शक्ति काम 16:9 - जिरेल

⁹ त्रोआसदु लेपे छोमु ग्‍वाका परमेश्‍वरगी पावलला मिलाम खित ज्‍युताच्‍योक खित च्‍युत्‍तुक। थोक ओङजीन पावलगी म्‍यासिडोनिये लुङबे मिज्‍यीगी थे ओत्‍सादु वाकीन “ओर्च्‍ये, ङ्योकोन ओत्‍सापा वाला ङ्योकोनला मद्धत नाङ,” सिन सिरा थोङदुक।

शक्ति काम 16:9 Iomraidhean Croise

शक्ति काम 10:3

ङीमाई ग्‍वासे तीन बजे नाङला परमेश्‍वरगी थेला मिलाम खित ज्‍युताच्‍योक खित च्‍युत्‍सुङ। च्‍यि सासीन थेकी परमेश्‍वर दूतज्‍यीकला थे खोरोङ दोन्‍दु वाबाते लेमु खाईन थोङसुङ। थे दूतकी थेला “कर्नेलियस,” सिन काताङसुङ।

शक्ति काम 10:30

थेकी थोक सानामेकी कर्नेलियसकी “हजूर, ङीमा स्‍यी गोमा होथामजोबा ग्‍वासे तीन बजे प्रार्थना खिते बेलाला ङा खाम्‍बादुराङ परमेश्‍वरला प्रार्थना खिन ओतान। प्रार्थना खिन खिनला ङे आउदी कार्मुज्‍यीक खोलाक खोन्‍दाई मिज्‍यीकला ङाराङ दोन्‍दु ओङा थोङसुङ।

शक्ति काम 16:10

पावलला थोक ओङनामेकी था गा लाङच्‍येते बात लोपाला पावलबा ङ्योकोन गाङेला परमेश्‍वरगी म्‍यासिडोनियापा तोङा चालाते दुका सिन छ्या स्‍येकीन ङ्योकोन गाङेराङ थेपा ड्वाप्‍ला जेसुकै ठिक्‍क खाबाप।

शक्ति काम 16:12

थेमे थेरूकी ख्‍याम्‍गीन म्‍यासिडोनिये लुङबे फिलिप्‍पी सारनापा लेपाप। थे सारचेन थे लुङबेते छ्येते सार ओतान। थेरू काल्‍बा च्‍योक्‍ते रोमीओन देत्‍कीन ओतान। ङ्योकोनोङ टिक्‍पी दिन थेरूराङ देताप।

शक्ति काम 18:5

सिलासताङ तिमोथी म्‍यासिडोनियादुकी थेरू वानामेकीचेन ज्‍येनते काम ताङगीन पावलगी खालि गा लाङच्‍येते बातकामा लोपाला स्‍यूसुङ। थेकी यहूदीओनला येशूराङ परमेश्‍वरगी तोङगो साबाते ख्रीष्‍ट ईन सिन ठोके खाईन लाप्‍सुङ।

शक्ति काम 19:21

थेरूकी पावलगी म्‍यासिडोनियाताङ अखैये लुङबापेई खाला यरूशलेमपा डोच्‍ये टुङ्गो खासुङ। थेपा गाल्‍नामेई ङा रोम सारदु ड्वा फाप्‍क्‍यो सिरच्‍येते बादोङ थेकी खासुङ।

शक्ति काम 19:22

थेमे थेकी थे खोरोङताङ येशू बात लोप्‍च्‍येते काम खित्‍कान्‍ते तिमोथीताङ इरास्‍तसला टिक्‍पी गोमा म्‍यासिडोनियापा ताङसुङ। थे खोरोङचेन टिक्‍पी दिन थेरू एशिये अञ्‍चल नाङलाराङ देत्‍सुङ।

शक्ति काम 19:29

थेबेकी थोक खाला छेरा खित्‍जीन थे सारराङ थर्के खासुङ। थेमे च्‍यि ओङका सिन सार खाङ हल्‍ला खल्‍ला मच्‍चे खासुङ। थेमे थेरू मिओनगी पावलताङ र्‍वा खाईन ख्‍याम्‍बाते मेन्‍दा ङि मिला जुम्‍गीन ठुत्‍कीनकामा खेरगीन मि गाङेराङ जम्‍मा ओङला तेमु ताच्‍येते ठाउँदु क्‍याल्‍सुङ। थेबा ङिबोचेन म्‍यासिडोनिये लुङबे गायसताङ अरिस्‍तार्खस सिरातेबा ओतान।

शक्ति काम 20:1

थोक खाईन थे होहल्‍ला तोरनामेकी पावलगी थेरू येशू चेला गाङेला काताङसुङ। थेमे थेकी था ङा ड्वामीन। जस्‍तो ओङसीनोङ येशूला विश्‍वास खिन देता मातोङ सिन थेबाला आँट बिन्‍सुङ। थेमे थे थेरूकी म्‍यासिडोनिये लुङबापा गाल्‍सुङ।

