शक्ति काम 17:4 - जिरेल

⁴ थेकी खाबाते थे बाततेबा थोकीन यहूदी नाङ कोई कोईचेन दि बात सत्‍यतेराङ ईन सिन पावलताङ सिलास छ्य्‌वापा लै खासुङ। थोकराङ खाईन परमेश्‍वरला माने खित्‍कान्‍ते ग्रीकओनोङ काल्‍बेई थेबे छ्य्‌वापा लै खासुङ। थे ग्रीकओन नाङ थे सारगी छ्ये छ्ये फेम्‍मे मिङ आदोराङ ओतान।

शक्ति काम 17:4 Iomraidhean Croise

यूहन्‍ना 7:35

थेकी थोक सिरजीन यहूदीओनते छ्ये छ्ये मिकी “आछ्यि दिकी चुकस्‍यिक बात खिका। ङुरूङगी थेपराङ मेथेप्‍साला डुइओ सिरच्‍या दि खापा ड्वाप सिताका? ना दि ठाउँ ठाउँला ग्रीकओन नाङ गाल्‍गीन देता ओताते यहूदीओन ओत्‍साला गाल्‍ला ग्रीकओनला दि खोरोङ बात लोपा सिताका?

शक्ति काम 13:43

थेरू मिटिङ सिन्‍नामेई यहूदीओन थेमे यहूदी धर्म माने खिताला स्‍यूकीन परमेश्‍वरला माने खित्‍कान्‍ते ज्‍येन ज्‍येन जातकी मि काल्‍बेई पावलताङ बारनाबास तिरी तिरी गाल्‍सुङ। थेमे थेबा ङिबोकी थे मिओनला “परमेश्‍वरगी ख्‍योकोनला दया खाबा ओतेकी था जस्‍तो ओङसीनोङ ख्‍योकोन येशूला विश्‍वास खिनराङ देत,” सिन सिदुक।

शक्ति काम 13:50

थोक ओङजीन यहूदीओनगीचेन पावलताङ बारनाबासला लेमु मि मेन सिन थे सारगी छ्ये छ्ये मि थेमे थेरू परमेश्‍वरला माने खित्‍कान्‍ते छ्युक्‍पु छ्युक्‍पुते फेम्‍मे मिला लुकीन खोपरोङ लाःक्‍तु लासुङ। थोक खाईन थेबाबरी गाङेराङ डिगीन पावलताङ बारनाबासला दुक्‍पा बिन्‍गीन थेरूकी उरगीन ताङसुङ।

शक्ति काम 14:1

आइकोनियमदु लेप्‍नामेकी पावलताङ बारनाबासकी ज्‍येन ठाउँला च्‍योकराङ खाईन यहूदीओनते मिटिङ खित्‍च्‍येते खाम्‍बादु गाल्‍गीन थेरूङ बात खिताला स्‍यूसुङ। थेबा ङिबोकी येशू बात आउदी लेमु खाईन लापेकी थेरू यहूदीओनताङ ज्‍येन ज्‍येन जातकी मि काल्‍बेईकी थे बात ङेन्‍गीन येशूला विश्‍वास खिताला स्‍यूसुङ।

शक्ति काम 14:4

थोक ओङगीन ओङगीनलाराङ थे सारदु मिओन हूल ङि गाल्‍सुङ। थेबाचेन हूलज्‍यीक येशू बात मेङेन्‍कान्‍ते यहूदीओन छ्य्‌वापा थेमे ज्‍येनचेन येशू ख्रीष्‍टकी खटे खाबाते पावलताङ बारनाबास छ्य्‌वापा लै खासुङ।

