शक्ति काम 15:1 - जिरेल

¹ थेमे यहूदिये अञ्‍चलपेकी कोई कोई मि एन्‍टिओखियादु लेप्‍सुङ। थेरू लेप्‍कीन थेबेकी थेरू आज्‍यो न्‍वाओनला “ख्‍योकोनगीङ मोशेकी ङ्योकोन यहूदीओनला जीउला जो साबाते खतकी चिनु ज्‍वा फाप्‍क्‍यो। थे चिनु माजोसीनचेन परमेश्‍वरगी ख्‍योकोनला पापदुकी मेडेलो,” सिन लोपाला स्‍यूसुङ।

शक्ति काम 15:1 Iomraidhean Croise

यूहन्‍ना 7:22

मोशेकी ख्‍योकोनला जीउला खतकी चिनु जोच्‍येते नियम बिन्‍दा ओतान। ईन्‍दानी दि चलन ख्‍योकोन ज्‍युज्‍यु पुर्खे पालोमेईराङ चले खिन वाबाते ईन। खेराङ फुज्‍युङला दि चिनु जोच्‍येते दिन सन्‍चारी छोमु फाप्‍सीन ख्‍योकोन थे छोमुराङ थे चिनु जोइदुक।

शक्ति काम 1:15

येशूला विश्‍वास खित्‍कान्‍ते मिओन थोक खाला जम्‍मा ओङजीन ङीमाई मेन्‍दा खाल ठुकचो ओतान। थेमे पत्रुसकी थेबा गाङे दोन्‍दु लाकीन

शक्ति काम 15:22

याकूबकी थोक सानामेकी थेरू येशू ख्रीष्‍टकी खटे खाबाते मिओन, येशू ख्रीष्‍ट मिओनला ताकान्‍तेबा थेमे येशू ख्रीष्‍ट मि गाङेकी थे बात ङेन्‍गीन “लो था ङुरूङगी ङुरूङ नाङदुई कोई कोईला छाने खाला च्‍याला पावल थेमे बारनाबासताङराङ एन्‍टिओखियापा तोङगी,” सिन सल्‍लाह खासुङ। थेमे खोपरोङ नाङदुई बारसाबास सिराते यहूदाताङ सिलासला छाने खासुङ। थेबा ङिबोचेन थेरू खोपरोङ नाङ छ्येते मि ओतान।

शक्ति काम 15:23

थेमे थेबेकी दोक सिन चिट्ठीज्‍यीक टिकीन थेबे लाःक्‍तु बिन्‍गीन ताङसुङ। थे चिट्ठीला च्‍यि सिन टिबा ओताने सासीन “दि चिट्ठीचेन एन्‍टिओखियादु थेमे सिरियाताङ सिलिसियादु ओताते ख्‍योकोन ज्‍येन ज्‍येन जातकी आज्‍यो न्‍वाबा गाङे लाईदु टिबाते ईन। ख्‍योकोन गाङेला येशू ख्रीष्‍टकी खटे खाबाते मिओन थेमे दुरू ओताते येशू ख्रीष्‍ट मिओनला ताकान्‍ते मि ङ्योकोन गाङेते नमस्‍ते ओत।

शक्ति काम 15:24

बात च्‍यि सासीन ङ्योकोन नाङदुई कोई कोई मि ख्‍योकोन ओत्‍सादु गाल्‍गीन दोक खिता फाप्‍क्‍यो, थोक खिता फाप्‍क्‍यो सिन साकीन ख्‍योकोनला अलमल्‍ल लाङगीन आउदी खाईन दुक्‍पा बिन्‍दुक्‍लो सिन ङ्योकोनगी थोसुङ। थेबाला ङ्योकोनगी ताङाते मेन।

शक्ति काम 15:3

सल्‍लाह खानामेकी थेबेकी पावलताङ बारनाबास थेमे खोपरोङ नाङदुई कोई कोईला यरूशलेमपा ताङसुङ। थेपा डोजीन थेबेकी फोनिसियाताङ सामरिये नाङला ओताते आज्‍यो न्‍वाओनला ज्‍येन ज्‍येन जातकी मिङ चुक खाईन प्रभु येशू छ्य्‌वापा लै खासुङा सिरच्‍येते गाङे बात लाःप्‍कीन गाल्‍सुङ। थे बात थोजीन थेबाङ आउदी खाईन गा खासुङ।

