शक्ति काम 16:2 - जिरेल

² तिमोथीला लिस्‍त्राताङ आइकोनियम सारगी आज्‍यो न्‍वाओनगी लेमु मि ईन सिन मन परे खाबा ओतान।

शक्ति काम 16:2 Iomraidhean Croise

शक्ति काम 1:15

येशूला विश्‍वास खित्‍कान्‍ते मिओन थोक खाला जम्‍मा ओङजीन ङीमाई मेन्‍दा खाल ठुकचो ओतान। थेमे पत्रुसकी थेबा गाङे दोन्‍दु लाकीन

शक्ति काम 13:51

थेरूकी थोक खाला उरला तोङजीन पावलताङ बारनाबासकीङ थे मिओनतेराङ गल्‍ती ईन सिराला खोपरोङ काम्‍बाला खोबाते थाला समेदोङ टाक टाक खाईन एन्‍टिओखियादुकी थेन्‍गीन आइकोनियमपा गाल्‍सुङ।

शक्ति काम 14:1

आइकोनियमदु लेप्‍नामेकी पावलताङ बारनाबासकी ज्‍येन ठाउँला च्‍योकराङ खाईन यहूदीओनते मिटिङ खित्‍च्‍येते खाम्‍बादु गाल्‍गीन थेरूङ बात खिताला स्‍यूसुङ। थेबा ङिबोकी येशू बात आउदी लेमु खाईन लापेकी थेरू यहूदीओनताङ ज्‍येन ज्‍येन जातकी मि काल्‍बेईकी थे बात ङेन्‍गीन येशूला विश्‍वास खिताला स्‍यूसुङ।

शक्ति काम 14:21

थेपा लेप्‍नामेकी थेरूङ थेबा ङिबोकी मिओनला गा लाङच्‍येते बात लाप्‍सुङ। थेबे बात ङेन्‍गीन थेरूङ मि काल्‍बेई येशू चेला ओङसुङ। तिरी थेबा ङिबो थेरूकी याङराङ लिस्‍त्राताङ आइकोनियमपाराङ खाईन पिसिदिये अञ्‍चल एन्‍टिओखिया सारनापा ग्‍युरसुङ।

शक्ति काम 14:6

थेबेकी थोक खिता चालाते बात छ्या स्‍येकीन पावलताङ बारनाबासचेन थेरूकी फ्रोकीन लाइकाओनिया सिरसादु गाल्‍सुङ। थेमे थेरू लिस्‍त्राताङ डर्बी सिराते सारदु थेमे थे फेरोला ओताते युलगी नाङले मिओनला

शक्ति काम 16:40

थोक खानामेकी थेबा ङिबो जेलदुकी थेन्‍गीन लिडिये खाम्‍बापा गाल्‍गीन थेरू आज्‍यो न्‍वाओनला ठेता खासुङ। थेमे थेबाला जस्‍तोराङ ओङसीनोङ येशूला विश्‍वास खिन देता मातोङ सिन आँट बिन्‍गीन थेरूकी ख्‍याम्‍सुङ।

शक्ति काम 6:3

थोगी आज्‍यो न्‍वावे, ङुरूङगी च्‍यि खिइसे सासीन ख्‍योकोनगी खेराङ नाङ गाङेकी लेमु मि ईन सिन मन परे खाबाते मेन्‍दा दुईन मि छाने खि। थेबाचेन परमेश्‍वर आत्‍मेकी खाङाते मि ओङा फाप्‍क्‍यो। थेबा आउदी बुद्धि ओतातेन्‍दे ओङा फाप्‍क्‍यो। थेमे दि साच्‍या थुङच्‍या ताच्‍येते काम ङ्योकोन थेबाला जिम्‍मा तेरग्‍यो।

फिलिप्‍पी 2:22

तिमोथी थे खोरोङगी खिता फाप्‍च्‍येते काम चुक लेमु खाला खित्‍कान्‍ते मि ईन्‍दे सिन ङे ख्‍योकोनला सिरा माफाप्‍तासीन। फुज्‍युङतेकी आबातेताङ डिगीन काम खाबा च्‍योकराङ खाईन दिकी ङात्ताङ डिगीन ज्‍येनला गा लाङच्‍येते बात लापा ओत।

१ तिमोथी 3:7

दोस्‍यिककामा मेन, थोक्‍ते मिचेन येशू ख्रीष्‍ट मि मेन्‍दाते मिओनगीङ लेमु मि ईन सिन माने खिन वाबाते मि ओङा फाप्‍क्‍यो। थोक्‍ते मि मेन्‍सीन ज्‍येनगी थे गल्‍ती थेप्‍क्‍यो। थेमे थे तोर्बाकला थेप्‍लु खाला शैतान लाःक्‍तु फाप्‍क्‍यो।

१ तिमोथी 5:10

दोस्‍यिककामा मेन, थेबाचेन लेमु कामगी लाईदु मिन चले खाबाते मि ओङा फाप्‍क्‍यो। थोक साबाते च्‍यि सासीन फुज्‍युङ फुमुला लेमु खाईन हुर्के खाबाते, खाम्‍बादु वाबाते मिला लेमु खित्‍कान्‍ते, परमेश्‍वर सन्‍तानओन खाम्‍बादु ओङजीन काम्‍बा टुला तेरकान्‍ते, दुक्‍पा ओताते मिओनला ताकान्‍ते थेमे ज्‍येनोङ होदोक्‍ते लेमुते काम खित्‍च्‍ये छ्य्‌वापा स्‍येत खिन देताते फेम्‍मे मि ओङा फाप्‍क्‍यो।

१ तिमोथी 5:25

थोकराङ खाला कोई कोई मिकी खाबाते लेमुते कामोङ दाक थोङगो। कोईकीतेचेन होत्ता माथोङसीनोङ ङीमा लेनज्‍यीक दाक थोङगो।

२ तिमोथी 3:11

मिओनगी ङाला खेदा खाईन खाईन दुक्‍पा बिन्‍दाते थेमे ङे भोगे खाबाते जेसुकै दुक्‍पा खोल्‍ला छ्या मेताते मेन। एन्‍टिओखिया, आइकोनियम थेमे लिस्‍त्रा सारगी नाङला मिओनगी ङाला चुक मेलेबा खाबा ओताने सिरच्‍येते बादोङ खोल्‍ला छ्याराङ ओत। ङाला जहाँदु जस्‍तो दुक्‍पा ओङसीनोङ प्रभु येशू ख्रीष्‍टकी थोक्‍ते गाङे दुक्‍पादुकी जोए खाबा ओत।

२ तिमोथी 3:15

थेमे च्‍याक फिजामेईराङ खोरोङगी दि बात चुक खाईन ङेन्‍गीन वाबाते ईन्‍दे सिन टोक माज्‍येत। परमेश्‍वर बात ताला येशू ख्रीष्‍टला विश्‍वास खित्‍कान्‍ते मिओनला थेकी पापदुकी डेल्‍ग्‍यो सिन खुई लेमु खाला छ्या स्‍येक्‍यो।

हिब्रू 11:2

ङुरूङ ज्‍युज्‍यु पुर्खेकीङ थेला होदोकराङ खाईन विश्‍वास खाबा ओतान। थेबेकी थे खोरोङला थोक खाईन विश्‍वास खाबा थोङगीन परमेश्‍वरगी थेबेकी थोक खाबाते लेमु ईन सिन साबा ओतान।