शक्ति काम 16:6 - जिरेल

⁶ थोक खाला युगीन डोजीन पावलबा एशिये अञ्‍चल नाङपा गा लाङच्‍येते बात लोप ड्वा चाल्‍सुङ। तर परमेश्‍वर आत्‍मेकी थेबाला थेङपा डोर माच्‍युत्‍सुङ। थोगी थेबा फ्रिगियाताङ गलातिये अञ्‍चल नाङपा खाईन गाल्‍सुङ।

शक्ति काम 16:6 Iomraidhean Croise

लूका 1:2

थेबेकी टिबाते बातचेन नाम चुक ओङाते ईन्‍दे, चुक्‍ते ईन्‍दे सिन शुरूमेई थोङकान्‍तेताङ थोकान्‍ते मिओनगी साबाते बात ईन। खोपरोङगी थोङातेताङ थोबाते बातओन थेबेकी ङुरूङलाङ लाप्‍कीन बिन्‍दा ओत। थे मिओनचेन होदि बातओन लोपालाराङ खटे खाबाते ईन।

शक्ति काम 10:19

थेतेसाकोङ पत्रुसचेन परमेश्‍वरगी मिलाम खित ज्‍युताच्‍योक खाईन थे खोरोङला तेन्‍गीन बिन्‍दाते बातराङ विचार खिन ओतान। थेमे परमेश्‍वर आत्‍मेकी थेला “पत्रुस, खो खोक लाला मिमा ग्‍युक। खोल्‍ला लिन्‍दाला थेमा मेन्‍दा सुम मि वाला दुक।

शक्ति काम 11:12

थेमे परमेश्‍वर आत्‍मेकी ङाला ‘दिबाताङ चुक खाला ड्वाबे सिराच्‍योक खाला अप्‍ठेरो माने मिक्‍किता खाला खो खोल्‍ला लिन वाबाते मिओनताङ ग्‍युक,’ सिन सिदुक। थेमे ङा थेबाताङ सिजरियापा गालाप। दुरू ङात्ताङ ओताते दि आज्‍यो न्‍वाबा मेरा ठुगोङ ङात्ताङ ङ्योम्‍बुराङ थेपा गाला ओतान। ङ्योकोन गाङेराङ थे मिल्‍टेरी क्‍याप्‍टेन खाम्‍बे नाङ स्‍यूबाप।

शक्ति काम 16:7

थेमे थेबा माइसिये अञ्‍चल खादु लेप्‍सुङ। थेरू लेप्‍नामेकी थेबा बिथिनिये अञ्‍चलपा ड्वा चाल्‍सुङ। तर गोमा च्‍योकराङ खाईन येशू आत्‍मेकी थेबाला थेपाङ डोर माच्‍युत्‍सुङ।

शक्ति काम 18:23

टिक्‍पी दिन एन्‍टिओखियादु देत्‍नामेकी याङराङ थे गलातियाताङ फ्रिगिये अञ्‍चल नाङपा गाल्‍सुङ। थेमे थेङला ओताते येशू चेलाओनला ठेता खाईन थेकी गाङेला जस्‍तोराङ ओङसीनोङ येशूला विश्‍वास खिता मातोङ सिन आँट बिन्‍सुङ।

शक्ति काम 19:10

लो ङिसाक थे थेरूराङ थोक खाला लोप्‍कीन देत्‍सुङ। थोक खाईन एशिये अञ्‍चल खाङ प्रभु येशू बात फैले खाईन थेङला ओताते यहूदी ईन्‍स्‍यीत, ग्रीक ईन्‍स्‍यीत गाङेकी थे बात थोसुङ।

शक्ति काम 20:16

एशिये अञ्‍चल नाङला काल्‍बासाक अलमल खिता मेङगो सिन पावलगी एफिससपा मोन्‍डोओ सिन साबा ओतान। च्‍यिला सासीन थुपासम्‍म पेन्‍तिकोस चाडला यरूशलेमपा लेपाप सिन थे हतार हतार खाला डुइन ओतान।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

शक्ति काम 20:4

थेजीन थेत्ताङ ज्‍येन ज्‍येन मिङ ङ्योम्‍बुराङ ओतान। थेबाचेन बेरियापे पाईरस सिराते मि फुज्‍युङ सोपाटर, थिस्‍सलोनिकापे अरिस्‍तार्खसताङ सिकन्‍डस, डर्बीपे गायस थोकराङ खाईन तिमोथी थेमे एशिये अञ्‍चल टाइकिकसताङ त्रोफिमस सिरातेबा ओतान।

