शावलताङ बारनाबासकी खाबाते बात ईनराङ मेन्‍दे बात ईन सिन येशूला विश्‍वास खित मुज्‍युता चाल्‍सुङ। बार-येशूलाचेन मिओनगी एलुमास सिनोङ सिरच्‍येते खिन ओतान। एलुमास साबाते जादू देन्‍कानताङ स्‍येबा खाबे काम खित्‍कान्‍ते साबाते ईन।

शक्ति काम 14:19

थे तिरी एन्‍टिओखियाताङ आइकोनियमदुकी कोई कोई यहूदी थेरू लेप्‍कीन थेरू मिओनला उल्‍के खाईन खोपरोङ छ्य्‌वापा लै खित च्‍युत्‍सुङ। थेमे थे यहूदीओनगी पावलला सेता फाप्‍क्‍यो सिन थेला आउदी खाईन दोईकी ग्‍याप्‍सुङ। थेमे थे स्‍याप्‍सीन सिन थेला सारदुकी ठुत्‍कीन खेरगीन पाङला क्‍युरसुङ।

शक्ति काम 14:2

तर थे बात मेङेन्‍कान्‍ते यहूदीओनगीचेन येशूला विश्‍वास खित्‍कान्‍ते मिओन लेमु मि मेन सिन मेन्‍दा मेन्‍दे बात साकीन थेबाला मेलेबा खिताला ज्‍येन ज्‍येन जातकी मिला उल्‍के खासुङ।

शक्ति काम 17:13

पावलगी बेरियादुङ परमेश्‍वर बात लोप्‍कीन दुक्‍लो सिन थिस्‍सलोनिके यहूदीओनगी थोसुङ। थे बात थोकीन स्‍येदाङगी थेपाङ गाल्‍गीन थेबेकी पावल मेलेबा मि ईन साकीन थेरूङ मिओनला उल्‍के खाईन होहल्‍ला खित च्‍युत्‍सुङ।

शक्ति काम 17:5

थोक खाईन मि काल्‍बेई थेबे छ्य्‌वापा लै खाबा थोङगीन ज्‍येन यहूदीओनचेन थेबा ङिबोताङ आउदी खाईन स्‍येदाङ खासुङ। थोगी थेबेकी थे सारगी नाङले कोई कोई मेलेबाते मि रूकीन होहल्‍ला खिताला स्‍यूसुङ। थेमे थेबा ङिबोला जुम्‍ला गाङे मि दोन्‍दु खेरा फाप्‍क्‍यो सिन यासोन सिराते मि खाम्‍बापा गाल्‍सुङ।

शक्ति काम 18:11

थेमे पावल थेरू मिओनला परमेश्‍वर बात लोप्‍कीन थेरूराङ लोज्‍यीकताङ फेस्‍याक देत्‍सुङ।

शक्ति काम 18:27

तिरी अपोल्‍लोसकी अखैये लुङबापा डोच्‍येते बात खित्‍जीन एफिससदु ओताते आज्‍यो न्‍वाओनगीङ थेला थेपा गाल्‍सीन लेमु ईन सिन साकीन च्‍याकीन अखैयादु ओताते येशू चेलाओनला थेला थेपा वानामेकी लेमु खि सिन चिट्ठीज्‍यीक टिकीन बिन्‍गीन ताङसुङ। थेपा लेप्‍नामेकी थेकी परमेश्‍वर दयेकी खित्‍सादु थेरू येशूला विश्‍वास खिताला स्‍यूबाते थेबा गाङेला आउदी मद्धत खासुङ।

शक्ति काम 19:21

थेरूकी पावलगी म्‍यासिडोनियाताङ अखैये लुङबापेई खाला यरूशलेमपा डोच्‍ये टुङ्गो खासुङ। थेपा गाल्‍नामेई ङा रोम सारदु ड्वा फाप्‍क्‍यो सिरच्‍येते बादोङ थेकी खासुङ।

शक्ति काम 25:10

थोक सिरजीन पावलगी “हजूर, ङा थाल्‍ला रोमी गेल्‍बो अड्डादु ओत। ङे दि अड्डादुराङ न्‍याय ङेता फाप्‍क्‍यो। यहूदीओन सुङलाङ ङे छ्याःङ मेलेबा खाबा मेत। दि बात हजूर खुई दाक थोङसुङ।

रोमी 15:26

बात चुक ओङसुङा सासीन म्‍यासिडोनियाताङ अखैये लुङबादु ओताते परमेश्‍वर सन्‍तानओनगी यरूशलेमदु ओताते दुक्‍पा ङेता ओताते परमेश्‍वर सन्‍तानओनला मद्धत तेरा फाप्‍क्‍यो सिन ठो खाईन थेबे लाईदु पैसा जम्‍मा खाबा ओतान।

रोमी 16:5

थेबे खाम्‍बादु जम्‍मा ओङकान्‍ते येशू ख्रीष्‍ट मिओनलाङ ङेते नमस्‍ते ओत सि। थेमे ङे ङिङज्‍येते र्‍वा इपेनितसलाङ नमस्‍ते ओत सि। एशिये लुङबादु येशू ख्रीष्‍टला विश्‍वास खित्‍कान्‍ते मिओन नाङ गाङे भन्‍दा गोमा थेला विश्‍वास खित्‍कान्‍ते मि थेराङ ईन।

