शक्ति काम 14:3 - जिरेल

³ ईन्‍सीनोङ पावलताङ बारनाबासचेन मिओनला प्रभु येशूकी दया खाला पापकी सजायदुकी डेल्‍ग्‍यो सिन थे बातओन ज्‍यीबाराङ मिक्‍किता खाला लोप्‍कीन काल्‍बासाकराङ थे सारदु देत्‍सुङ। थेबेकी लापाते बात सत्‍यते बात ईन सिन मिओनगी छ्या स्‍येस्‍यीत सिन प्रभु येशूकी थेबाला छ्ये छ्येताङ अचम्‍बतेन्‍दे काम खित च्‍युत्‍सुङ।

शक्ति काम 14:3 Iomraidhean Croise

मर्कूस 16:20

थोक खाईन थे स्‍वर्गने गाल्‍नामेकी चेलातेबेकी गाङेपा गाल्‍गीन गा लाङच्‍येते बात मिओनला लोपाला स्‍यूसुङ। थोक खित्‍जीन प्रभु येशूकी थेबाला स्‍येतताङ बुद्धि बिन्‍सुङ। थेमे थेबेकी लापाते बात सत्‍यते ईन सिन मिओनगी छ्या स्‍येस्‍यीत सिन थेकी थेबाला अचम्‍बते कामओन खित च्‍युत्‍सुङ। आमेन।

यूहन्‍ना 4:48

थे मिकी थोक खित्‍जीन येशूकी थेला “अचम्‍ब अचम्‍बतेन्‍दे काम माथोङथुपचेन ख्‍योकोनगी ङाला विश्‍वासराङ मिक्‍किदुक,” सिन सिदुक।

शक्ति काम 13:46

यहूदीओनगी थोक खित्‍जीन पावलताङ बारनाबासकी ज्‍यीबाराङ मिक्‍किता खाईन थेबाला “ङ्योकोनगी लोप्‍कीन ओताते परमेश्‍वर बात लोपाला ङ्योकोन गोमा ख्‍योकोन ओत्‍सादु वाबाते ईन। तर ख्‍योकोनगी दि बात ईनराङ मेन्‍दे बात ईन सिन ङेनराङ माङेन्‍सुङ। दोक खाईन ख्‍योकोनगी नोमुङ मिसिन्‍च्‍येते जुनी मोगोओ सिरा च्‍योकराङ खासुङ। थोक ईन्‍देकी था दि बात ङ्योकोन ज्‍येन ज्‍येन जातकी मिला लोप डुइओ।

शक्ति काम 2:22

इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्‍दुराङ छ्ये छ्येताङ अचम्‍बतेन्‍दे काम खाईन तेन्‍दा ओतान। थेचेन थे खोरोङगी छाने खाईन ताङाते मि दुका सिन ख्‍योकोनगी छ्या स्‍येस्‍यीत सिनराङ परमेश्‍वरगी थेला छ्येज्‍यीक शक्ति बिन्‍गीन थोक अचम्‍बते काम खित च्‍युता ओतान। येशूकी च्‍यि च्‍यि खाबा ओताने, चुक चुक खाबा ओताने सिन ख्‍योकोनगीङ खेराङ मिगीराङ थोङा ओतान।

शक्ति काम 20:24

थोक दुक्‍पा ओङजीन स्‍याराङ फाप्‍सीनोङ ङाला छ्याःङ ज्‍यीबा मेत। ङाराङ सोन सोनसाक ङे खिता फाप्‍च्‍येते कामचेन परमेश्‍वरगी मिओनला दया खिओ सिरच्‍येते गा लाङच्‍येते बात गाङेला लोप्‍च्‍येते ईन। थोक खाला प्रभु येशूकी खि साबाते काम ङे पूरो खिताराङ फाप्‍क्‍यो।

शक्ति काम 20:32

था ङा ख्‍योकोन गाङेला परमेश्‍वर लाःक्‍तुराङ सोम्‍पे खिओ। थेमे थेकी दया खिओ सिन छ्या स्‍येच्‍येते गा लाङच्‍येते बात ङेन्‍गीन देत सिनोङ सिओ। दोक खिन देत्‍सीन ख्‍योकोनगी प्रभु येशूला झन लेमु खाला विश्‍वास खिता थुप्‍क्‍यो। थेमे परमेश्‍वरगी सेम खुदुक जोबाते मि गाङेला तिरी तेरग्‍यो साबाते जति गाङे ख्‍योकोनलाङ तेरग्‍यो।

शक्ति काम 4:31

थोक खाईन प्रार्थना खाईन सिन्‍नामेकी थेबा देताते खाम्‍बाराङ लीक्‍सुङ। थेमे थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी छ्याःङ ज्‍यीबा मिक्‍किता खाईन मिओनला परमेश्‍वर बात लाप्‍सुङ।

शक्ति काम 5:32

ङ्योकोन खालि ङेराङगी थोङातेताङ थोबाते बातकामा खिओ। दि बाततेबा ईन्‍दातेराङ ईन सिन परमेश्‍वर आत्‍मेकीङ छ्या स्‍ये ज्‍युत्‍क्‍यो। परमेश्‍वर आत्‍माचेन परमेश्‍वरगी थे खोरोङगी खि साबा साबा खित्‍कान्‍ते मिओनला बिन्‍दा ओत,” सिन सासुङ।

रोमी 1:16

गा लाङच्‍येते बात लोपाला ङाला सुङताङ छ्याःङ ङोचा मालाङदुक। च्‍यिला सासीन दि बातला परमेश्‍वरताङ चुक छ्येज्‍यीक शक्ति ओते सिरच्‍येते बात ओत। दि बात ङेन्‍ला येशूला विश्‍वास खित्‍कान्‍ते मिबरी गाङेला परमेश्‍वरगी पापदुकी डेल्‍ग्‍यो। दि पापदुकी डेल्‍च्‍येते काम परमेश्‍वरगी गोमा यहूदीओनला खासीनोङ ज्‍येन ज्‍येन जातकी मिलाङ खिओ।

१ थिस्‍सलोनिकी 2:2

च्‍यि सासीन ख्‍योकोन ओत्‍सापा ओङा भन्‍दा गोमा फिलिप्‍पी सारदु परमेश्‍वरते गा लाङच्‍येते बात लोप्‍जीन थेरू मिओनगी ङ्योकोनला दुकीन इज्‍जत बेइज्‍जत खाबाते बात ख्‍योकोनगी छ्या मास्‍येबाते मेन। थेरू थोक खाईन दुक्‍पा बिन्‍सीनोङ परमेश्‍वरगी ङ्योकोनला आँट बिन्‍देकी ङ्योकोनगी ख्‍योकोन ओत्‍सादु वाकीन थेरूङ थे बातराङ लापाप। थेरूङ मिओनगी आउदी दुक्‍पा बिन्‍सीनोङ ङ्योकोनगी छ्याःङ ज्‍यीबा मिक्‍किता खाईन ख्‍योकोनला थे बात लापा ओतान।

हिब्रू 2:4

थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।