शक्ति काम 16:16 - जिरेल

¹⁶ ङीमाई लोईन परमेश्‍वरला प्रार्थना खित्‍च्‍येते ठाउँनामा डोजीन ङ्योकोनगी फेम्‍मे फिजाज्‍यीकला ठेत्‍सुङ। थे फेम्‍मे फिजा योङमु ओतान। थेला खोबा ओताते ल्‍हन्‍डीक शक्तिकी खित्‍सादु थेकी ज्‍येनला तिरी ओङच्‍येते बात लाःपा थुप्‍कीन ओतान। थोगी मि काल्‍बेई थे ओत्‍सादु वाला खोपरोङला तिरी चुक चुक ओङच्‍या दुका सिन तार ज्‍युत्‍कीन ओतान। थोक खाईन थे फेम्‍मे फिजेकी जोबाते पैसाबरीचेन मालिकतेबेकी लिन्‍च्‍येते ईन्‍देकी थेबा आउदी छ्युक्‍पु गाला ओतान।

शक्ति काम 16:16 Iomraidhean Croise

शक्ति काम 16:13

थेमे सन्‍चारी छोमु थे सारदुकी थेन्‍गीन थेङमा परमेश्‍वरला प्रार्थना खित्‍च्‍येते ठाउँ ओतासीन सिन ठाङके खानामा गालाप। थेरू ठाउँज्‍यीक्‍तु फेम्‍मे मिओन प्रार्थना खिताला जम्‍मा ओङगीन देता ओताक्‍वा। ङ्योकोनोङ थेरू गाल्‍गीन देत्‍कीन थे फेम्‍मे मिओनला येशू बात लोपाला स्‍यूबाप।

शक्ति काम 16:18

थे बातकामा खिन थे काल्‍बेई दिनसाक ङ्योकोन तिङ ङ्योइनराङ देत्‍सुङ। जहिलेङ थे थोककामा खिन ख्‍याम्‍जीन ङीमाई पावलगी स्‍येदाङ लाकीन ख्‍युर ग्‍युरगीन थे फेम्‍मे फिजाला खोबाते ल्‍हन्‍डीकला “ङा येशू ख्रीष्‍ट मिन लाला खोल्‍ला दि फिजादुकी थेन्‍ला ग्‍युक सिओ,” सिन सिदुक। थोक सिरासात्तु थे ल्‍हन्‍डीक दाक थे फेम्‍मे फिजाला ताङगीन गाल्‍सुङ।

शक्ति काम 16:19

पावलगी थे ल्‍हन्‍डीकला तेन्‍गीन ताङनामेकी थे फेम्‍मे फिजेते पैसा जोच्‍येते लामराङ तोरसुङ। थोक ओङाते थाहा छ्येत्‍कीन थे फेम्‍मे फिजे मालिकतेबा पावलताङ आउदी खाईन स्‍येदाङ खासुङ। थेमे थेबेकी पावलताङ सिलासला जुम्‍ला ठुत्‍कीनकामा अड्डादु खेरसुङ।

शक्ति काम 19:24

च्‍यिला सासीन थेरू चाँदी काम खित्‍कान्‍ते डेमेत्रियस सिराज्‍यीक ओतान। थेकी थेरू ओताते आर्तेमिस सिराते देवी मन्‍दिर नक्‍कल खाला टेक्‍टेतेन्‍दे चाँदी मन्‍दिरओन जोइन ओतान। थेमे थे च्‍वाला थेत्ताङ थे काम खित्‍कान्‍तेबेकी पैसा काल्‍बेई जोइन ओतान।

गलाती 5:20

ल्‍हा लुला माने खिओ थेमे स्‍युत्‍च्‍या फुत्‍च्‍याताङ मन्‍तर तन्‍तर खिओ। थेकी ज्‍येनला ङिङमार खिओ, थोम्‍मु जीङगा खिओ, डार खिओ, पालोईला स्‍येदाङ फुङ पुङगो, दाक्‍पोनकामा छ्ये ओङा छोल्‍ग्‍यो, डिक्‍ला थुन्‍ला देता माचाल्‍ला फाटो ओङच्‍येते कामकामा खिओ

१ तिमोथी 6:10

च्‍यिला सासीन पैसे लोभकी खित्‍सादुराङ मिकी जेसुकै मेलेबा काम खित्‍च्‍येते ईन। पैसे लोभला स्‍यूकीन कोई कोईकी येशू ख्रीष्‍टला विश्‍वास खाईन ङेन्‍दाते बात ङेन्‍दा ताङला दुक। थोक खाबेकी खित्‍सादु थेबा हत्तेरिका ङे च्‍यिला थोक खाताका सिराच्‍योक गाल्‍गीन थेबे सेम पीरताङ तापकी छोला दुक।

२ तिमोथी 3:8

होथोक्‍ते फेम्‍मे मिओनला लुला खोपरोङ छ्य्‌वापा लै खित ज्‍युत्‍कान्‍ते मिओनचेन यान्‍नेसताङ याम्‍ब्रेस च्‍योक्‍तेबा ईन। थाङबो होथेबा ङिबोकी मोशे बात माङेन्‍दा च्‍योकराङ होदिबेकीङ सत्‍यते बात मेङेनो। थेबा सेम लेमु ओताते मि मेन। थेबेकी खोपरोङ येशूला विश्‍वास खित्‍कान्‍ते मि ईन सासीनोङ परमेश्‍वरगी थेबा थोक्‍ते मि मेन सिओ।

२ पत्रुस 2:3

पैसे लोभकी खित्‍सादु थेबेकी ख्‍योकोनला मेन्‍दा मेन्‍दे बात जोला लाप्‍ला ठगे खिओ। दोक खित्‍कान्‍तेबाला परमेश्‍वरगी सजाय बिन्‍ला नरककुण्‍डमा लुक्‍यो सिन गोमाका साबा ओत। थेकी दि बात टोक ज्‍येता मेत। था थेकी होत्ताराङ थेबाला सजाय तेरग्‍यो।