१ कोरिन्‍थी 16:15

थेमे अखैये लुङबादु ओताते मिओन नाङ गाङे भन्‍दा गोमा येशूला विश्‍वास खित्‍कान्‍ते स्‍तिफनासताङ थे खाम्‍बे मिओन ख्‍योकोनला छ्याराङ ओतासीन। थेबाचेन जहिलेङ परमेश्‍वर सन्‍तानओनला च्‍यि चुक दुका ताला थुपासम्‍म थेबाला लेमु खित्‍कान्‍ते मि ईन। आज्‍यो न्‍वावे, ङा ख्‍योकोनला च्‍यि सिन बिन्‍ती खिते सासीन

२ कोरिन्‍थी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङ्योकोन दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन थेमे अखैये लुङबा खाङ ओताते परमेश्‍वर सन्‍तान ख्‍योकोन गाङेला टिगीन ओत।

२ कोरिन्‍थी 11:10

ख्रीष्‍टकी च्‍योकराङ ङा सत्‍यते बातकामा खिओ। ङे ख्‍योकोन सुङताङ छ्याःङज्‍यीक खाङज्‍यीक लाबा मेत, थाङ नोमुङ छ्याःङ मिलिनो। दि बातलाचेन ङा छ्येराङ खिओ। अखैये लुङबादु ओताते मि सुङगीङ खुई थोक सिरा मेङेदो सिन सिरा मुथुबो।

२ कोरिन्‍थी 11:26

थोक खाला फार छुर डुइनराङ देता फाप्‍जीन ङा पालोताङ पालो भल ग्‍यासालाङ फाप्‍सुङ। पालोताङ पालो डाँकाओन लाःक्‍तुङ फाप्‍सुङ। पालोताङ पालो ङाराङला नाम सेत्‍कीताना सिन ङे ङाराङ यहूदीओन थेमे ज्‍येन ज्‍येन जातकी मि ज्‍यीबा खुरगीन ख्‍याम्‍बा फाप्‍सुङ। सारगी नाङला युक्‍जीन ईन्‍स्‍यीत, खाम्‍बाताङ युल छ्याःङ मेत्‍साला ख्‍याम्‍जीन ईन्‍स्‍यीत, समुन्‍द्रदुकी खाला डोसाला ईन्‍स्‍यीत थेमे येशू ख्रीष्‍टला विश्‍वास खित्‍कान्‍ते ईन सिरकान्‍तेबा तर थोक मेन्‍देकी ङाला मेलेबा खिता छोल्‍कान्‍ते मिओन नाङला ईन्‍स्‍यीत जहाँदुङ जहिलेङ ङाला ज्‍यीबाकामा ओतान।

२ कोरिन्‍थी 9:2

थे पैसा जम्‍मा खिताला ख्‍योकोनगी चुक आउदी सेम खाबा ओते सिन ङाला लेमुराङ खाला छ्या ओत। ख्‍योकोनगी थोक लेमु खिन ओताते बात खिन ङे म्‍यासिडोनियादु ओताते येशू ख्रीष्‍ट मिओनला अखैयादु ओताते ख्‍योकोनगी ननीङमेईराङ पैसा जम्‍मा खिताला स्‍यूबा ओतान सिन लाःपाप। दि बात थोनामेई आँट ङेत्‍कीन थेबा काल्‍बा च्‍योक्‍तेकी ख्‍योकोनगी खाबा च्‍योकराङ खिताला आउदी सेम खाबा ओत।

१ थिस्‍सलोनिकी 2:14

चुक सासीन आज्‍यो न्‍वावे, परमेश्‍वर बात ङेन्‍देकी ख्‍योकोनगीङ येशू ख्रीष्‍टताङ जीउज्‍यीकराङ ओङाते यहूदिये लुङबादु ओताते परमेश्‍वर मिओनगी च्‍योकराङ खाईन दुक्‍पा भोगे खासुङ। होथेबाला खोपरोङ यहूदीओनगी दुक्‍पा बिन्‍दा च्‍योकराङ ख्‍योकोनलाङ खेराङ लुङबे मिओनगीराङ दुक्‍पा बिन्‍दा ओतान।

१ थिस्‍सलोनिकी 2:16

च्‍यिला सासीन परमेश्‍वरगी ज्‍येन ज्‍येन जातकी मिला पापदुकी डेल्‍स्‍यीत सिन ङ्योकोनगी थेबाला गा लाङच्‍येते बात लोप्‍जीन होथे यहूदीओनगी ङ्योकोनला थुपासम्‍म दुक्‍पा बिन्‍ला थे बात लोप मुज्‍युत्‍तुक। होदोक दोक्‍ते कामकामा खिन देत्‍कीन थानी थेबानी पापकीराङ नुप्‍कीन सिन्‍दा खाईन सिन्‍सुङ। था ईन्‍सीन परमेश्‍वरगी थेबाला स्‍येदाङगी चूर गाल्‍ला सजाय तेरच्‍येते बेला लेप्‍सुङ।

याकूब 2:6

ख्‍योकोनचेन होथोक्‍ते मिओनलाराङ हेला खिदुक। च्‍यि ख्‍योकोनला दुक्‍पा तेरकान्‍ते थेमे मुद्धा लाङला अड्डादु केल्‍कान्‍ते छ्युक्‍पुते मिओनराङ मेनरो?