शक्ति काम 15:7 - जिरेल

⁷ काल्‍बासाक छलफल खानामेकी थेरू पत्रुसकी गाङे दोन्‍दु लाकीन “आज्‍यो न्‍वावे, ङे ज्‍येन ज्‍येन जातकी मिला गा लाङच्‍येते बात लोप्‍स्‍यीत थेमे थे बात थोला थेबेकी येशूला विश्‍वास खित्‍स्‍यीत सिनराङ परमेश्‍वरगी गोमा ङाला ख्‍योकोन नाङदुकी छाने खाबा ओतान। दि बातनी ख्‍योकोनला छ्याराङ ओत।

शक्ति काम 15:7 Iomraidhean Croise

यूहन्‍ना 15:16

ख्‍योकोनगी ङाला छाने खाबाते मेन। ख्‍योकोनगी लेमु लेमु काम खिता थुप्‍स्‍यीत थेमे ख्‍योकोनगी खाबाते दोक्‍ते काम नोमुङ खेरो मोन्‍डोस्‍यीत सिन ङेका ख्‍योकोनला छाने खाबाते ईन। ख्‍योकोनगी ङे खित ज्‍युता चाला च्‍योकराङ खानामेई ङे मिन लाकीन आबाताङ जे नाङ खासीनोङ थेकी ख्‍योकोनला तेरग्‍यो।

यूहन्‍ना 3:27

थोक सिरजीन थेकी “परमेश्‍वरगी खो दोक खि सिन मासाबाला सुङगीङ छ्याःङ खिता मुथुबो।

शक्ति काम 1:16

“आज्‍यो न्‍वावे, येशूला पक्रे खित ओङकान्‍ते मिओनला थे खाङ ईन्‍दे सिन तेन्‍ला तेरकान्‍ते यहूदाला चुक ओङगीते सिन परमेश्‍वर आत्‍मेकी गेल्‍बो दाऊदला थाङबोका सिर च्‍युता ओतान। परमेश्‍वर बातला साबाते थे बात साबा च्‍योकराङ ओङा फाप्‍सुङ।

शक्ति काम 1:24

थेबा ङिबोला छाने खानामेई थेरू ओताते मिबरी गाङेकी “प्रभु, खो मि गाङे सेमगी बात छ्या स्‍येकान्‍ते ईन। थोगी था यहूदे साटोला खुई खटे खाबाते मिकी खित्‍च्‍येते काम खिताला ङ्योकोनगी छाने खाबाते दिबा ङिबो नाङ खाङला ज्‍य्‌वाच्‍ये ङ्योकोनला तेन्‍ला नाङ। यहूदाचेन थे खोरोङगी खिता फाप्‍च्‍येते काम माक्‍याकीन नरककुण्‍डमा गालाते बात खोल्‍ला छ्याराङ ओत,” सिन प्रार्थना खासुङ।

शक्ति काम 10:19

थेतेसाकोङ पत्रुसचेन परमेश्‍वरगी मिलाम खित ज्‍युताच्‍योक खाईन थे खोरोङला तेन्‍गीन बिन्‍दाते बातराङ विचार खिन ओतान। थेमे परमेश्‍वर आत्‍मेकी थेला “पत्रुस, खो खोक लाला मिमा ग्‍युक। खोल्‍ला लिन्‍दाला थेमा मेन्‍दा सुम मि वाला दुक।

शक्ति काम 10:20

थेबा यहूदी मेन्‍सीनोङ थेबाताङ चुक खाला ड्वाबे सिराच्‍योक खाला खो अप्‍ठेरो माने माकेत। खोल्‍ला लिन्‍दाला थेबाला ङेराङ ताङाते ईन,” सिन सिदुक।

शक्ति काम 13:2

थेमे बाजिई थेबाबरी बर्त देत्‍ला प्रभु परमेश्‍वरते जय जय खिन प्रार्थना खिन ओतान। थोक खिते बेलाला परमेश्‍वर आत्‍मेकी थेबाला “ङे बारनाबासताङ शावलला कामज्‍यीक खिताला छाने खाबा ओत। थोगी था ख्‍योकोनगी दिबा ङिबोला थे कामराङ खिताला थोङ,” सिन छ्या स्‍ये च्‍युत्‍सुङ।

शक्ति काम 15:14

चुक खाईन परमेश्‍वरगीराङ ज्‍येन ज्‍येन जातकी मिलाङ दया खाईन थेबे नाङदुई थे खोरोङ मि जोसुङा सिनका थाल्‍ला भर्खरराङ शिमोनगी ङुरूङला लाःप्‍सुङ।