शक्ति काम 20:3

थेमे दावा सुमसाक थेरूराङ देत्‍सुङ। थेरूकी थे पानीजहाजला जेला सिरिये लुङबापा ड्वाप्‍ला ठीक खासुङ। थे थेपा डोजीन ग्रीसदु यहूदीओनगी थेला पानीजहाजलाराङ सेत्‍च्‍येते ठो खाला दुक्‍लो सिन थोबेकी थे सिरियापा पानीजहाजला मोन्‍डोबा खाईन म्‍यासिडोनियापा खाला ड्वा फाप्‍सुङ सिन थेपाराङ खाईन गाल्‍सुङ।

शक्ति काम 27:2

थेरू ङ्योकोन गाङेराङ एड्रामिटियम सिरसादुकी वाबाते पानीजहाजला जेबाप। थे जहाजचेन एशिये अञ्‍चल छेउकी नाङला फाप्‍च्‍येते ठाउँ ठाउँ ड्वाप्‍ला ठीक खाबा ओतान। ङ्योकोनताङ म्‍यासिडोनिये लुङबे थिस्‍सलोनिकापे अरिस्‍तार्खस सिरातेङ ओतान।

शक्ति काम 9:38

थेरू येशू चेलातेबेकी पत्रुस लिड्डापा दुक्‍लो सिरा थोकीन थेला होत्ता देपा स्‍योक सि सिन लिन्‍दाला मेन्‍दा ङि मि ताङसुङ। लिड्डाचेन योप्‍पादुकी काल्‍बा थारी मेतान।

रोमी 15:26

बात चुक ओङसुङा सासीन म्‍यासिडोनियाताङ अखैये लुङबादु ओताते परमेश्‍वर सन्‍तानओनगी यरूशलेमदु ओताते दुक्‍पा ङेता ओताते परमेश्‍वर सन्‍तानओनला मद्धत तेरा फाप्‍क्‍यो सिन ठो खाईन थेबे लाईदु पैसा जम्‍मा खाबा ओतान।

२ कोरिन्‍थी 11:9

ख्‍योकोनताङ ङ्योम्‍बु देत्‍जीन ङाराङला मादाङजीनोङ ङे सुङताङ छ्याःङ नाङ मासा। ङाला खाँचो परे खाबे बेलाला म्‍यासिडोनियादुकी ओङकान्‍ते आज्‍यो न्‍वाओनगी पैसा खुलाकीन बिन्‍दा ओतान। दोक खाईन ङे ख्‍योकोनला गोमाबाङ छ्याःङज्‍यीक खाङज्‍यीक दुक्‍पा माबिन, थाङ नोमुङ थोक मिक्‍किओ।

२ कोरिन्‍थी 12:7

ङाराङला छ्या स्‍ये च्‍युताते होथे अचम्‍बते बातओन खाला ङा छ्ये मिक्‍किस्‍यीत सिन परमेश्‍वरगी ङाला सुकज्‍यीक देक च्‍युत्‍सुङ। ङा छ्ये मिक्‍किस्‍यीत सिन थेकी शैतान दूतज्‍यीकला ङाला दोक खाला सुक लोङ च्‍युत्‍सुङ।

२ कोरिन्‍थी 7:5

चुक सासीन म्‍यासिडोनिये लुङबापा ख्‍योल्‍नामेकीङ मिओनगी ङ्योकोनला मिगी थोङसार्मु खित्‍च्‍येतेताङ दुक्‍पा तेरच्‍येते बाई ज्‍येनतोक छ्याःङ माक्‍यासुङ। छ्य्‌वाच्‍यीकपा ङेराङला थोक दुक्‍पा ओङगीन ओतान सासीन लोक्‍ला सेमगी नाङचेन येशू ख्रीष्‍ट मिओनला च्‍यि ओङाना, चुक ओताना सिन आउदी ज्‍यीबा लाबा ओतान।

२ कोरिन्‍थी 8:1

आज्‍यो न्‍वावे, थाचेन ङा ख्‍योकोनला म्‍यासिडोनिये लुङबादु ठाउँ ठाउँला जम्‍मा ओङकान्‍ते येशू ख्रीष्‍ट मिओनगी परमेश्‍वरगी खोपरोङला दया खाबेकी खित्‍सादु चुक चुक खासुङा सिन सिरामीन।

२ कोरिन्‍थी 9:2

थे पैसा जम्‍मा खिताला ख्‍योकोनगी चुक आउदी सेम खाबा ओते सिन ङाला लेमुराङ खाला छ्या ओत। ख्‍योकोनगी थोक लेमु खिन ओताते बात खिन ङे म्‍यासिडोनियादु ओताते येशू ख्रीष्‍ट मिओनला अखैयादु ओताते ख्‍योकोनगी ननीङमेईराङ पैसा जम्‍मा खिताला स्‍यूबा ओतान सिन लाःपाप। दि बात थोनामेई आँट ङेत्‍कीन थेबा काल्‍बा च्‍योक्‍तेकी ख्‍योकोनगी खाबा च्‍योकराङ खिताला आउदी सेम खाबा ओत।

१ थिस्‍सलोनिकी 4:10

ईन्‍दाबोङ म्‍यासिडोनिये लुङबा खाङ ओताते आज्‍यो न्‍वा गाङेला ख्‍योकोनगी ङिङज्‍ये खिनराङ दुक। ओर्च्‍ये, आज्‍यो न्‍वाबा ख्‍योकोनगी झन लेमु खाला दोक खिनराङ देत।