शक्ति काम 15:11 - जिरेल

¹¹ साँच्‍चीराङ थोक खिता मेङगो। च्‍यि प्रभु येशूकी ङुरूङलाङ थेबाला च्‍योकराङ खाईन दया खाईन पापदुकी टालाते मेनरो?” सिन सासुङ।

शक्ति काम 15:11 Iomraidhean Croise

रोमी 3:24

ज्‍येन छ्याःङ मेन्‍देकी थे खोरोङ दयेकीकामा परमेश्‍वरगी मिओनला दोषी मेन सिओ। येशू ख्रीष्‍टकी खाबाते कामगी खित्‍सादु थेकी मिओनला पापदुकी टाल्‍ला दोक खाला दोषी मेन सिओ।

रोमी 5:15

चुक खाला सासीन आदम दोक्‍पोईकी परमेश्‍वरगी माकेत साबाते काम खाईन पाप खाबेकी खित्‍सादु मि काल्‍बेईला चुक मेलेबा ओङसुङा सिरच्‍येते बातताङ येशू ख्रीष्‍टकी खाबाते कामगी खित्‍सादु परमेश्‍वरगी मि काल्‍बेईला दया खित्‍च्‍येते बातचेन खापान खापान खुदुक ईन। आदमगी खित्‍सादु मिओन स्‍या फाप्‍कीन ओतान सासीन येशू ख्रीष्‍टकी खित्‍सादुचेन परमेश्‍वरगी थे खोरोङ दयेकी मिओनला पापकी सजाय मेतेरच्‍या ओङसुङ।

रोमी 6:23

बातचेन दिराङ ईन। च्‍यि सासीन पाप खाबेकी खित्‍सादु मिकी पापकी सजाय ङेत्‍ला स्‍या फाप्‍क्‍यो। ङुरूङ प्रभु येशू ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी दया खाला नोमुङ मिसिन्‍च्‍येते जुनी तेरग्‍यो।

१ कोरिन्‍थी 16:23

लो ख्‍योकोन गाङेला प्रभु येशूकी दया खिनराङ देत्‍स्‍यीत।

२ कोरिन्‍थी 13:14

लो प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत, परमेश्‍वरगी ख्‍योकोनला ङिङज्‍ये खिन देत्‍स्‍यीत थेमे परमेश्‍वर आत्‍मा ख्‍योकोन गाङेताङ ङ्योम्‍बुराङ देत्‍स्‍यीत।

२ कोरिन्‍थी 8:9

ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

गलाती 1:6

ख्‍योकोन बात थोकीन ङा छकदाङ परे खासुङ। ख्‍योकोनगी चुक खाईन दोक खिता थुप्‍सुङा? च्‍यि परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ख्रीष्‍टकी खाबाते कामगी खित्‍सादु दया खिन लेमु खिताप सिन मेनरो? ख्‍योकोननी होथोक खित्‍कान्‍ते परमेश्‍वर छ्य्‌वापेई ठाला ठाला खाईन सिन्‍दुक। थेमे ख्‍योकोननी ख्रीष्‍टते गा लाङच्‍येते बात ङेन्‍दे साटोला गा लाङच्‍येते बात ईन सिन ज्‍येनज्‍यीक बातका ङेन्‍दाला स्‍यूदुक।

गलाती 2:16

यहूदी ईन्‍सीनोङ परमेश्‍वर नियमला खि साबाते ङेन्‍ला सुङलाङ परमेश्‍वरगी दोषी मेन सिरच्‍येते मेन, खालि येशू ख्रीष्‍टला विश्‍वास खित्‍कान्‍ते मिओनलाकामा थेकी दोषी मेन सिओ सिन ङुरूङगी लेमु खाईन छ्या स्‍येबा ओत। थोगी ङुरूङोङ परमेश्‍वर नियम ङेन्‍नामेई थेकी दाक्‍पोनला दोषी मेन सिओ सिन मिसिरो। बरू येशू ख्रीष्‍टकी खाबाते कामगी खित्‍सादुका थेकी ङुरूङला दोषी मेन सिओ सिन ङुरूङगी येशू ख्रीष्‍टला विश्‍वास खाबाते ईन। च्‍यिला सासीन परमेश्‍वर नियमला खि साबाते ङेन्‍लानी सुङ परमेश्‍वर दोन्‍दु गल्‍ती मिक्‍किकान्‍ते मि ओङाराङ मुथुबो।

तीतस 2:11

येशू ख्रीष्‍ट मिओनगी होदोक दोक खिता फाप्‍क्‍यो। च्‍यिला सासीन परमेश्‍वरगी मि गाङेला पापकी सजायदुकी डेलाला दया खाईन येशू ख्रीष्‍टला देमा ताङा ओत।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,