शक्ति काम 15:2

थेबेकी ज्‍येन ज्‍येन जातकी मिकीङ खतकी चिनु ज्‍वापराङ फाप्‍क्‍यो सिरजीन पावलताङ बारनाबासकीचेन पापदुकी ठालाला थेबेकी थे चिनु ज्‍वाराङ माफाबो सिन थेबाताङ आदोराङ टेकाटेउरी खासुङ। थोक खाईन जति बात खासीनोङ थेबे नाङ बात माडिक्‍पेकी थेरू येशू ख्रीष्‍ट मिओनगी “लो था ङुरूङगी दोक खिइ। च्‍यि सासीन पावलताङ बारनाबास थेमे ङुरूङ नाङदुई कोई कोईला यरूशलेमपा तोङगी। थेबेकी थेपा गाल्‍ला येशू ख्रीष्‍टकी खटे खाबाते मिओन थेमे थेरू येशू ख्रीष्‍ट मिओनला ताकान्‍तेबाला ठेत्‍ला दि बात खित्‍स्‍यीत। थेमे थेबेकी चुक खि सिका थोकराङ खिताप,” सिन सल्‍लाह खासुङ।

शक्ति काम 15:39

दि बातलाराङ थेबा ङिबोते आदोराङ ठाकठाक ठोकठोक स्‍योरसुङ। थेमे थेबा ङिबो ङ्योम्‍बु मोन्‍डोओ सिन ठाल्‍सुङ। बारनाबास मर्कूसला टीकीन पानीजहाजला जेकीन साइप्रसपा गाल्‍सुङ।

शक्ति काम 20:24

थोक दुक्‍पा ओङजीन स्‍याराङ फाप्‍सीनोङ ङाला छ्याःङ ज्‍यीबा मेत। ङाराङ सोन सोनसाक ङे खिता फाप्‍च्‍येते कामचेन परमेश्‍वरगी मिओनला दया खिओ सिरच्‍येते गा लाङच्‍येते बात गाङेला लोप्‍च्‍येते ईन। थोक खाला प्रभु येशूकी खि साबाते काम ङे पूरो खिताराङ फाप्‍क्‍यो।

शक्ति काम 21:16

सिजरियादु ओताते येशू चेलातेबाङ कोई कोई थेजीन ङ्योकोनताङ ङ्योम्‍बुराङ गाला ओतान। थेबेकी ङ्योकोनला मनासोन सिराते मि खाम्‍बादु खेरगीन ज्‍याक्‍सुङ। मनासोनचेन साइप्रस लुङबे मि ओतान। गोमा गोमाराङ येशूला विश्‍वास खिताला स्‍यूक्‍कान्‍ते मि नाङ थेङ दोक्‍पोई ओतान।

शक्ति काम 3:18

ईन्‍दानी थे खोरोङगी तोङगो साबाते ख्रीष्‍टकी दुक्‍पा ङेत्‍क्‍यो सिन परमेश्‍वरगी थोङलाकाराङ थे खोरोङ बात खित्‍कान्‍ते मिबरीला सिर च्‍युता ओतान। ख्‍योकोनगी येशूला सेत्‍जीन परमेश्‍वरगी थे खोरोङगी सिर च्‍युताते बात साबा च्‍योकराङ ओङ च्‍युत्‍सुङ।

शक्ति काम 4:25

खुई खोरोङ काम खित्‍कान्‍ते ङ्योकोन पुर्खा गेल्‍बो दाऊदला परमेश्‍वर आत्‍मे छ्य्‌वापेई दोक दोक ओङगो सिन गोमाकाराङ सिर च्‍युता ओतान। च्‍यि सासीन ‘ज्‍येन ज्‍येन जातकी मि छ्ये खाला च्‍यिला प्रभु परमेश्‍वरताङ आउदी खाला स्‍येदाङ खिओच्‍योगे? छ्याःङ सीप लै माक्‍यासीनोङ मिओन च्‍यिला थेला मेलेबा खिता छोल्‍ग्‍योच्‍योगे?

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

फिलिप्‍पी 2:14

जे खिता फाप्‍सीनोङ ख्‍योकोनगी गनगन मिक्‍किता खाला खि, ङे दोक खिता माफाप्‍सीनोङ ओङच्‍या ओतान सिराच्‍योक खाला छ्याःङ माकेत।