शक्ति काम 17:7 - जिरेल

⁷ थेबाला दुरू यासोनगी साप थुङा बिन्‍गीन ज्‍याक्‍ला दुक। दिबा गाङेकी ङुरूङ रोमी गेल्‍बो नियम कानून मेङेन्‍दा खाला येशू सिराज्‍यीक ज्‍येनराङ गेल्‍बो ओत, थेला माने खिता फाप्‍क्‍यो सिन मिओनला लोप्‍कीदुक,” सिन सासुङ।

शक्ति काम 17:7 Iomraidhean Croise

लूका 10:38

डुइन डुइन येशूताङ थे चेलाओन युलज्‍यीक्‍तु लेप्‍सुङ। थेरू मार्था सिराज्‍यीक फेम्‍मे मिकी येशूला थे मोरोङ खाम्‍बादु स्‍योक सिन काताङसुङ।

लूका 23:2

थेरू क्‍याल्‍नामेकी थेबेकी येशूला ईनराङ मेन्‍दाते दोष लै खिनकामा पिलातसला “दिकी ङ्योकोन जातकी मिला लुकीन थे खोरोङ छ्य्‌वापा लै खित च्‍युत्‍सुङ। रोमी गेल्‍बोला ज्‍येला फाप्‍च्‍येते तिरोङ ज्‍येला माफाबोत्‍लो। दोस्‍यिककामा मेन, दिकी दि खोरोङराङ परमेश्‍वरगी तोङगो साबाते ख्रीष्‍ट ईनलो। थोगी दिराङ गेल्‍बो ईनलो,” सिन सासुङ।

यूहन्‍ना 19:12

थेकी येशूला दोस्‍यिकलाराङ ताङला तोङा चाला ओतान। तर यहूदीओनगी छेरा खिनकामा “खुई दि मिला ताङगीन ताङसीन खो रोमी गेल्‍बोताङ डिक्‍कान्‍ते मि मेन। जसकी ङा गेल्‍बो ईन खिदुक, थेकी रोमी गेल्‍बो विरोध खाबाते ईन,” सिन सासुङ।

शक्ति काम 16:21

दिबेकी दुरू ङुरूङ रोमीओन नियम कानूनला मिडिक्‍च्‍येते बातओन लोप्‍कीदुक। ङुरूङगी दिबेकी लापाते बात ङेन्‍दा मेङगो, दिबेकी खि साबाच्‍योक खिताङ मेङगो,” सिन सासुङ।

शक्ति काम 17:5

थोक खाईन मि काल्‍बेई थेबे छ्य्‌वापा लै खाबा थोङगीन ज्‍येन यहूदीओनचेन थेबा ङिबोताङ आउदी खाईन स्‍येदाङ खासुङ। थोगी थेबेकी थे सारगी नाङले कोई कोई मेलेबाते मि रूकीन होहल्‍ला खिताला स्‍यूसुङ। थेमे थेबा ङिबोला जुम्‍ला गाङे मि दोन्‍दु खेरा फाप्‍क्‍यो सिन यासोन सिराते मि खाम्‍बापा गाल्‍सुङ।

शक्ति काम 17:8

थेबेकी थोक सानामेई ना था थेरूङ गोलमाल ओङगीता सिन छ्ये छ्ये मि थेमे थेरू वाबाते ज्‍येन मिङ गाङेराङ आउदी खाईन ज्‍यीबा खासुङ।

याकूब 2:25

थोकराङ खाईन राहाब रन्‍डीलाङ थेकी खाबाते कामगी खित्‍सादुराङ परमेश्‍वरगी दोषी मेन सिन साबा ओतान। थेकीचेन खोपरोङ सारगी चिवा खिताला वाबाते मिओनला स्‍यासा बिन्‍गीन थेबाला ज्‍येन लामलेई खाला ग्‍युक सिन ताङा ओतान।

१ पत्रुस 2:15

छ्याःङ विचार मिक्‍किता खाला ख्‍योकोनला मेन्‍दा मेन्‍दे दोष लै खित्‍कान्‍ते मिओनगी थोक्‍ते मेन्‍दे बात खिता तोङस्‍यीत सिन ख्‍योकोनगी लेमु काम खि। ख्‍योकोनगी दोकराङ खित्‍स्‍यीत सिरच्‍येते परमेश्‍वर सेम ओत।