शक्ति काम 17:3 - जिरेल

³ परमेश्‍वरगी तोङगो साबाते ख्रीष्‍ट दुरू वानामेई दुक्‍पा भोगे खाला स्‍यिइओ तर स्‍यिसादुकी लोक्‍ला सोम्‍बो लोइओ सिरच्‍येते बात थेरू मिओनला लेमु खाईन लाप्‍कीन बिन्‍सुङ। थोक खाईन थेरू मिओनताङ बात खिन थेकी “येशूराङ ख्रीष्‍ट ईन। थे बात लोपालाराङ ङा दुरू वाबाते ईन,” सिन सासुङ।

शक्ति काम 17:3 Iomraidhean Croise

लूका 24:32

थोक ओङनामेई थेबा ङिबोकी “आनाङ ओङजीन परमेश्‍वर बातला टिबाते बात लोप्‍कान्‍तेनी प्रभु येशू थे खोरोङराङका ईन्‍दा दुका। थोगीराङ ङुरूङला आउदी आनन्‍द लाबा ओतान,” सिन सासुङ।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

लूका 24:46

दोक खाला लाप्‍ला तेरजीन थेकी थेबाला “परमेश्‍वर बातला परमेश्‍वरगी तोङगो साबाते ख्रीष्‍टकी आउदी दुक्‍पा भोगे खाला स्‍या फाप्‍क्‍यो। तर स्‍याप्‍ते ङीमा सुमगी छोमु सोम्‍बो लोइओ सिन टिबा ओत।

यूहन्‍ना 20:9

येशू स्‍यिनामेई सोम्‍बो लोइओ सिन परमेश्‍वर बातला टिबाते बात थेबेकी थेजीनसाकोङ खोबा मेतान।

शक्ति काम 1:4

थेबाताङ ठेत्‍कीन ङ्योम्‍बुराङ देता ओते बेलाला ङीमाई थेकी “ख्‍योकोन दि बात ङेन। ङे ख्‍योकोनला गोमाका साबा ओता च्‍योकराङ ङे आबेकी तेरग्‍यो सिन साबाते परमेश्‍वर आत्‍मा था ख्‍योकोनगी ङेत्‍क्‍यो। थे माङेतथुप ख्‍योकोन दि यरूशलेम सारदुकी खापाङ मोन्‍डोबा खाला दुरूराङ गुला देत।

शक्ति काम 18:28

च्‍यिला सासीन थेकी थेरू लोप्‍जीन ख्रीष्‍टकी विषयला परमेश्‍वर बातला गोमाका टिबाते बात पढे खाईन येशू परमेश्‍वरगी तोङगो साबाते ख्रीष्‍टराङ ईन सिन मि गाङे दोन्‍दु लेमु खाईन लाप्‍कीन बिन्‍गीन येशूला ख्रीष्‍ट मेन सिन सिरकान्‍ते यहूदी गाङेते खा टाले खासुङ।

शक्ति काम 18:5

सिलासताङ तिमोथी म्‍यासिडोनियादुकी थेरू वानामेकीचेन ज्‍येनते काम ताङगीन पावलगी खालि गा लाङच्‍येते बातकामा लोपाला स्‍यूसुङ। थेकी यहूदीओनला येशूराङ परमेश्‍वरगी तोङगो साबाते ख्रीष्‍ट ईन सिन ठोके खाईन लाप्‍सुङ।

शक्ति काम 3:18

ईन्‍दानी थे खोरोङगी तोङगो साबाते ख्रीष्‍टकी दुक्‍पा ङेत्‍क्‍यो सिन परमेश्‍वरगी थोङलाकाराङ थे खोरोङ बात खित्‍कान्‍ते मिबरीला सिर च्‍युता ओतान। ख्‍योकोनगी येशूला सेत्‍जीन परमेश्‍वरगी थे खोरोङगी सिर च्‍युताते बात साबा च्‍योकराङ ओङ च्‍युत्‍सुङ।

शक्ति काम 9:22

शावलगीचेन येशू बात झन झन लेमु खाईन लोपाला स्‍यूसुङ। थोक खित्‍जीन थेकी “परमेश्‍वरगी तोङगो साबाते ख्रीष्‍टला चुक चुक ओङगीते सिन परमेश्‍वर बात खित्‍कान्‍ते मिओनगी गोमाका साबा ओताते बातओन येशूकी पूरो खासुङ। थोगी ख्रीष्‍टचेन येशूराङ ईन,” सिन ठोके खाईन बात खासुङ। थोक सिरजीन दमस्‍कसदु ओताते यहूदीओन अलमल्‍ल परे खासुङ।

गलाती 3:1

गलातिये मिवे, ख्‍योकोन च्‍यिला लेम्‍बे काम खिता छोल्‍गीते? ख्‍योकोनला सुई च्‍यि कुल्‍गीन लै खाईन दोक गाल्‍सुङा? येशू ख्रीष्‍टला स्‍यिङगी थामला टाँए खाईन सेताते बात ङे ख्‍योकोनला लेमु खाईन खोबा खाईन बिन्‍दा ओतान मेन?