शक्ति काम 13:8 - जिरेल

⁸ थोक खाला थेबा ङिबोला परमेश्‍वर बात लोपाला कातोङजीन बार-येशूकी थुप थुपला थे हाकिमला शावलताङ बारनाबासकी खाबाते बात ईनराङ मेन्‍दे बात ईन सिन येशूला विश्‍वास खित मुज्‍युता चाल्‍सुङ। बार-येशूलाचेन मिओनगी एलुमास सिनोङ सिरच्‍येते खिन ओतान। एलुमास साबाते जादू देन्‍कानताङ स्‍येबा खाबे काम खित्‍कान्‍ते साबाते ईन।

शक्ति काम 13:8 Iomraidhean Croise

यूहन्‍ना 1:41

थेकी होत्ताराङ थे खोरोङ न्‍वाते शिमोनला ठेता खाईन “शिमोन, ङ्योकोनगी परमेश्‍वरगी तोङगो साबाते मसीहला ठेत्‍सुङ,” सिन लाःप्‍सुङ। मसीह साबातेचेन ख्रीष्‍ट साबाते ईन।

शक्ति काम 13:12

थेला थोक ओङा थोङगीन थे हाकिम छक्‍क परे खासुङ। थेमे थेकी पावलबेकी लोप्‍च्‍येते प्रभु येशू बात पक्‍काराङ सत्‍यते दुका सिन येशूला विश्‍वास खिताला स्‍यूसुङ।

शक्ति काम 18:12

तर थेरू गल्‍लियो सिराते मि अखैये लुङबादु रोमी गेल्‍बो हाकिम ओङनामेई था पावलला खइँदा माक्‍याबाला मायाङसुङ सिन यहूदीओनगी डिगीन च्‍याकीन थेला जुम्‍गीन अड्डापा खेरसुङ।

शक्ति काम 19:38

ख्‍योकोन नाङ डेमेत्रियस थेमे थेत्ताङ काम खित्‍कान्‍ते मिओनते सुइँदाताङ खइँदा स्‍येदाङ ओत्‍सीन ख्‍योकोनगी अड्डादु वाला सारगी छ्ये छ्ये मि दोन्‍दु उजूर खि। ख्‍योकोन बात च्‍यि ईन्‍दाका सिन थेबेकीराङ तेइओ।

शक्ति काम 6:7

थोक खाईन गाङे बात मिले खानामेई परमेश्‍वर बात झन गाङेपा फैले खिन गाल्‍गीन येशू चेलाओन यरूशलेमदु झन फेल्‍गीन गाल्‍सुङ। थोक खाला परमेश्‍वर बात ङेन्‍ला येशूला विश्‍वास खित्‍कान्‍तेबे नाङ पूजारीओनोङ काल्‍बेई ओतान।

शक्ति काम 8:9

थे सारदुराङ शिमोन सिराज्‍यीक मिङ ओतान। जादू तेन्‍गीन थेमे स्‍येबा खाबे काम खाईन थेकी थेरू सामरी गाङेला अचम्‍ब लाङा ओतान। थेचेन थे खोरोङताङ छ्येज्‍यीक शक्ति ओत सिराच्‍योक खाला आउदी छ्ये खिन ओतान।

शक्ति काम 9:36

योप्‍पादु तबीता सिराज्‍यीक फेम्‍मे मि ओतान। थेङ येशू चेला ओतान। तबीता साबाते खास्‍याक साबाते ईन। थेकी मि काल्‍बेईला लेमु खिन ओतान। थेमे दुक्‍पा ङेताते मिओनलाङ दुक्‍पाला आउदी खाला तेइन ओतान।

२ तिमोथी 3:8

होथोक्‍ते फेम्‍मे मिओनला लुला खोपरोङ छ्य्‌वापा लै खित ज्‍युत्‍कान्‍ते मिओनचेन यान्‍नेसताङ याम्‍ब्रेस च्‍योक्‍तेबा ईन। थाङबो होथेबा ङिबोकी मोशे बात माङेन्‍दा च्‍योकराङ होदिबेकीङ सत्‍यते बात मेङेनो। थेबा सेम लेमु ओताते मि मेन। थेबेकी खोपरोङ येशूला विश्‍वास खित्‍कान्‍ते मि ईन सासीनोङ परमेश्‍वरगी थेबा थोक्‍ते मि मेन सिओ।