शक्ति काम 15:22

याकूबकी थोक सानामेकी थेरू येशू ख्रीष्‍टकी खटे खाबाते मिओन, येशू ख्रीष्‍ट मिओनला ताकान्‍तेबा थेमे येशू ख्रीष्‍ट मि गाङेकी थे बात ङेन्‍गीन “लो था ङुरूङगी ङुरूङ नाङदुई कोई कोईला छाने खाला च्‍याला पावल थेमे बारनाबासताङराङ एन्‍टिओखियापा तोङगी,” सिन सल्‍लाह खासुङ। थेमे खोपरोङ नाङदुई बारसाबास सिराते यहूदाताङ सिलासला छाने खासुङ। थेबा ङिबोचेन थेरू खोपरोङ नाङ छ्येते मि ओतान।

शक्ति काम 15:27

दोक खाईन ङ्योकोनगी सल्‍लाह खाईन दि चिट्ठीला टिबाते बात ख्‍योकोनला खेकीङ लेमु खाला लोःप सिन यहूदाताङ सिलासला ख्‍योकोन ओत्‍सापा ताङा ओत।

शक्ति काम 15:32

यहूदाताङ सिलासोङ ङिकाराङ परमेश्‍वर बात खित्‍कान्‍ते मि ओतान। थेबेकी थेरू आज्‍यो न्‍वाओनला चुक चुक खिता फाप्‍कीते सिन लाप्‍कीन बिन्‍गीन जस्‍तोराङ ओङसीनोङ प्रभु येशूला विश्‍वास खिन देता मातोङ सिन आँटोङ बिन्‍सुङ।

शक्ति काम 15:40

पावलगीचेन सिलासला थेत्ताङ खेरच्‍ये विचार खासुङ। थेमे पावलताङ सिलासला एन्‍टिओखियादु ओताते आज्‍यो न्‍वाओनगी प्रभु येशूकी ख्‍योकोनला दया खाला आशी तेरस्‍यीत साकीन थेरूकी ताङसुङ।

शक्ति काम 16:3

तिमोथीला ठेत्‍नामेकी पावलगी येशू बात लोपाला थेलाङ ङ्योम्‍बुराङ खेरा चाल्‍सुङ। तर तिमोथीबे आबा ग्रीक ईन्‍देकी तिमोथीला खतकी चिनु जोबा मेत सिन थे फेरो यहूदी गाङेला छ्या ओतान। थोगी पावलगी थेला खतकी चिनु जोकीन बिन्‍सुङ।

शक्ति काम 17:10

थोक ओङनामेकी थे छोमु नाम स्‍योनामेकी थेरू आज्‍यो न्‍वाओनगी पावलताङ सिलासला बेरियापा ताङसुङ। थेपा लेप्‍नामेकी थेबा थेरूङ यहूदीओनते मिटिङ खित्‍च्‍येते खाम्‍बादु गाल्‍सुङ।

शक्ति काम 17:12

थेमे यहूदी काल्‍बेईकी येशूराङ ख्रीष्‍ट दुका सिन थेला विश्‍वास खिताला स्‍यूसुङ। थोकराङ खाईन ग्रीकओन नाङ छ्ये छ्ये फेम्‍मे मित्ताङ ख्‍योओ मिकीङ काल्‍बेईकी येशूला विश्‍वास खिताला स्‍यूसुङ।

शक्ति काम 17:14

थोक ओङनामेई थेरू आज्‍यो न्‍वाओनगी पावलला थेरू मोज्‍योकी सिन थेला ज्‍येननापा तोङाला समुन्‍द्रे छेउनामा केल ताङसुङ। सिलासताङ तिमोथीचेन थेरूराङ देत्‍सुङ।

शक्ति काम 17:17

थेकी थेरू यहूदीओनते मिटिङ खित्‍च्‍येते खाम्‍बादु गाल्‍गीन यहूदीओन थेमे परमेश्‍वरला माने खित्‍कान्‍ते ग्रीकओनताङ छलफल खिन येशू बात लाप्‍सुङ। थेमे ङीमे ठाङमा थे सारदु मिओन रूक्‍सादु गाल्‍गीन थेरू ओङकान डोकान मिओनलाङ थोकराङ खाईन येशू बात लाप्‍सुङ।

