शक्ति काम 14:1 - जिरेल

¹ आइकोनियमदु लेप्‍नामेकी पावलताङ बारनाबासकी ज्‍येन ठाउँला च्‍योकराङ खाईन यहूदीओनते मिटिङ खित्‍च्‍येते खाम्‍बादु गाल्‍गीन थेरूङ बात खिताला स्‍यूसुङ। थेबा ङिबोकी येशू बात आउदी लेमु खाईन लापेकी थेरू यहूदीओनताङ ज्‍येन ज्‍येन जातकी मि काल्‍बेईकी थे बात ङेन्‍गीन येशूला विश्‍वास खिताला स्‍यूसुङ।

शक्ति काम 14:1 Iomraidhean Croise

मर्कूस 7:26

थे फेम्‍मे मि ग्रीक ओतान। थे सिरिये लुङबे फोनिसिया सिरसादु केबा ओतान। थेकी येशूला “ङे फुमुला खोबाते ल्‍हन्‍डीक तेन्‍ला नाङ,” सिन बिन्‍ती खासुङ।

यूहन्‍ना 12:20

निस्‍तार चाडगी बेलाला परमेश्‍वरला माने खिताला यरूशलेमदु वाबाते मि नाङ कोई कोई ग्रीकओनोङ ओतान।

यूहन्‍ना 7:35

थेकी थोक सिरजीन यहूदीओनते छ्ये छ्ये मिकी “आछ्यि दिकी चुकस्‍यिक बात खिका। ङुरूङगी थेपराङ मेथेप्‍साला डुइओ सिरच्‍या दि खापा ड्वाप सिताका? ना दि ठाउँ ठाउँला ग्रीकओन नाङ गाल्‍गीन देता ओताते यहूदीओन ओत्‍साला गाल्‍ला ग्रीकओनला दि खोरोङ बात लोपा सिताका?

शक्ति काम 11:21

थोक खाला बात लोपाला प्रभु येशूकी थेबाला आउदी खाईन आशी बिन्‍सुङ। थेमे थेरू मि काल्‍बेईकी प्रभु येशूला विश्‍वास खाईन थे छ्य्‌वापा लै खासुङ।

शक्ति काम 13:43

थेरू मिटिङ सिन्‍नामेई यहूदीओन थेमे यहूदी धर्म माने खिताला स्‍यूकीन परमेश्‍वरला माने खित्‍कान्‍ते ज्‍येन ज्‍येन जातकी मि काल्‍बेई पावलताङ बारनाबास तिरी तिरी गाल्‍सुङ। थेमे थेबा ङिबोकी थे मिओनला “परमेश्‍वरगी ख्‍योकोनला दया खाबा ओतेकी था जस्‍तो ओङसीनोङ ख्‍योकोन येशूला विश्‍वास खिनराङ देत,” सिन सिदुक।

शक्ति काम 13:46

यहूदीओनगी थोक खित्‍जीन पावलताङ बारनाबासकी ज्‍यीबाराङ मिक्‍किता खाईन थेबाला “ङ्योकोनगी लोप्‍कीन ओताते परमेश्‍वर बात लोपाला ङ्योकोन गोमा ख्‍योकोन ओत्‍सादु वाबाते ईन। तर ख्‍योकोनगी दि बात ईनराङ मेन्‍दे बात ईन सिन ङेनराङ माङेन्‍सुङ। दोक खाईन ख्‍योकोनगी नोमुङ मिसिन्‍च्‍येते जुनी मोगोओ सिरा च्‍योकराङ खासुङ। थोक ईन्‍देकी था दि बात ङ्योकोन ज्‍येन ज्‍येन जातकी मिला लोप डुइओ।

