शक्ति काम 14:4 - जिरेल

⁴ थोक ओङगीन ओङगीनलाराङ थे सारदु मिओन हूल ङि गाल्‍सुङ। थेबाचेन हूलज्‍यीक येशू बात मेङेन्‍कान्‍ते यहूदीओन छ्य्‌वापा थेमे ज्‍येनचेन येशू ख्रीष्‍टकी खटे खाबाते पावलताङ बारनाबास छ्य्‌वापा लै खासुङ।

शक्ति काम 14:4 Iomraidhean Croise

लूका 2:34

थेमे थेकी आबातेताङ आमातेलाङ आशी बिन्‍गीन च्‍याकीन थे फिजे आमा मरियमला “परमेश्‍वरगी खटे खाबाते दि फिजाला ङुरूङ इस्राएली नाङ कोईकी दिला परमेश्‍वरगी ताङाते ईनराङ मेन सिन विरोध खिओ। थोक खित्‍कान्‍तेबाला परमेश्‍वरगी सजाय तेरग्‍यो। कोईकीचेन दिला परमेश्‍वरगी ताङाते ईन सिन पत्ते खिओ। थोक खित्‍कानलाचेन परमेश्‍वरगी आशी बिन्‍ला लेमु खिओ।

यूहन्‍ना 7:43

थोक खाईन कोईकी बातज्‍यीक, कोईकी ज्‍येनज्‍यीक बात खाईन थे मिओन खोपरोङ नाङराङ माडिक्‍सुङ।

शक्ति काम 13:2

थेमे बाजिई थेबाबरी बर्त देत्‍ला प्रभु परमेश्‍वरते जय जय खिन प्रार्थना खिन ओतान। थोक खिते बेलाला परमेश्‍वर आत्‍मेकी थेबाला “ङे बारनाबासताङ शावलला कामज्‍यीक खिताला छाने खाबा ओत। थोगी था ख्‍योकोनगी दिबा ङिबोला थे कामराङ खिताला थोङ,” सिन छ्या स्‍ये च्‍युत्‍सुङ।

शक्ति काम 13:45

थोक काल्‍बेई मि थेरू वाबा थोङगीन थानी मि गाङे पावलताङ बारनाबास छ्य्‌वापाका लै खिताला स्‍यूसुङ सिन यहूदीओनला खोक्‍पो खाईन स्‍येदाङ लासुङ। थेमे थेबेकी थेरू ओताते मिओनला पावलगी खाबाते बात ईनराङ मेन्‍दे बात ईन सिन आउदी खाईन थे विरोध खिताला स्‍यूसुङ।

शक्ति काम 13:50

थोक ओङजीन यहूदीओनगीचेन पावलताङ बारनाबासला लेमु मि मेन सिन थे सारगी छ्ये छ्ये मि थेमे थेरू परमेश्‍वरला माने खित्‍कान्‍ते छ्युक्‍पु छ्युक्‍पुते फेम्‍मे मिला लुकीन खोपरोङ लाःक्‍तु लासुङ। थोक खाईन थेबाबरी गाङेराङ डिगीन पावलताङ बारनाबासला दुक्‍पा बिन्‍गीन थेरूकी उरगीन ताङसुङ।

शक्ति काम 14:14

थेबेकी थोक खिता छोल्‍जीनका येशू ख्रीष्‍टकी खटे खाबाते पावलताङ बारनाबासकी थेबा खोपरोङला ल्‍हा सिन पूजा खिताला ठीक खाबाते दुका सिन छ्या स्‍येसुङ। थेमे थोक खिता मेङगो सिराला थेबेकी खोपरोङगी लाक्‍तु खोन्‍दाते खोलाक रोल्‍गीनकामा थे मि हूलगी नाङपा स्‍यूइन

शक्ति काम 14:19

थे तिरी एन्‍टिओखियाताङ आइकोनियमदुकी कोई कोई यहूदी थेरू लेप्‍कीन थेरू मिओनला उल्‍के खाईन खोपरोङ छ्य्‌वापा लै खित च्‍युत्‍सुङ। थेमे थे यहूदीओनगी पावलला सेता फाप्‍क्‍यो सिन थेला आउदी खाईन दोईकी ग्‍याप्‍सुङ। थेमे थे स्‍याप्‍सीन सिन थेला सारदुकी ठुत्‍कीन खेरगीन पाङला क्‍युरसुङ।

शक्ति काम 14:2

तर थे बात मेङेन्‍कान्‍ते यहूदीओनगीचेन येशूला विश्‍वास खित्‍कान्‍ते मिओन लेमु मि मेन सिन मेन्‍दा मेन्‍दे बात साकीन थेबाला मेलेबा खिताला ज्‍येन ज्‍येन जातकी मिला उल्‍के खासुङ।

शक्ति काम 14:5

थेबे विरोध खित्‍कान्‍ते यहूदीओनताङ ज्‍येन ज्‍येन जातकी मिकीचेन खोपरोङ छ्ये छ्ये मित्ताङ डिगीन थेबा ङिबोला खइँदा माक्‍याबाला मेङगो सिन दोईकी ग्‍याप्‍ला सेताला ठो खासुङ।

शक्ति काम 19:9

तर कोई कोईकीचेन थेकी लोप्‍च्‍येते येशू बात बान्‍दा माङेन्‍सुङ। मि गाङे दोन्‍दु थेबेकी दिकी लोप्‍च्‍येते बात सत्‍यते ईनराङ मेन, दि बात ङेन्‍दा मेङगो सिन सासुङ। थेबेकी थोक खानामेई थरिङमेई ङा दुरू लोपराङ मोलोबो सिन पावल थेरू येशू चेलाओनला टीकीन थे मिटिङ खित्‍च्‍येते खाम्‍बा ताङगीन गाल्‍सुङ। थेमे टिरान्‍नस सिराते मि स्‍कूलपा गाल्‍गीन थेरू जम्‍मा ओङाते मिओनला ङीमे ठाङमा येशू बात लाप्‍सुङ।

शक्ति काम 28:24

थे मिओन नाङ कोई कोईकी पावलगी साबाते बात सत्‍यतेराङ दुका सिन लेमु खाईन ङेन्‍सुङ। कोईकीचेन दिङ चुक खाला ईन्‍दे बात ओङगीते सिन पत्तेराङ माक्‍यासुङ।

१ कोरिन्‍थी 9:5

येशू ख्रीष्‍टकी खटे खाबाते ज्‍येनतेबा, प्रभु येशू न्‍वाओन थेमे पत्रुसकी खिताच्‍योक फेम्‍मेतेबाङ येशूला विश्‍वास खित्‍कान ईन्‍देकी ङ्योम्‍बुराङ टीकीन ख्‍याम्‍बाच्‍योक ङेङ खिता मुथुबो साबाप?

१ थिस्‍सलोनिकी 2:14

चुक सासीन आज्‍यो न्‍वावे, परमेश्‍वर बात ङेन्‍देकी ख्‍योकोनगीङ येशू ख्रीष्‍टताङ जीउज्‍यीकराङ ओङाते यहूदिये लुङबादु ओताते परमेश्‍वर मिओनगी च्‍योकराङ खाईन दुक्‍पा भोगे खासुङ। होथेबाला खोपरोङ यहूदीओनगी दुक्‍पा बिन्‍दा च्‍योकराङ ख्‍योकोनलाङ खेराङ लुङबे मिओनगीराङ दुक्‍पा बिन्‍दा ओतान।