शक्ति काम 17:34

थेकी साबाते बात ङेन्‍गीन मि कोई कोई थे छ्य्‌वापा लै खाईन येशूला विश्‍वास खिताला स्‍यूसुङ। थेबे नाङ दोक्‍पोईचेन थे अरियोपागसदु जम्‍मा ओङाते डियनुसियस सिराते छ्येते मि थेमे ज्‍येनतेचेन डामारिस सिराते फेम्‍मे मि ओतान।

शक्ति काम 18:4

ईन्‍सीनोङ सन्‍चारी छोमु छोमुचेन पावल यहूदीओनते मिटिङ खित्‍च्‍येते खाम्‍बापा गाल्‍ला थेरू जम्‍मा ओङकान्‍ते यहूदीताङ ग्रीकओनला येशू बात सत्‍यते बात ईन सिन छलफल खाला खाला लेमु खाला लोप्‍कीन ओतान।

शक्ति काम 19:10

लो ङिसाक थे थेरूराङ थोक खाला लोप्‍कीन देत्‍सुङ। थोक खाईन एशिये अञ्‍चल खाङ प्रभु येशू बात फैले खाईन थेङला ओताते यहूदी ईन्‍स्‍यीत, ग्रीक ईन्‍स्‍यीत गाङेकी थे बात थोसुङ।

शक्ति काम 2:44

येशूला विश्‍वास खित्‍कान्‍तेबा गाङेराङ डिक्‍ला थुन्‍ला देत्‍कीन ओतान। थेबे नाङ खोपरोङताङ जेराङ ओत्‍सीनोङ दि ङेतेताङ थे खुईते सिरच्‍येते छ्याःङ ओङगीन मेतान।

शक्ति काम 21:28

“ए आज्‍यो न्‍वावे, लो गाङेराङ छिटो स्‍योक। था दिला ठीक पारे खिता फाप्‍क्‍यो। गाङेपा युला ङुरूङ जातकी विरोध खित्‍कान्‍ते दिराङ ईन। गाङेपे मिला परमेश्‍वर नियम ङेन्‍दा थोङ सिन सिरकान्‍ते, परमेश्‍वर मन्‍दिर छ्याःङ मेन सिन लोप्‍कीन ख्‍याम्‍कान्‍ते दिराङ ईन। दोस्‍यिककामा मेन, दिकी आनाङ भर्खरकामा ग्रीकओनलाङ दि मन्‍दिर नाङ लुगीन मन्‍दिरराङ बिटुले खादुक,” सिन छेरा खासुङ।

शक्ति काम 28:24

थे मिओन नाङ कोई कोईकी पावलगी साबाते बात सत्‍यतेराङ दुका सिन लेमु खाईन ङेन्‍सुङ। कोईकीचेन दिङ चुक खाला ईन्‍दे बात ओङगीते सिन पत्तेराङ माक्‍यासुङ।

शक्ति काम 4:23

थेरूकी ताङनामेकी पत्रुसताङ यूहन्‍ना येशूला विश्‍वास खित्‍कान्‍ते ज्‍येनतेबा ओत्‍सापा ग्‍युरगीन गाल्‍सुङ। थेमे छ्ये छ्ये पूजारीताङ ज्‍येन छ्ये छ्ये मिकी साबाते बातबरी गाङे थेबाला लाःप्‍सुङ।

२ कोरिन्‍थी 8:5

थेबेकीनी ङ्योकोनगी विचार खाबा भन्‍दाङ ल्‍हाक्‍पा खासुङ। गाङे भन्‍दा गोमानी थेबेकी ङेत प्रभु येशूकी खि साबा च्‍योकराङ खिओ साकीन थोकराङ खिताला स्‍यूसुङ। थेमे ङ्योकोनगी लापाते बातओनोङ लेमु खाईन ङेन्‍सुङ। दोक खाईन थेबेकी परमेश्‍वरगी खित ज्‍युता चालाते काम खासुङ।