शक्ति काम 13:5

थेमे थेरू सलामिस सिरसादु लेप्‍नामेकी थेबा यहूदीओनते मिटिङ खित्‍च्‍येते खाम्‍बा खाम्‍बाला गाल्‍गीन गाङेला परमेश्‍वर बात लोपाला स्‍यूसुङ। खोपरोङला थे काम खित्‍जीन मद्धत खिताला गोक्‍यो सिन बारनाबासताङ शावलगी यूहन्‍नालाङ ङ्योम्‍बुराङ टीकीन खेरा ओतान।

शक्ति काम 13:51

थेरूकी थोक खाला उरला तोङजीन पावलताङ बारनाबासकीङ थे मिओनतेराङ गल्‍ती ईन सिराला खोपरोङ काम्‍बाला खोबाते थाला समेदोङ टाक टाक खाईन एन्‍टिओखियादुकी थेन्‍गीन आइकोनियमपा गाल्‍सुङ।

शक्ति काम 14:19

थे तिरी एन्‍टिओखियाताङ आइकोनियमदुकी कोई कोई यहूदी थेरू लेप्‍कीन थेरू मिओनला उल्‍के खाईन खोपरोङ छ्य्‌वापा लै खित च्‍युत्‍सुङ। थेमे थे यहूदीओनगी पावलला सेता फाप्‍क्‍यो सिन थेला आउदी खाईन दोईकी ग्‍याप्‍सुङ। थेमे थे स्‍याप्‍सीन सिन थेला सारदुकी ठुत्‍कीन खेरगीन पाङला क्‍युरसुङ।

शक्ति काम 14:2

तर थे बात मेङेन्‍कान्‍ते यहूदीओनगीचेन येशूला विश्‍वास खित्‍कान्‍ते मिओन लेमु मि मेन सिन मेन्‍दा मेन्‍दे बात साकीन थेबाला मेलेबा खिताला ज्‍येन ज्‍येन जातकी मिला उल्‍के खासुङ।

शक्ति काम 14:21

थेपा लेप्‍नामेकी थेरूङ थेबा ङिबोकी मिओनला गा लाङच्‍येते बात लाप्‍सुङ। थेबे बात ङेन्‍गीन थेरूङ मि काल्‍बेई येशू चेला ओङसुङ। तिरी थेबा ङिबो थेरूकी याङराङ लिस्‍त्राताङ आइकोनियमपाराङ खाईन पिसिदिये अञ्‍चल एन्‍टिओखिया सारनापा ग्‍युरसुङ।

शक्ति काम 16:1

थोक खिन पावलबा डर्बीपा लेप्‍सुङ। थेमे थेरूकीङ लिस्‍त्रापा गाल्‍सुङ। लिस्‍त्रादु तिमोथी सिराज्‍यीक येशू चेला ओतान। थेते आमाते यहूदी थेमे आबाचेन ग्रीक ओतान। थे आमातेङ येशूला विश्‍वास खित्‍कान्‍ते मि ओतान।

शक्ति काम 16:2

तिमोथीला लिस्‍त्राताङ आइकोनियम सारगी आज्‍यो न्‍वाओनगी लेमु मि ईन सिन मन परे खाबा ओतान।

शक्ति काम 17:12

थेमे यहूदी काल्‍बेईकी येशूराङ ख्रीष्‍ट दुका सिन थेला विश्‍वास खिताला स्‍यूसुङ। थोकराङ खाईन ग्रीकओन नाङ छ्ये छ्ये फेम्‍मे मित्ताङ ख्‍योओ मिकीङ काल्‍बेईकी येशूला विश्‍वास खिताला स्‍यूसुङ।

शक्ति काम 17:17

थेकी थेरू यहूदीओनते मिटिङ खित्‍च्‍येते खाम्‍बादु गाल्‍गीन यहूदीओन थेमे परमेश्‍वरला माने खित्‍कान्‍ते ग्रीकओनताङ छलफल खिन येशू बात लाप्‍सुङ। थेमे ङीमे ठाङमा थे सारदु मिओन रूक्‍सादु गाल्‍गीन थेरू ओङकान डोकान मिओनलाङ थोकराङ खाईन येशू बात लाप्‍सुङ।

