शक्ति काम 17:6 - जिरेल

⁶ थेपा गाल्‍ला ताजीन थेबा ङिबोला माथेप्‍नामेई थेबेकी यासोनताङ थेरू आज्‍यो न्‍वाओनलाराङ कोई कोईला जुम्‍गीन थे सारगी छ्ये छ्ये मि दोन्‍दु खेरसुङ। थेमे गाङेकी थोच्‍या खाला बात खिन थेबेकी “लो तो, सा लुङबा खाङ युला गाङेपा मि नाङ होहल्‍ला खित ज्‍युत्‍कान्‍ते मिओन दुरू ङुरूङ सारदुङ लेप्‍तुक।

शक्ति काम 17:6 Iomraidhean Croise

मत्ती 24:14

दि जुग सिन्‍दा गोमा मि गाङेकी छ्या स्‍येस्‍यीत सिन स्‍वर्गे राज्‍य गा लाङच्‍येते बात सा लुङबा खाङ गाङेपा लाप्‍ला तेरग्‍यो। थोक खानामेईचेन दि जुग सिन्‍ग्‍यो।

लूका 23:5

थेकी येशूकी छ्याःङ गल्‍ती खाबा माथोङसुङ सिन सिरजीन थेबेकी “च्‍यिला मेन्‍दे? दिकीनी ङ्योकोन जातकी मि गाङेला दि खोरोङ बात लाप्‍कीन उल्‍के खाईन सिन्‍सुङ। गालील अञ्‍चलदुकी दि खोरोङ बात लोपाला शुरू खाईन यहूदिये अञ्‍चल खाङ युगीन दि दिस्‍साक ख्‍योल्‍गीन सिन्‍सुङ,” सिनकामा छेरा खिताला स्‍यूसुङ।

शक्ति काम 1:15

येशूला विश्‍वास खित्‍कान्‍ते मिओन थोक खाला जम्‍मा ओङजीन ङीमाई मेन्‍दा खाल ठुकचो ओतान। थेमे पत्रुसकी थेबा गाङे दोन्‍दु लाकीन

शक्ति काम 17:10

थोक ओङनामेकी थे छोमु नाम स्‍योनामेकी थेरू आज्‍यो न्‍वाओनगी पावलताङ सिलासला बेरियापा ताङसुङ। थेपा लेप्‍नामेकी थेबा थेरूङ यहूदीओनते मिटिङ खित्‍च्‍येते खाम्‍बादु गाल्‍सुङ।

शक्ति काम 17:14

थोक ओङनामेई थेरू आज्‍यो न्‍वाओनगी पावलला थेरू मोज्‍योकी सिन थेला ज्‍येननापा तोङाला समुन्‍द्रे छेउनामा केल ताङसुङ। सिलासताङ तिमोथीचेन थेरूराङ देत्‍सुङ।

शक्ति काम 17:31

च्‍यिला सासीन थेकी ङीमा लेनज्‍यीक सुङलाङ काका पाका मिक्‍किता खाला मि गाङेते न्‍याय खिओ। थे छोमु सु सुला चुक चुक खिता फाप्‍कीका सिरच्‍येते टुङ्गोचेन थेकी छाने खाबाते मिज्‍यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्‍येस्‍यीत सिन थेकी थेला स्‍यिसादुकी सोम्‍बो लोक्‍पा ओत,” सिन बात खासुङ।

शक्ति काम 17:5

थोक खाईन मि काल्‍बेई थेबे छ्य्‌वापा लै खाबा थोङगीन ज्‍येन यहूदीओनचेन थेबा ङिबोताङ आउदी खाईन स्‍येदाङ खासुङ। थोगी थेबेकी थे सारगी नाङले कोई कोई मेलेबाते मि रूकीन होहल्‍ला खिताला स्‍यूसुङ। थेमे थेबा ङिबोला जुम्‍ला गाङे मि दोन्‍दु खेरा फाप्‍क्‍यो सिन यासोन सिराते मि खाम्‍बापा गाल्‍सुङ।

शक्ति काम 24:5

च्‍यि सासीन दि लेमु मि मेन। दिनी ज्‍यीबा लाङच्‍या मेलेबा खालगी मिका ईन। दि गाङेपा यहूदीओन ओत्‍सा ओत्‍साला गाल्‍ला थेबाला हूलदङ्गा खित ज्‍युत्‍कीदुक। थेमे नासरी सिराते पाटी मिओनते छ्येते मिङ दिराङ ईन।

शक्ति काम 28:22

खो थे नासरत पाटी मि ईन्‍देकी थे पाटी चुक्‍ते ईन्‍दे सिन ङ्योकोनला लेमु खाला लाप्‍ला नाङ। च्‍यिला सासीन जुन ठाउँकी मिकीङ थे पाटी मेलेबा ईन सिन खिदुक,” सिन सिदुक।