शक्ति काम 21:27

थेमे थे ङीमा दुईन चोके खित्‍च्‍येते दिन छाङा खाबा ओतान। थे बेलालाराङ एशिये अञ्‍चलदुकी वाबाते यहूदीओनगी पावलला परमेश्‍वर मन्‍दिर नाङ थोङसुङ। थेमे थेबेकी पावलला जुम्‍गीन मि गाङेला उल्‍के खिन

शक्ति काम 6:9

तर कोई कोई यहूदीला थेकी खाबाते कामताङ बात लेमु मालाकीन थेबा थेत्ताङ माडिक्‍सुङ। थेबेते मिटिङ खित्‍च्‍येते खाम्‍बाङ खोपरोङते खुदुकराङ ओतान। थेबाला योक्‍पो योङमु खित्‍सादुई ताङाते मि ईन सिन सिरच्‍येते खिन ओतान। साइरेनीताङ अलेक्‍जेन्‍ड्रिया सार थेमे सिलिसियाताङ एशिये अञ्‍चल नाङपेकी वाकीन देताते ज्‍येन ज्‍येन यहूदीङ दिबाताङ डिक्‍पा ओतान। होदिबा गाङेराङ डिगीन स्‍तिफनसकी खाबाते बात ङेन्‍दा ओङच्‍येते मेन सिन थेत्ताङ टेकाटेउरी खासुङ।

शक्ति काम 8:29

थेमे परमेश्‍वर आत्‍मेकी फिलिपला “लो खो थे बग्‍गी खादु गाल्‍ला थेत्ताङराङ ख्‍योम,” सिन कोत्‍सुङ।

रोमी 16:5

थेबे खाम्‍बादु जम्‍मा ओङकान्‍ते येशू ख्रीष्‍ट मिओनलाङ ङेते नमस्‍ते ओत सि। थेमे ङे ङिङज्‍येते र्‍वा इपेनितसलाङ नमस्‍ते ओत सि। एशिये लुङबादु येशू ख्रीष्‍टला विश्‍वास खित्‍कान्‍ते मिओन नाङ गाङे भन्‍दा गोमा थेला विश्‍वास खित्‍कान्‍ते मि थेराङ ईन।

१ कोरिन्‍थी 12:11

मिओनला होदि गाङे काम खित ज्‍युत्‍कान्‍ते परमेश्‍वर आत्‍माचेन दोक्‍पोईराङ ईन। सु सुला च्‍यि खित्‍च्‍येते सीपताङ शक्ति तेरच्‍ये सिन छ्या स्‍येला थेकी मि दाक्‍पोन दाक्‍पोनला होथोक खुदुक खुदुक काम खित्‍च्‍येते सीपताङ शक्ति तेरग्‍यो।

१ कोरिन्‍थी 16:1

थेमे ज्‍येन बात यरूशलेमदु परमेश्‍वर मिओनला तेराला पैसा जम्‍मा खित्‍जीन ख्‍योकोनगीङ ङे गलातिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मिओनला साबा च्‍योकराङ खाला जम्‍मा खि।

१ कोरिन्‍थी 16:19

एशिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मिओनगी ख्‍योकोनला नमस्‍ते ओत्‍लो। अक्‍वीलाताङ प्रिस्‍का थेमे थेबे खाम्‍बादु जम्‍मा ओङकान्‍ते येशू ख्रीष्‍ट मिओनतेङ प्रभु येशू छ्य्‌वापेई ख्‍योकोनला काल्‍बेई नमस्‍ते ओत्‍लो।

२ कोरिन्‍थी 1:8

आज्‍यो न्‍वावे, थाचेन ङा ख्‍योकोनला एशिये अञ्‍चलदु ओत्‍जीन ङ्योकोनगी चुकस्‍यिक दुक्‍पा भोगे खिता फापा ओताने सिन सिरामीन। थेरू ङ्योकोनगी नोमुङ टोक ज्‍येता मुथुप्‍च्‍याज्‍यीक खपेराङ खिता मुथुप्‍च्‍याई दुक्‍पा भोगे खिता फापा ओतान। था सोन्‍दा थुबोङ सिरच्‍येतेनी ङ्योकोनते सेमगी छेउलाङ मेतान।

गलाती 1:2

गलातिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मि ख्‍योकोन गाङेला ङा दि चिट्ठी टिगीन ओत। दुरू ङात्ताङ ओताते आज्‍यो न्‍वाओनतेङ ख्‍योकोनला नमस्‍ते ओत्‍लो।

गलाती 3:1

गलातिये मिवे, ख्‍योकोन च्‍यिला लेम्‍बे काम खिता छोल्‍गीते? ख्‍योकोनला सुई च्‍यि कुल्‍गीन लै खाईन दोक गाल्‍सुङा? येशू ख्रीष्‍टला स्‍यिङगी थामला टाँए खाईन सेताते बात ङे ख्‍योकोनला लेमु खाईन खोबा खाईन बिन्‍दा ओतान मेन?