शक्ति काम 17:4

थेकी खाबाते थे बाततेबा थोकीन यहूदी नाङ कोई कोईचेन दि बात सत्‍यतेराङ ईन सिन पावलताङ सिलास छ्य्‌वापा लै खासुङ। थोकराङ खाईन परमेश्‍वरला माने खित्‍कान्‍ते ग्रीकओनोङ काल्‍बेई थेबे छ्य्‌वापा लै खासुङ। थे ग्रीकओन नाङ थे सारगी छ्ये छ्ये फेम्‍मे मिङ आदोराङ ओतान।

शक्ति काम 18:4

ईन्‍सीनोङ सन्‍चारी छोमु छोमुचेन पावल यहूदीओनते मिटिङ खित्‍च्‍येते खाम्‍बापा गाल्‍ला थेरू जम्‍मा ओङकान्‍ते यहूदीताङ ग्रीकओनला येशू बात सत्‍यते बात ईन सिन छलफल खाला खाला लेमु खाला लोप्‍कीन ओतान।

शक्ति काम 18:8

पावलगी लापाते बात ङेन्‍गीन क्रिस्‍पसताङ थे खाम्‍बे मि गाङेकी प्रभु येशूला विश्‍वास खिताला स्‍यूसुङ। क्रिस्‍पसचेन होथे मिटिङ खित्‍च्‍येते खाम्‍बेते छ्येते मि ओतान। पावलगी लोप्‍कीन ओताते बात ङेन्‍गीन कोरिन्‍थदु ज्‍येनोङ मि काल्‍बेईकी प्रभु येशूला विश्‍वास खाईन बप्‍तिस्‍मा लासुङ।

शक्ति काम 19:10

लो ङिसाक थे थेरूराङ थोक खाला लोप्‍कीन देत्‍सुङ। थोक खाईन एशिये अञ्‍चल खाङ प्रभु येशू बात फैले खाईन थेङला ओताते यहूदी ईन्‍स्‍यीत, ग्रीक ईन्‍स्‍यीत गाङेकी थे बात थोसुङ।

शक्ति काम 19:17

थेबा पुनओनला ओङाते थे बात एफिससदु ओताते मि गाङेकी थोसुङ। थे बात थोनामेई यहूदी ईन्‍स्‍यीत, ग्रीक ईन्‍स्‍यीत गाङेला आउदी ज्‍यीबा लासुङ। थेमे प्रभु येशू आउदी छ्येते दुका सिन सिराला स्‍यूसुङ।

शक्ति काम 19:8

थेमे पावल थेरूङ यहूदीओनते मिटिङ खित्‍च्‍येते खाम्‍बादु गाल्‍गीन मिओनला लोपाला स्‍यूसुङ। थेबाताङ छ्याःङ ज्‍यीबा मिक्‍किता खाईन छलफल खिन परमेश्‍वरगी थे खोरोङ राज्‍य येशू छ्य्‌वापेकी जोच्‍येते ईन सिरच्‍येते बात थेबेकी मेन सिराराङ मुथुप्‍च्‍या खाईन लेमु खाईन लाप्‍कीन बिन्‍सुङ। दावा सुमसाक थे दोक खाला थेरू लोप्‍कीनराङ देत्‍सुङ।

शक्ति काम 2:47

थोक खाला छ्वाला रूला थेबाचेन जहिलेङ परमेश्‍वरते जय जय खिन ओतान। ज्‍येन ज्‍येनगीङ थेबाला लेमु मि ईन सिन मान खिन ओतान। थेमे प्रभु येशूकी थे खोरोङ छ्य्‌वापा लै खित्‍कान्‍ते मिओनला पापदुकी टाल्‍ला थे खोरोङला विश्‍वास खित्‍कान्‍ते मिओन ङीमे ठाङमा फेल ज्‍युत्‍कीन ओतान।

