शक्ति काम 15:8 - जिरेल

⁸ थेमे मि सेमगी बात छ्या स्‍येकान्‍ते परमेश्‍वरगी ज्‍येन ज्‍येन जातकी मिलाङ ङुरूङला च्‍योकराङ खाईन परमेश्‍वर आत्‍मा बिन्‍गीन थे खोरोङ मि जोसुङ।

शक्ति काम 15:8 Iomraidhean Croise

यूहन्‍ना 21:17

थेमे लोक्‍लाङ थेकी थेला “योआनेस फुज्‍युङ शिमोन, च्‍यि खो ङाला ङिङज्‍ये खिओ?” सिन सिदुक। थोक खाला बाजि सुमसाक “च्‍यि खो ङाला ङिङज्‍ये खिओ?” सिन सिरजीन पत्रुसला मेलेबा लासुङ। थेमे थेकी “प्रभु, खोल्‍ला गाङे बात छ्याराङ ओत। ङे खोल्‍ला ङिङज्‍ये खिओ सिनोङ खोल्‍ला छ्या ओत,” सिन सिदुक। थेमे थेकी “ङे लुकओनला लेमु खाला छो।

यूहन्‍ना 5:37

दोस्‍यिककामा मेन, ङाला दुरू तोङकान्‍ते आबेकीङ ङा सु ईन्‍दे सिन लेमु खाईन साबा ओत। ख्‍योकोनगी नोमुङ थे ङोरो थोबा मेत, थे दोकस्‍यिकराङ ओताक्‍वा सिन थोङाङ मेत।

शक्ति काम 1:24

थेबा ङिबोला छाने खानामेई थेरू ओताते मिबरी गाङेकी “प्रभु, खो मि गाङे सेमगी बात छ्या स्‍येकान्‍ते ईन। थोगी था यहूदे साटोला खुई खटे खाबाते मिकी खित्‍च्‍येते काम खिताला ङ्योकोनगी छाने खाबाते दिबा ङिबो नाङ खाङला ज्‍य्‌वाच्‍ये ङ्योकोनला तेन्‍ला नाङ। यहूदाचेन थे खोरोङगी खिता फाप्‍च्‍येते काम माक्‍याकीन नरककुण्‍डमा गालाते बात खोल्‍ला छ्याराङ ओत,” सिन प्रार्थना खासुङ।

शक्ति काम 10:47

“परमेश्‍वरगी दिबालाङ ङुरूङला च्‍योकराङ खाईन परमेश्‍वर आत्‍मा बिन्‍नामेकी था दिबाला छ्युई नाङ लुक्‍ला बप्‍तिस्‍मा तेरा मेङगो सिन सुई सिरा थुप्‍कीते?” सिन सिदुक।

शक्ति काम 14:3

ईन्‍सीनोङ पावलताङ बारनाबासचेन मिओनला प्रभु येशूकी दया खाला पापकी सजायदुकी डेल्‍ग्‍यो सिन थे बातओन ज्‍यीबाराङ मिक्‍किता खाला लोप्‍कीन काल्‍बासाकराङ थे सारदु देत्‍सुङ। थेबेकी लापाते बात सत्‍यते बात ईन सिन मिओनगी छ्या स्‍येस्‍यीत सिन प्रभु येशूकी थेबाला छ्ये छ्येताङ अचम्‍बतेन्‍दे काम खित च्‍युत्‍सुङ।

शक्ति काम 15:28

ङ्योकोनला खालि ख्‍योकोनगी ङेन्‍दाराङ फाप्‍च्‍येते दि बातज्‍यीक बात ङिकामा टिला तोङा लेमु ईन सिराच्‍योक लासुङ। परमेश्‍वर आत्‍मेकी ङ्योकोनला होदि बातओनकामा टिसीन ओङगो सिन छ्या स्‍येबा खाईन बिन्‍सुङ।

शक्ति काम 2:4

थोक खाईन थेबा गाङेकी परमेश्‍वर आत्‍मा ङेत्‍कीन थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी परमेश्‍वर आत्‍मेकी खोपरोङला खित ज्‍युताच्‍योक च्‍योकराङ खाईन खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ।

शक्ति काम 4:31

थोक खाईन प्रार्थना खाईन सिन्‍नामेकी थेबा देताते खाम्‍बाराङ लीक्‍सुङ। थेमे थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी छ्याःङ ज्‍यीबा मिक्‍किता खाईन मिओनला परमेश्‍वर बात लाप्‍सुङ।

हिब्रू 2:4

थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।

हिब्रू 4:13

परमेश्‍वरताङ छ्याक्‍ला ईप्‍ला सुङगीङ छ्याःङ खिता मुथुबो। सा नाम खाङ नाम खापा च्‍यि ओङगीन दुका, सुई च्‍यि खिका सिन थेकी गाङे थोङला छ्या स्‍येक्‍यो। थेमे ङीमा लेनज्‍यीक मि गाङेकी दाक्‍पोनगी खाबाते लेमु मेलेबा गाङे कामताङ बातकी हर हिसाब थेला तेरा फाप्‍क्‍यो।

छ्या स्‍ये च्‍युताते बात 2:23

थोकराङ खाला थे फिजा च्‍योकराङ ओङला थे बात ङेन्‍कान्‍ते मिओनलाङ ङा आउदी मेलेबाते रोग लै खित च्‍युत्‍ला स्‍यिर ज्‍युत्‍क्‍यो। दोक ओङा थोङनामेकी मि सेमगी बात गाङे छ्या स्‍येकान्‍ते ङाराङ दुका सिन ठाउँ ठाउँला जम्‍मा ओङकान्‍ते येशू ख्रीष्‍ट मि गाङेकी छ्या स्‍येक्‍यो। ङा ख्‍योकोन काम ताला लेमु खाबा ओत्‍सीन लेमु, मेलेबा खाबा ओत्‍सीन मेलेबाराङ खिओ।