२ तिमोथी 1:15

थेमे एशिये अञ्‍चलदु येशूला विश्‍वास खित्‍कान गाङेराङ ङे छ्य्‌वापेई ठाल्‍गीन सिन्‍दा ओत। थोक खित्‍कान्‍तेबे नाङ फाइगेलसताङ हर्मोगेनसोङ ईन। दि बातओन खोल्‍ला छ्या मेताते मेन।

२ तिमोथी 4:10

डेमासकीचेन दि जुनी बातकामा विचार खाईन ङाला ताङगीन थिस्‍सलोनिकापा गाल्‍सुङ। ज्‍येन ङात्ताङ ओतातेबे नाङ क्रेसेन्‍सचेन गलातिये अञ्‍चलपा थेमे तीतसचेन दलमातियापा गाला ओत।

हिब्रू 11:8

अब्राहामोङ परमेश्‍वरगी थे खोरोङला ज्‍येनज्‍यीक लुङबा तेरग्‍यो, थेपा ग्‍युक सिन सानामेई थेला विश्‍वास खाईन थे खोरोङ लुङबा ताङगीन ख्‍याम्‍सुङ। थोक खाला ख्‍याम्‍जीन ङा दि ठाउँदुराङ डुइन ओत सिन थेला छ्याःङ छ्या मेतान।

१ पत्रुस 1:1

दि चिट्ठी टिक्‍कान्‍ते ङा पत्रुस ईन। ङा येशू ख्रीष्‍टकी खटे खाबाते मि ईन। ङा दि चिट्ठी पोन्‍टस, गलातिया, कापाडोसिया, एशिया थेमे बिथिनिये नाङला मि लुङबे मि च्‍योकराङ ओङगीन लुङबा लुङबाला गाल्‍गीन देता ओताते मिओनला टिगीन ओत। ख्‍योकोन परमेश्‍वरगी छाने खाबाते मि ईन।

छ्या स्‍ये च्‍युताते बात 1:11

थेकीचेन “खुई च्‍यि च्‍यि थोङगीका थे गाङे बात स्‍यिउला टिला च्‍याला एफिसस, स्‍मर्ना, पर्गामम, थिआटीरा, सार्डिस, फिलाडेल्‍फियाताङ लाओडिसिया होदि सार दुईनकारदु जम्‍मा ओङकान्‍ते येशू ख्रीष्‍ट मिओनला थोङ,” सिन सिदुक।

छ्या स्‍ये च्‍युताते बात 1:4

एशिये अञ्‍चलदु फाप्‍च्‍येते सार दुईनकारदु जम्‍मा ओङकान्‍ते येशू ख्रीष्‍ट मिओन ख्‍योकोन गाङेला ङा यूहन्‍ना दि बातओन टिगीन ओत। परमेश्‍वर थेमे थे खोरोङ सिंहासन दोन्‍दु ओताते परमेश्‍वर आत्‍मा दुईनबोताङ येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत। परमेश्‍वर थरिङोलाङ ओत, गोमामेकीराङ ओतान थेमे सधैँभरि देत्‍कान्‍तेङ थेराङ ईन। परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते येशू ख्रीष्‍ट ईन। स्‍याप्‍ते मिओन नाङ गाङे भन्‍दा गोमा नोमुङ मिस्‍यिच्‍या खाला सोम्‍बो लोक्‍कान्‍तेचेन थेराङ ईन। थेचेन दि लुङबा मुलुक गेल्‍बोओनतेङ गेल्‍बो ईन। येशूचेन ङुरूङला आउदी ङिङज्‍ये खित्‍कान्‍ते ईन। ङुरूङ लाईदु स्‍यिजीन थे खोरोङ जीउदुकी थेन्‍दाते ठागी खित्‍सादु थेकी ङुरूङला पापदुकी टाल्‍सुङ,