शक्ति काम 20:21

यहूदी ईन्‍स्‍यीत, ग्रीक ईन्‍स्‍यीत ङे गाङेला ओर्च्‍ये ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि थेमे प्रभु येशूला विश्‍वास खि सिन साबा ओत। ङे दोक दोक खाबा ओतान सिन ख्‍योकोन गाङेला छ्याराङ ओत।

शक्ति काम 21:28

“ए आज्‍यो न्‍वावे, लो गाङेराङ छिटो स्‍योक। था दिला ठीक पारे खिता फाप्‍क्‍यो। गाङेपा युला ङुरूङ जातकी विरोध खित्‍कान्‍ते दिराङ ईन। गाङेपे मिला परमेश्‍वर नियम ङेन्‍दा थोङ सिन सिरकान्‍ते, परमेश्‍वर मन्‍दिर छ्याःङ मेन सिन लोप्‍कीन ख्‍याम्‍कान्‍ते दिराङ ईन। दोस्‍यिककामा मेन, दिकी आनाङ भर्खरकामा ग्रीकओनलाङ दि मन्‍दिर नाङ लुगीन मन्‍दिरराङ बिटुले खादुक,” सिन छेरा खासुङ।

शक्ति काम 9:20

येशूला विश्‍वास खिताला स्‍यूक्‍पाईताङ शावल थेरू ओताते यहूदीओनते मिटिङ खित्‍च्‍येते खाम्‍बे नाङपा गाल्‍गीन थेरू जम्‍मा ओङाते मिओनला येशू परमेश्‍वर फुज्‍युङराङ ईन सिन लोपाला स्‍यूसुङ।

रोमी 1:16

गा लाङच्‍येते बात लोपाला ङाला सुङताङ छ्याःङ ङोचा मालाङदुक। च्‍यिला सासीन दि बातला परमेश्‍वरताङ चुक छ्येज्‍यीक शक्ति ओते सिरच्‍येते बात ओत। दि बात ङेन्‍ला येशूला विश्‍वास खित्‍कान्‍ते मिबरी गाङेला परमेश्‍वरगी पापदुकी डेल्‍ग्‍यो। दि पापदुकी डेल्‍च्‍येते काम परमेश्‍वरगी गोमा यहूदीओनला खासीनोङ ज्‍येन ज्‍येन जातकी मिलाङ खिओ।

रोमी 10:12

होदि बातओन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत मि गाङे लाईदु ईन। परमेश्‍वर दोन्‍दु मि गाङे थोजोराङ ईन। थेमे थेबा गाङेते मालिकचेन प्रभु येशू ख्रीष्‍टराङ ईन। थे खोरोङ छ्य्‌वापा लै खाला थेला मद्धत नाङ सिरकान गाङेला थेकी आउदी खाला आशी बिन्‍ला लेमु खिओ।

गलाती 2:3

दि गाङे बात सानामेकीङ ङे ङ्योम्‍बुराङ खेराते तीतस ग्रीक ईन्‍सीनोङ परमेश्‍वरगी यहूदीओनला बिन्‍दाते नियमला साबाच्‍योक खाला तीतसकीङ जीउला खतकी चिनु ज्‍वा फाप्‍क्‍यो सिन थेबा सुङगीङ मासासुङ।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

कलस्‍सी 3:11

थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।

२ तिमोथी 3:11

मिओनगी ङाला खेदा खाईन खाईन दुक्‍पा बिन्‍दाते थेमे ङे भोगे खाबाते जेसुकै दुक्‍पा खोल्‍ला छ्या मेताते मेन। एन्‍टिओखिया, आइकोनियम थेमे लिस्‍त्रा सारगी नाङला मिओनगी ङाला चुक मेलेबा खाबा ओताने सिरच्‍येते बादोङ खोल्‍ला छ्याराङ ओत। ङाला जहाँदु जस्‍तो दुक्‍पा ओङसीनोङ प्रभु येशू ख्रीष्‍टकी थोक्‍ते गाङे दुक्‍पादुकी जोए खाबा ओत।