शक्ति काम 15:32

यहूदाताङ सिलासोङ ङिकाराङ परमेश्‍वर बात खित्‍कान्‍ते मि ओतान। थेबेकी थेरू आज्‍यो न्‍वाओनला चुक चुक खिता फाप्‍कीते सिन लाप्‍कीन बिन्‍गीन जस्‍तोराङ ओङसीनोङ प्रभु येशूला विश्‍वास खिन देता मातोङ सिन आँटोङ बिन्‍सुङ।

शक्ति काम 15:5

थेबेकी थे बाततेबा सानामेकी थेरू येशूला विश्‍वास खित्‍कान्‍ते फरिसी पाटी मि कोई कोईकीचेन “ज्‍येन ज्‍येन जातकी मिकीङ ङुरूङगी च्‍योक खाला खतकी चिनु ज्‍वा फाप्‍क्‍यो, मोशेकी टिबाते परमेश्‍वर नियमोङ ङेन्‍दाराङ फाप्‍क्‍यो,” सिन सासुङ।

शक्ति काम 21:20

दि बातओन थोकीन थेरू जम्‍मा ओङातेबा गाङेकी गा खिन परमेश्‍वरते जय जय खासुङ। थेमे थेबेकी पावलला “भाइ पावल, दुरू येशूला विश्‍वास खिताला स्‍यूबाते यहूदी आउदी काल्‍बेई ओत सिन खोल्‍ला छ्याराङ ओत। थेबा गाङेकी मोशेकी टिबाते नियमओन थोरूमोङ आउदी खाला ङेन्‍गीदुक।

शक्ति काम 6:14

दिकी चुक सिन बात खिका सासीन नासरतपे येशूकी परमेश्‍वर मन्‍दिरोङ रोम्‍ग्‍योत्‍लो थेमे मोशेकी बिन्‍दाते नियमला खिता फाप्‍क्‍यो साबाते रीतिथिति बादोङ खुदुक जोइओत्‍लो। दिकी दोक दोक साबाते ङ्योकोन ङेराङगीराङ थोबाते ईन,” सिन सासुङ।

गलाती 2:1

थेमे लो च्‍युप्‍स्‍यी तिरीकामा ङा लोक्‍ला यरूशलेमने गालाप। थेजीन ङात्ताङ बारनाबासोङ ओतान। थे बेलाला तीतसलाङ ङे ङ्योम्‍बु खेरा ओतान।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

गलाती 6:12

बात च्‍यि सासीन ख्‍योकोनला कर लै खाला खाला जीउला खतकी चिनु ज्‍वा फाप्‍क्‍यो सिन सिरकान्‍ते मिओनगीनी खोपरोङ फाइदा ताला मिला खुशी ज्‍वाप्‍लाकामा थोक खि सिरच्‍येते ईन। येशू ख्रीष्‍टला स्‍यिङगी थामला टाँए खाईन सेताते बातकामा लाप्‍सीन ज्‍येन यहूदीओनगी खोपरोङ विरोध खाला खेदापानी खिओ सिनकामा थेबेकी थोक सिरच्‍येते ईन।

कलस्‍सी 2:16

बात दोक दोक ईन्‍देकी सुइँदेकी ख्‍योकोनला च्‍यिला दि सेइते, दि थुङगीते, च्‍यिला दि दि चाड माने मिक्‍किते, च्‍यिला औंसी माने मिक्‍किते, सन्‍चारी छोमु दि दि खि, दि दि माकेत सिरजीन ख्‍योकोनगी थोक्‍ते मि बातला नामज्‍योकराङ मासेत।

कलस्‍सी 2:8

ख्‍योकोन च्‍याङबो खाला देत। सुइँदेकी दोक दोक खासीन लेमु ओङगो सिरजीन थेबे बात माङेन। थेबेकी लोप्‍च्‍येते बातनी छ्याःङ काम लै मिक्‍किच्‍येते ईनराङ मेन्‍दे बात ईन। थोक्‍ते बातनी दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति बातकामा ईन। थोक्‍ते बात ख्रीष्‍ट सु ईन्‍दे, चुक्‍ते ईन्‍दे सिरच्‍येते बातताङ बान्‍दा मिडिगो।