शक्ति काम 15:2 - जिरेल

² थेबेकी ज्‍येन ज्‍येन जातकी मिकीङ खतकी चिनु ज्‍वापराङ फाप्‍क्‍यो सिरजीन पावलताङ बारनाबासकीचेन पापदुकी ठालाला थेबेकी थे चिनु ज्‍वाराङ माफाबो सिन थेबाताङ आदोराङ टेकाटेउरी खासुङ। थोक खाईन जति बात खासीनोङ थेबे नाङ बात माडिक्‍पेकी थेरू येशू ख्रीष्‍ट मिओनगी “लो था ङुरूङगी दोक खिइ। च्‍यि सासीन पावलताङ बारनाबास थेमे ङुरूङ नाङदुई कोई कोईला यरूशलेमपा तोङगी। थेबेकी थेपा गाल्‍ला येशू ख्रीष्‍टकी खटे खाबाते मिओन थेमे थेरू येशू ख्रीष्‍ट मिओनला ताकान्‍तेबाला ठेत्‍ला दि बात खित्‍स्‍यीत। थेमे थेबेकी चुक खि सिका थोकराङ खिताप,” सिन सल्‍लाह खासुङ।

शक्ति काम 15:2 Iomraidhean Croise

शक्ति काम 10:23

थेबेकी थोक सानामेईका परमेश्‍वरगी थोङला भर्खर मिलाम खित ज्‍युताच्‍योक खाईन थे खोरोङला छ्या स्‍ये ज्‍युता चालाते बातचेन था ज्‍येन ज्‍येन जातकी मिला सानु जाति ईन मिसिरा खाला थेबाताङ देत्‍ला सा थुङा ओङगो साबाते दुका सिन पत्रुसकी खोकीन थेकी थेबाला नाङनेराङ काताङगीन खेरसुङ। थे छोमुचेन थेबाबरी थेरूराङ स्‍यासा देत्‍सुङ। थेमे ङारो च्‍योक्‍ते पत्रुस थेबा सुमबोताङ योप्‍पादुकी सिजरियापा ख्‍याम्‍सुङ। येशूला विश्‍वास खित्‍कान्‍ते योप्‍पादु आज्‍यो न्‍वाओनोङ कोई कोई थेबाताङ ङ्योम्‍बु गाल्‍सुङ।

शक्ति काम 11:12

थेमे परमेश्‍वर आत्‍मेकी ङाला ‘दिबाताङ चुक खाला ड्वाबे सिराच्‍योक खाला अप्‍ठेरो माने मिक्‍किता खाला खो खोल्‍ला लिन वाबाते मिओनताङ ग्‍युक,’ सिन सिदुक। थेमे ङा थेबाताङ सिजरियापा गालाप। दुरू ङात्ताङ ओताते दि आज्‍यो न्‍वाबा मेरा ठुगोङ ङात्ताङ ङ्योम्‍बुराङ थेपा गाला ओतान। ङ्योकोन गाङेराङ थे मिल्‍टेरी क्‍याप्‍टेन खाम्‍बे नाङ स्‍यूबाप।

शक्ति काम 11:30

थेमे थे पैसाबरी थेबेकी थेपा ओताते येशू ख्रीष्‍ट मिओनला ताकान्‍ते मिओन लाःक्‍तु बिन सिन बारनाबासताङ शावल लाःक्‍तु बिन्‍गीन ताङसुङ।

शक्ति काम 15:25

दि बात थोनामेकी ङ्योकोन गाङेकी डिगीन दुरू ङेराङ नाङदुई कोई कोईला छाने खाला पावल थेमे बारनाबासताङराङ ख्‍योकोन ओत्‍सापा तोङगी सिन सल्‍लाह खाबाप। पावलताङ बारनाबासला ङ्योकोन आउदी ङिङज्‍ये खिओ।

शक्ति काम 15:27

दोक खाईन ङ्योकोनगी सल्‍लाह खाईन दि चिट्ठीला टिबाते बात ख्‍योकोनला खेकीङ लेमु खाला लोःप सिन यहूदाताङ सिलासला ख्‍योकोन ओत्‍सापा ताङा ओत।

शक्ति काम 15:4

थेमे यरूशलेमपा लेप्‍कीन थेबेकी येशू ख्रीष्‍टकी खटे खाबाते मिओन, येशू ख्रीष्‍ट मिओन थेमे थेबाला ताकान्‍तेबाताङ ठेता खासुङ। यरूशलेमदु ओताते थेबा गाङेकी थोक खाईन वाबातेबा गाङेला लेमु खाईन खोपरोङताङ ज्‍याक्‍सुङ। थेमे पावलताङ बारनाबासबेकी ज्‍येन ज्‍येन जातकी मिला गा लाङच्‍येते बात लोप्‍जीन परमेश्‍वरगी खोपरोङला चुक चुक खित च्‍युत्‍सुङा सिन गाङे थेबाला लाःप्‍सुङ।

शक्ति काम 16:4

थेरूई पावलबा सार सारला युगीन गाल्‍सुङ। थोक खाला युगीन डोजीन थेबेकी थे सार सारगी येशू ख्रीष्‍ट मिओनलाङ यरूशलेमदु ओताते येशू ख्रीष्‍टकी खटे खाबाते मिओन थेमे येशू ख्रीष्‍ट मिओनला ताकान्‍तेबेकी ताङाते चिट्ठी बात खाईन थेरू टिबाते बात ङेन सिन गाल्‍सुङ।

शक्ति काम 21:18

थेमे थेरू ङारो च्‍योक्‍ते पावलताङराङ ङ्योकोन गाङेराङ याकूबला ठेताला गालाप। थेरू येशू ख्रीष्‍ट मिओनला ताकान्‍तेबाङ गाङेराङ वाबा ओतान।

१ कोरिन्‍थी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा सोस्‍थेनेस ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत।

२ कोरिन्‍थी 11:5

ख्‍योकोनला होथोक्‍ते बात लोप्‍कान्‍ते खेराङगी येशू ख्रीष्‍टकी खटे खाबाते मि नाङ खापान खापान छ्ये ईन सिराच्‍योक ठाने खाबाते मिओन भन्‍दा ङा छ्याःङ कुरोलाङ कम्‍ती मेत।

गलाती 2:5

थेबेकी थोक खिता चाल्‍सीनोङ ङ्योकोनगी थेबे बातला कि फेनजोङ माने माक्‍या। थेबे बात ङेन्‍दा ईन्‍सीन ख्‍योकोनगी ङेन्‍दाते गा लाङच्‍येते बात दाक खुदुक डोच्‍या ओतान।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।